حوريتي الصغيره للمبدعه علياء شعبان\كاملة

بواسطة: كُتاب بيت العز - آخر تحديث: 5 نوفمبر 2023
حوريتي الصغيره للمبدعه علياء شعبان\كاملة



محتويات

الحلقـه الثانيه عشر”حوريتي الصغيره”.

تابعـت حديثها بشيئاً من البساطه في الأمور،حيث حسمت ما دار داخل عقلها بهذه الإجابه…
-لا مش حفظـاه كله.
حمزه بتفهم:ربنا يوعدك بحفظـه كامل.
ياسمين بثبـات:اللهم أمين بس انا ليا عندك شرط،،هو مش شرط أوي بس اعتبره طلب.
حمزه بتساؤل:وأيه هو الطلب!!
ياسمين مُكمله:بما إننا مش حافظين القرآن زي بعض،أيه رأيك خلال الفتره دي نحفظـه سوي علشان نشجع بعض أكتر!!
كـان يستمع لها وهو ينظُـر إلي أرضيه الغرفه حتي لا يثير خجلها وما أن أنهت جملتها الأخيره حتي رفع عينيـه إليها قائلاً…
-أفكارك جميله يا ذات العيون الخضراء.
أشاحت ياسمين بـ وجهها بعيداً عنه ولم تعقب قط علي كلماته في حين أكمل هو بنبرآت هادئـه…
-يعني أعتبر إنك موافقه مبدأياً.
ياسمين بثبـات:إن شاء الله.
حمزه بشرح أكثر:بإذن الله ،هيتم عقد القران في خلال يومين ،،علشان أقدر أحل مشكله جامعتك قبل الدراسه،،وإنتِ عارفه إن بدايه من الاسبوع الجاي الدراسه هتبدأ ..وهكون في منصب جديد..فـ أتمني إن كل حاجه تتم في خلال أيام.
ياسمين بحزن: موافقه وشكراً علي تعاونك معايا.
حمزه بهدوء:الشكرلله.
أنهي حمزه حديثه ومن ثم وقف علي الفور قائلاً…
-أستأذنـك.
إتجــه حمزه خارج الغرفه ،ليلتحق بالجميع في الخارج،وهنا إتجهت رنيم إلي حيث تجلس صديقتها قائلـه بضيق…
-ياسمين ،أيه اللي إنتِ عملتيه دا!!
رمقتها ياسمين بنظرات مكسـور ،وفي طيات الثوان أسرعت برمي رأسها في أحضان صديقتها قائلـه..
-أنا تعبانه أوي يا رنيم خليكي جنبي.
قــامت رنيم بضم صديقتها أكثر وهي تطبع قُبله علي جبينها في حنو قائلـه بلوم…
-ليه يا ياسمين ،قولتيله أنك مش حافظـه القرءان كله!
أخـذت شهقاتها تعلـو بشكلاً ملحوظاً،ولكنه بادرت بوضع يدها علي فمها قائلـه بضيق مكتوم…
– انا دلوقت بس عرفت ليه دايماً عمتو وشها حزين ،بسبب جوزها..اللي حاول يتحرش بيا وانا سكتت علشان المشاكل ،بس هي حسيت ،فـ قررت تستعين بشخص بتثق فيه وهو بالفعل وافق أنه يساعدني ،أتخلص من تحكمات قاسم الطوخي،،لأن انا لو ما قبلتش بجوازي من حمزه..هفضل مُضطهده من قاسم وحقي هيضيع وهيرميني في الشارع..وبما أن حمزه هيساعدني في حياتي كتير،،فـ انا لازم اردله جزء من جميله عليا،وهو إني أساعده يحفظ القرآن حتي لو كُنت أنا حفظـاه،بس هو ميعرفش،،وخير ليا لأني هراجع من تاني..وبإذن الله نويت خلال المُده اللي هقعد فيها معاهم ،هخليه يحفظ القرآن كله وهساعد نيره تتغير.
كـانت رنيم تستمع لحديث صديقتها والدموع تنهمـر علي وجنتيها في آسف وما أن أنهت ياسمين حديثها حتي تابعت رنيم قائله بحب…
-إنتِ جميله أوي يا ياسمين وطيبه..علشان كدا دايماً ربنا بيوقفلك ولاد الحلال..بس مهما كان الهدف من الجواز لازم تصلي إستخـاره،،علشان ربنا يبينلك إذا كان حمزه خير ليكِ وهيرجعلك حقك ولا مش هيختلف عن قاسم ولابس الوش الطيب في الأول.
بـدي علي ملامح ياسمين القلق،أيُعقل أن يكون بنفس صفات زوج عمتها ،وكُل تضحياته وما يدعيه من مساعده،ما هي إلا بدايه لتقييداً جديد.
ياسمين بحسم وهي تزيل قطرات الدموع من علي وجنتيها…

-هصلي إن شاء الله.

“حل الليل سريعـاً”.
-زي ما فهمت من كلام حضرتك،،إن رفضكم للطالبه ياسمين منصور ،،بأوامر من قاسم الطوخي!!
أردف حمزه بتلك الكلمات في حزم بينما أجاب رئيس كُليه الطب بتأكيد…
-إنت كمان يومين وهتتعين مُعيد في الجامعه يا حمزه،،وإنت عارف إننا ما بنشجعش العنف والشغب ودا اللي وصلنـا عن الطالـبه.
حمزه بنفاذ صبر:واتأكدتوا من كم الجرائم والتخريب اللي مارستها الطالبه!!!
الرئيس (رؤوف)بشـك:أتمني يا استاذ حمزه،،إن كلامك مايكونش من باب السخريه!!
حمزه بضيق:هو فعلاً من باب السُخريـه يا فندم..لأن دي بنت عاديه جداً..لا مارست تخريب ولا شغب ،وكل الكلام اللي إتقال عنها كذب..وحضرتك لما عرفت إنها مُنتقبه صدقته من قبل حتي ما تتحري عن الطالبه،،رغم إن دي مش من أدواركم.
رؤوف بصرامه:بس أنا أصدرت قراري النهائي يا أستاذ حمزه ، وانا شايف إنك برا الموضوع أصلاً.
نهض حمزه من مقعـده الخاص في ضيق ،ومن ثم أطـرق بأصابعه عده طرقات علي سطح المكتب الخشبـي قائلاً…
-قرارك واجب التنفيذ يافندم لو كانت مُجرد طالبه..بس الموضوع بقا مشكله حرم حمزه الشيخ.
رؤوف بعدم فهم:أزاي مافهمتش!!
حمزه بثبات:يعني اللي بتتهمها بالشغب والإرهاب في خلال يومين هتكون مراتي..أتمني إنك ترجع في قرارك النهائي يا رؤوف بيـه..أو انا هاخد ورقي وأشوف جامعه أفضل تحترم طلابها.
رؤوف بهدوء قائلاً:أقعد يا حمزه وخلينا نتكلم..ما تنساش إنك ابن عبدالرحمن الشيخ،،يعني صاحب عمري وإنت عارف إن الجامعه واقفـه علي رجليها بفضل رجال الاعمال والمُساهمات اللي بيقوموا بيها،واللي منهم قاسم الطوخي،،فـ بالتالي لازم نقدره.
حمزه بعصبيه ظاهره:مش علي حسـاب اللي يخُصني يا رؤوف بيه.
رؤوف وهو يوميء برأسه مُتفهماً:خلاص يا حمزه..إعتبر انها من لائحه المقبولين في الجامعه.
حمزه بثبات:تمام جداً أتمني تتصلـوا علي رقم المسؤل عنها حالياً،،وتبلغوها بقرار الموافقـه.

رؤوف بتفهم:إن شاء الله.

-بقولك أيه يا روني،،ما تيجي نخرج انا وإنتِ !!
أردف هشام بتلك الكلمات،،بينما تابعت رنيم بسعاده شديده…
-بجد يا هشام!!..اممم بس جوري !!
هشام مُكملاً:هتقعـد مع ياسمين.
رنيم بتفكير:اممم طيب هدخل أقول لـ ياسمين وأتطمن عليهم.
“علي الجانب الأخر”
قامـت ياسمين بإحتضان الصغيره،وأخذت تُمـرر أصابعها داخل خُصلات شعرها المسترسل المفرود علي وسادتها ،حيث تابعت جويريه قائلـه..
-خالتـو أحكيلي قصه حلوه.
وقبل أن تُجيب ياسمين علي طلب الصغيره،،دلفـت رنيم إلي الحجره قائلـه بتساؤل…
-الحلوين بيتكلموا في أيه!!
جويريه بفرح: خالتو ياسمين هتحكيلي حدوته جميله.
رنيم بإعجاب:ووووااو ،،عن أيه بقا الحدوته دي.
ياسمين وقد إنسجمت مع الأجواء:هحكيلها عن جوهره الاسلام ،عن الصادق الامين وقد أيه الرسول كان أمين جداً علي الاسلام وفي رسالته..ها يا جويريه حابه تسمعي!!
جويريه بفرح:أكيييييد عاوزه اسمع عن حبيبنا النبي.
رنيم بحب:طيب أستأذنكم هروح مشوار مع هشام.
جويريه بطفوله:متنسيش ،تجيبيلي شيكولاته معاكي يا ماما.
رنيم بحنـو:من عيوني.
ترجلت رنيم خارج الغرفه في إستغراب لعدم تمسك إبنتها للذهاب معها،،ولكن ما جعلها تتناسي سريعا ،حُب جويريه لـ قصص ياسمين المُمتعه…
قــامت ياسمين بوضع الغطاء علي جسد الصغيره ومن ثم مددت بجانبها أيضاً قائلـه بنبرآت خافته…
-صلي علي الصادق الامين!!
جويريه بهدوء:عليه الصلاه والسلام.
ياسمين بإستكمال:الرسول صلي الله عليه وسلم،كان من أحرص الناس علي الأمانات وردها لأصحابها،حتي رغم إضطهاد قبيلته له ولكنه كان معروف بينهم “بـ الصادق الامين”..عارفه مين هم قبيلته يا جويريه!!
جويريه بتفكير لبضع دقائق: قبيله قريش!!
ياسمين بحب وهي تطبع قُبله علي جبينها:بالظبط..ومش بس قبيلته شهدتله بالصدق والأمانه،،دا ربنا سبحانه وتعالي بجلالته شهد علي دا لما قال في آيه من القرءان “والذي جاء بالصدق وصدق به،أولئك هم المُتقون”…وربنا كان يُقصد بالصدق هنا “القرآن”،،هو في دليل أكبر من إن رب العالمين يشهد للنبي بأنه أصدق الناس في رسالته،علشان الناس تآمن بيه!.
جويريه بتساؤل:طيب وليه الناس مش بيسمعوا كلام ربنا ،،ويكونوا كُلهم مُسلمين!!
ياسمين بإعجاب لـ سؤالها:علشان مش كُلنا عايزين الجنه،بقينا ننتمي لدياناتنا بالوراثـه،،زي ما أتولدنا بنكون ورغم إن الناس لو بحثت في كُل الكُتب الخاصه بالديانات السماويه،هيلاقـوا إن كُل الديانات دي في الأخر هي دين واحد بس “الاسلام”،،حتي في الانجيل إعلن صريح بأن هناك رسول سوف يأتي بعد سيدنا عيسي عليه السلام،اسمه أحمد ،،ودا بيقابله في القرآن الأيه دي ” وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُم مُّصَدِّقًا لِّمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِن بَعْدِي اسْمُهُ أَحْمَدُ ۖ فَلَمَّا جَاءَهُم بِالْبَيِّنَاتِ قَالُوا هَٰذَا سِحْرٌ مُّبِينٌ”..دا غير إن ربنا سبحانه وتعالي أعلنها صريحه في كتابه العزيز عندما قال”وما كان مُحمد ابا أحدٍ من رجالكم ولَكِن رسول الله وخاتم النبيين وكان الله بكل شيءٍ عليماً”…ودي أكبل دلائل علي إن الاسلام هو الدين الصحيح والحمدلله علي نعمه الاسلام.
جويريه مُكمله بحب:وكفي بها نعمه.
ياسمين بحنو وهي تلتقط كفها ثم تُقبله بشغف:برافو عليكي،،وتعرفي كمان يا جويريه الرسول كان ضحاكاً بساماً،،رغم المُعاناه اللي إتعرضلها بس الضحكه مكانتش بتفارق مبسمه ،حتي لو حب يهزر مع حد كان الصدق دايماً موجود معاه حتي في الهزار.
جويريه بنبرآت مُتسائلـه:يعني لازم لما اهزر مع حد اقول الصدق!!
ياسمين بتعزيز:طبعاً جداً ،،تعرفي إن الرسول في مره هزر مع رجل كبير فقاله “إنا حاملوك علي ولد ناقه”..فـ الراجل استغرب وقاله:أزاي يا رسول الله ،انا رجل كبير وولد الناقه دا صغير ،لسـه مولود “وماذا أصنع بولد الناقه؟! ،فـ الرسول وضحله وقاله”وهل تلد الإبل إلا النواق؟!..وكان قصد الرسول هنا إن ولد الناقه يعني إبل وإن دي توريه.
وكمان له موقف تاني مع سيده عجوز و…
وقبل أن تُكمل ياسمين هذا الموقف المعروف للصغيره،،تابعت جويريه بشغف…
-أنا عرفاه أقولهولك!!
ياسمين وهي تُضيق عينيها:موافقه .
جويريه بطفوله:الرسول صلى الله عليه وسلم قال للعجوز دي إن الجنه مش بيدخلها سيدات كبيره في السن ،فـ هي زعلت جداً وعيطت لأنها فهمت غلط،،علشان فعلاً ربنا بيدخل كل الناس الجنه بس لما بيرجعهم صغيرين تاني.
ياسمين بضحكه هادئه:بالظبط كدا ،،هي فهمت إن العجوز في الدنيا لا تدخل الجنه بس هو شرح لها قائلاً…
-“إن الناس إذا دخلن الجنه،،يعدن أبكاراً” يعني شابات .
أنهت ياسمين هذا الموقف ومن ثم أكملت بتساؤل…
-ها فهمتي حاجه من الحدوته النهاردا!!
جويريه وهي توميء برأسها:اه فهمت..بس انا زعلانه منك!!
ياسمين قاطبه حاجبيها:ليه بس!!
جويريه بزعل:علشان إنتِ هتتجوزي عمو حمزه ،وهتسيبيني ومش هتحكيلي قصص تاني.
ياسمين بحنو وهي تحتضنها أكثـر:لا ما انا هاجي اخدك تقعدي معايا كتير.
جويريه وهي تنتفض من مكانه ومن ثم إتسعت حدقتا عينيها وبنبرآت طفوليه رددت…
-وعد يا خالتو!!

ياسمين بحنو:وعد.

جلست رنيم إلي أحد المقاعد الجيريه القريبـه من النيل وظلت تنظُـر إلي السماء وتتذكر ما مر عليها من وقتاً ليس ببعيـد وما أصبحت عليه الآن، لتتنهـد بهدوء مُـردده بصوتاً خافتاً…
-الحمدلله دائماً وأبداً.
-الجميل بيفكر في أيه!!
قطــع شرودها مجيء هشام وهو يحمل بين يديه شيئاً تعشقه كثيراً…
قامت رنيم بإلتقـاط ما في يده ومن ثم تابعت بسعاده…
-دره مشـوي،،الله بجد.
هشام بهيام:بالهنا يا ست الكُل.
رنيم بإبتسامه هادئـه:تعرف يا هشام..وانا معاك بحس إني رجعت طفله من تاني ومش شايله هم الدنيا ولا متعلقه بحاجه فيها غيرك.
أطــال هشام النظـر لها وبنبرآت حانيه تابع…
-وإنتِ متعرفيش أنا دعيت قد أيه علشان بس أمسك إيدك في الحلال.
وأثناء حديثه معها قام بإلتقاط يدها وقربها إلي ثغره،،وبحنو طبع قُبلته الهادئه عليها..
رنيم بسعاده:ربنا بيحبنـا..وعلشان نصيبي هو إنت..لما اتفرقنا ،برحمته علينا وأحساسه بقلوبنا رجعنا لبعض تاني..أصله عارف قد أيه كلمته عنك وكُنت عاوزه حُبنا دايماً يكون ترفُع عن المعاصي ،فـ لما بنرضي ربنا بيرضينـا بعدالته في الأرض ورحمه اللا مُتناهيـه..ربنا يثبتنا علي طاعته.
هشام وهو يمد قطعه الدره خاصته إلي فمها ليُطعمها مُـردداً..

-يارب.

“مـر يومين علي الأبطال،،حيث يستعـدون لتلك المُناسبه التي تدق أبوابهم وتحمل معها السعاده المُفتقـده مُنذ وفاه مسؤل هذا القصر الكبير”
-حمزه صدقني الكرافت أحلي ،،بلاش تقلعها.
أردفـت نيره بتلك الكلمات في توسل في حين تابع حمزه بنبرآت صارمه..
-مش عاوز بتخنُقنـي جداً يا نانو.
نيره بإصرار:معلش إستحملها كام ساعه بس.
كوثر مُقاطعـه: يلا يا شباب ،،علشان نلحق نجيب العروسه من بيت هشـام.
نيره بضيق:وفيها أيه لو كنا عملنا فرح كبير والناس كُلها حضرت..لازم يعني فرح عائلي!!
حمزه بهدوء:علي فكره انا معترضتش علي دا،،بس دي كانت رغبه ياسمين.
كوثر بهدوء:في الحالتين هنفرح بإذن الله.
أنهـي الجميع تجهيزاتهم ومن ثم قام حمزه بأخـذ سيارته وأنطلق بها لإحضار العروس بينما تبعته السيده كوثر وابنتها في السياره الخاصـه بهما…
“علي الجانب الأخر”
-أصريتي علي فرح عائلي ،،وكمان من غير فستان وقولنا ماشي،،لكن مش عاوزه تحطي ميك اب علشان جوزك كدا كتير..!!
أردفت رنيم بتلك الكلمات في غيظ بينما أكملت ياسمين التي ترتدي فستاناً هادئاً باللون الوردي وعليه نقاباً بنفس اللون يُزينه تاجاً من الفضـه..
ياسمين بهدوء:مش شرط فستان ابيض يعني!!
رنيم رافعه حاجبيها: يعني مش نفسـك تلبسي فستان ابيض!!
ياسمين بحزن: الحمدلله.
أسرعـت رنيم بإحتضانها في ود ،وقبل أن تبدأ ياسمين في البكاء سمع الجميع صوت أبواق تصدُر من أسفل البنايه…
تجهـز الجميع للذهاب ،ومـا أن صعد حمزه ودلف لداخل المنزل ،حتي رأي ياسمين بلوناً غير المعهود لها…
أبتسـم حمزه بطريقه لا شعوريه منه ومن ثم إتجه ناحيتها علي الفور قائلاً وهو يمد يده لها…
-يلا بينا.
رمقته ياسمين من وراء نقابها بثبات مُـردده..
-لسه ماكتبناش الكتاب.
حمزه رافعاً حاجبيه:ما إحنا رايحين نكتبه علي فكره..مش همسك إيدك وبعدين اتخلي عنك وسط الناس يعني!.
ياسمين بصرامه:لا مينفعش.
هشام مُتدخلاً:عندها حق يا عم حمزه،،ما تصبر عشر دقايق وابقي أمسك براحتك .
حمزه بثبات:ماااااشي.
إتجـه الجميع إلي خارج البنايه،،وسط الزغاريد والسعاده اللا مُتناهيـه وبالأخص السيده دعاء التي نجحت في الانتصار علي تخطيطات زوجها…
وصـل الجميع إلي أحد المساجد الشهيره ،وبـدأ الشيخ (المأذون)،في إتمام إجراءات عقد القران وما أن أنتهي من تلك الإجراءات ،حتي تبادل الجميع المُباركات ودوام السعاده لهما،،وقبل بالدلـوف خارج المسجـد ،،هتف المأذون موجهاً حديثه لحمزه…
-حافظ عليها،،علشان الخير فيها.
ضيـق حمزه عينيه في إستغراب من حديث الشيخ ولم تكن هي بأقل إستغراباً من زوجها بينما بادلهم الشيخ ببسمـه هادئه علي وجهه وسـار مُبتعداً..
ظلت ياسمين تنظُـر لهذا الشيخ فتره لا بئس بها وما أن وصلوا إلي سياره حمزه الخاصه حتي تابع بعد أن قام بفتح الباب الأمامـي لها…
-أتفضلي يا مدام الشيخ.
ياسمين وهي تنظُـر له في هـدوء:شكراً.
ظلـت ياسمين طيله الطريق صامتـه لا تُحرك ساكناً يتردد علي مسامعها ما قاله هذا الشيخ فقط وبعد مرور النصـف ساعه وصل الجميع إلي القصر…
ترجل حمزه خارج السياره ومن ثم إتجه ناحيه الباب الخاص بها وقام بفتحه بهدوء شديد مُـردداً وهو يمد يده لها…
-أتفضلي يا مدام..هتمسكي إيدي بقا المره دي ولا حرام!!
ياسمين بنفاذ صبر وهي تضع كفها علي كفه:لا معدش حرام.
حمزه بضحكه هادئه:تسلمي يا حسنايتي الجميله،إنك حنيتي عليا ومسكتي إيدي،،بس البمبي فيكِ جامد.
ياسمين بإبتسامه هادئـه:شكراً.
حمزه بغيظ:هو انا بقولك مبروك علي الجواز ،،مفيش أي رومانسيه عندك خالص.
ياسمين بتحدي:خااااالص.
رمقها حمزه بجانب عينيه في غيظ وما أن دلفوا سوياً داخل القصر،،حتي بادلهم الجميع السلام ،وقبل أن يتجه بها حمزه ناحيه غرفتهما قامت رنيم بضمها ،لتهمس ياسمين في أذنها قائلـه…
-ما تسيبينيش وتمشي .
رنيم بضحكه مكتومه:علشان حمزه يقتلني..يلا ربنا يسعدك يا قلبي.
وما أن أنهت ياسمين حديثها السري مع صديقتها حتي قام حمزه بحملها بين ذراعيه وسط نظـراتها المصدومه،،بينما أخذت نيره تصفق في سعاده مما فعله شقيقهـا..
إتجـه حمزه بها ناحيه الدرج ،ثم صعد إلي غرفتهمـا وما أن أجلسها حمزه علي أحد المقاعد بجانب الفراش ،حتي تابع بهدوء..
-لما الناس تمشي،،انا هنام في الأوضه اللي جنبك.
ياسمين وهي توميء برأسها:تمام…بس مش هنصلي سوا!!
حمزه وهو يقف أمام المرآه: طبعاً هنصلي.
بـدأ حمزه في فك رباطـه عُنقه بينما تناسـت هي وجوده داخل الغرفه وقامت بنـزع النقاب عنها وهي تُتابع بتأفُف…
-الجو حار أوي بجد أما أروح اتوضأ.
تجمـدت ملامحه وهو ينظُـر إلي تلك الحسناء من المرآه ،لم تكن حسناء فحسب ..بل الحُسن أدي التحيه أمام عـرش رونقهـا الآخـاذ…
وقف أمامها مُباشـره ثم ردد بنبرآت مصدومه..
-إنتِ مين!!..وفين مراتي!!
إمعتق وجهها من شده الغيظ ومن ثم تابعت بثبات..
-لا والله.
حمزه بعدم تصديق: لا بجد فين مراتي!!..حاجه كدا اسود في اسود،انا مسميها حسنايه مُتنقله، اللهي يكرمك ما شوفتيهاش هنا ولا هنا….!!
ياسمين بغيظ:انا أو يافندم..الحسنايه المُتنقله
حمزه وهو يفرُك عينيه بكفيه:قطع لسانه اللي يقول عليكِ حسنايه مُتنقلـه..أكيد غبي ما بيشوفش…دا إنتِ يتقال عليكي موز باللبن.
بـدأ حمزه في بالإقتراب منها وهو يهتف بتلك الكلمات في حين إبتلعت هي ريقها بصعوبه ،وفـرت من أمامه هاربه بإتجاه المرحاض وهي تُتابع..

-أما الحق أتوضاً…!!

ظلام يطغي علي المكان بأكملـه وفي مُنتصف الغرفه يجلس رجلاً مُكفهر الملامح ،،ولديه لحيه طويله للغايه ،،وأصابعـه تكاد تشبُه اصابع الشيطان..
ظل يُردد بعض التعويـذات ،وكلاماً لا يفهمه سواه ولا يؤمن به إلا أصحاب العقول المريضه والقلـوب الضعيفـه نتيجه بعدهم عن الله،وهنا تابع هذا الرجل قائلاً…
-أنا مقدرش أعمل أي حاجه..غير لو جبتيلي أي حاجه من ريحته،،لبس خُصله من شعره ،،المهم تكون حاجه ملموسه…!!
يتبع
#علياء_شعبان




30745 مشاهدة