نور: مالك رايح فين انا تعبانه وعايزة انام
مالك : تعالى بس
نور: تعبانه بقولك
يخرج للجنينه وهو يسحبها معاه
نور: يامالك رايح فين
يشعر بمصاص الدماء بالقرب منهم
نور: مالك رد علي….
يقطعها بقبلته على شفتيها وتفتح عيونها على اخرهم وهى مصدومه ويديها متجمدين بجانبها وهو يمسك كتفيها بيديه ويقبلها بقوة وهو يشعر بمصاص الدماء يقترب منهم تدفعه بقوة وتركض للداخل ليصدم ويركض خلفها فهو يريد حمايتها من ذلك مصاص الدماء الموجود معاهم فهو يعلم انه يريدها هى وليست هو يركض خلفها ويصدم عندما يجدها واقفه وتعطيه ظهرها وامامها مصاص الدماء فهى اليوم رات ملامح ذلك الشئ وعيونها حمراء وتبكى عين منهم دماء وانيابه الحادة طويله واظافره كالمخالب ليسير الرعب فجسدها تبتعد للخلف ببطئ وهو يقترب منها تظل تبتعد وهى غير مصدقه ما تراه حتى يصدم ظهرها بجسده لتلف وتنظر بخوف وبدون ارادة تختبى خلف ظهره لتتحمى بيه من ذلك الشئ يقترب مصاص الدماء ويهجم على مالك وتجرح مخالبه عنق مالك لتسير دماءه على قميصه الابيض وتصدم نور تقترب منه لترى جرحه ولكن يهجم مصاص الدماء عليهم ليراه مالك ويلفها ليتلقى الضربه بدل منها ويسقط على الارض فوقها وهى اسفل يرفع رقبته ليرى دماءه على ملابسها وقد اغمضت عيونها فقوة الدفعه جعلتها تغمى عليها ليغضب مالك ويتحول وتظهر انيابه وتتحول عيونه الزرقاء الى سودة قابل على احمر وتطول اظافره على هيئه مخالب قوة يقترب مصاص الدماء ليمسك مالك من قميص ليغمض مالك عيونه ويلف له ويدفع مخالبه بصدر مصاص الدماء ليخرج قلبه من مكانه بغضب ويسقط مصاص الدماء جسد ميت يحملها مالك ويضعها على الاريكه ويتركها ويتخلص من مصاص الدماء وينظف المكان من الدماء و تفتح عيونها بتعب وتراه ينظف تتذكر ما حدث ليتنفض جسدها من مكانه يراها ويقترب منها
نور بخوف : ابعد عنى ..روحنى بيتى
مالك: نور اهدى
نور: اهدا ايه انا لو فضلت هنا هموت تانى مرة حد يجى هنا يأذينى بس …..
وتتذكر الملامح الذى رايتها من ابشع المناظر التى ستراها فى حياتها
مالك بحنان: اهدا يانور ده واحد انا طردته من الشغل عشان بيشتغل فالسحر وجاى ينتقم منى انا بس شافك
نور بخوف وقلق : بس ده عينه .ولا سنانه
مالك : ماهو ساحر بس متقلقيش انا بلغت البوليس وجه اخده
تنظر له بصمت وترى دماء رقبته تقترب منه وتلمس جرحه بيديها فهو لا يتألم ولكن يمثل الاﻻم حتى تشك بيه
مالك: اااه
نور بأسف : انا اسفه
تذهب لتحضر مطهر وقطن وتجلس على الاريكه بجانبه وتطهرها جرحه و هو ينظر لها
نور: هو مش هيجى تانى عشان ميأذكش تانى
مالك: خايفه عليا
تنظر للجهه الاخرى وتشعر بدقات قلبها طبيعيه فهى تعلم عندما تحب ستتسارع دقات قلبها
نور: انا خايفه من المكان كله تعال نروح مكان وسط الناس طالما انت مصر انى لازم اكون معاك
مالك : مقدرش اسيب القصر
نور : ليه
مالك: اسباب شخصيه
نور: طيب عن اذنك هطلع انام
مالك : طيب
تصعد لغرفتها تغير وترتدى ملابسها وتقف تسرح شعرها تسمع اصوات بالخارج فالرياح قوي ويهيز الاشجار تشعر بخوف تخرج تبحث عنه فغرفته ولم تجده تنزل تجده يخرج من الغرفه الوحيدة التى لم يسمح لها بدخولها فهو كان يحتاج لدماء ليأكل
يراها تقف على درجات السلم وترتدى جلابية بيتى قصير تصل لاسفل ركبتها وقط
مالك : عايزة حاجه
نور بارتباك: انا خايفه انام فوق
مالك: طيب تحبى تنام جنبى
نور بخوف منه ولكن خوفها من ملامح ذلك الشئ اكبر: ينفع
مالك : ينفع بس انا مش هطلع دلوقتى عندى شغل هخلصه واطلع
تنزل نور وتذهب امامه وتجلس على الاريكه
نور: خلاص هنام هنا
مالك : ماشى
تمدد جسدها على الاريكه وتغمض عيونها يجلس على الكرسى جانب الاريكه ويفتح اللاب ويبدا شغله ينظر لملامحها وهى نائمه ويبتسم يغلق اللاب ويحملها ويمشى بها تلف يديها حول عنقه ويصعد درجات السلم بها يدخل لغرفته ويضعها بحنان على السرير وياخذ ملابسه ويدخل الحمام يغير ملابسه ويخرج يجدها تتقلب فالسرير يدخل البلكونه ويقف يظل واقف ساعه ونص يسمع صوتها
نور بصوت نايم: مالك
مالك: نعم
نور : مش هتنام
يتذكر بانه يستطيع ان يبقى بدون نوم لايام ولكن مضطر للتمثيل
مالك : هنام اهو
وينام بجانبها
كلاهما يغمض عيونه فكلاهما يمثلوا على بعضهم البعض هو يمثل بانه بشري لتحبه وينكر حقيقته بانه مصاص دماء ويخفيها عليها وهى تمثل عليه بانها قبلته فى حياتها ليفك اسرها وتخرج من ذلك المكان المخيف رغم جماله
بداخل كلا منهم مشاعر مختلفه ومختلطه هو يحبها ويعشقها ولكن يكذب عليها فى حقيقته هو لم يستطيع العيش بدونها ويريدها ان تبقى معا
اما هى فتكرهه وتكره حديثها معاه وتكره رايته وتكره تمثيلها عليه
دائما القدر يفرض علينا حياة لا نريدها ويجبرنا على تقبلها والعيش بها جميعنا كذلك ……..
تستقيظ ولم تجده بجانبها تاخذ دوش وترتدى بنطلون جينز وتيشرت واسع بنص كم وتستدل شعرها على شكل ديل حصان وتنزل تجده يقف بجانب السفرة والفطار عليها وهو يرتدى بدله رماديه ووسامته تأسر قلوب كثير لكن ليس قلب يكرهه
نور : ايه ده
مالك: الفطار يلا افطرى بسرعه عشان اوصلك
نور: طيب
تاكل سندوتش وتشرب عصير
نور: يلا
مالك: كده كلتى
نور: اه
مالك : طيب
يخرجوا معا ويركب بجانبها
مالك : صحيح مين جنات دى
نور : واحده بتشتغل معايا فالمستشفى
مالك: مش صاحبتك يعنى
نور: لا
مالك : اصل كانت واقفه معاكم
نور : مع شادى مش معانا
مالك : هى مرتبطه بشادى
نور : ههههههه مين دى انت لو عرفت هتفطس من الضحك
مالك : فطسينى ياختى
نور: شادى مبيحبهاش هى اللى بتحبه بس بتكرهنى عشان شادى بيحبنى
وبمجرد ان يسمع بان شخص اخر يحب حبيبته يوقف السيارة مرة واحده
نور: ايه
مالك بجديه: وانتى بتحبيه
نور: كنت هتموتنى عشان كده لا مبحبوش
مالك : مالكيش علاقه بيه تانى
تقرب نور وجهها من وجهه
نور برقه ليه : بتغير
مالك وهو ينظر لملامحها عن قرب بحنان ورومانسيه : اه بغير اوووى
تبلع ريقيها بصعوبه من طريقه كلامه وتعود لمقعد بارتباك
يبتسم عليها ويصلوا امام المستشفى تنزل نور يرى مالك شادى ينتظرها على باب المستشفى ليشعر بالغيرة وينزل بسرعه
مالك : نور
تنظر له وتعود لسيارة : ايوة يامالك
مالك : خلى بالك من نفسك
نور : حاضر
مالك : انا هروح الشركه
نور : طب فين عنوانها عشان احتمال اخلص بدرى النهاردة
يعطيها الكارت
نور : ماشى خلى بالك من نفسك
مالك : حاضر
ويضع قبله على جبينتها لتخجل يبتسم لها ويراهم شادى ويدخل للمستشفى بغضب
شادى: والله لاوريك ياسي زفت نور دى حبى وهاخدها ومش هسمحلك تاخدها
تدخل نور بعد ان رحل مالك ولم ترى شادى ينتظرها تدخل لتغير ملابسها وتصدم عندما تجد نفس الشئ ………………
يتبع ……….
1-رايكم فالبارت ؟؟
2-تقيمونى بكام من عشرة؟؟
3-جزء عجبكم ؟؟
4-جزء مؤثر؟؟
5-توقعاتكم ؟؟
6-نور هتعرف حاجه ؟؟
7-شادى هيعمل ايه فمالك ؟