محتويات
الحلقـه السابعه والعشرون”حوريتي الصغيره”.
خفـق قلبه بقوه كـ ميزان رابح مثقول حمولته،بدأ يتنهـد في إختنـاق وهو يجول ببصره بين كلماتها البسيطه ذو المعاني القاسيه عليه وما أن رأهـا تمضي باسمـه في نهايه الصحيفـه حتي إبتلع ريقه بصعوبه شديده وهو يتابع بألم مكتوم…
-أنا غبـي،،غبي..ما بفهمش..واستاهل كل كلمه طلعت منها ..ومتأكد إني لو خسرتها هعيش ندمان طول عمري،،بس انا مش هخسرهـا ..هي هتسامحني اكيد وكلامها دا كان في وقت زعل مش اكتـر.
أغلق حمزه الدفتـر ومن ثم قام بوضعه في جيـب بنطالـه،مُستعداً للإنطـلاق إلي المشفـي من جديد،وقبل أن يترجل خارج الغرفه سمـع صوت رنين هاتفـه المُلقي علي الأرض…
التقـط حمزه الهاتف وما أن رأي اسم المُتصل حتي زفـر في إنفعال وقام بالإجابه علي الفـور مُـردداً بصوتاً حــاد..
-نعم !!
سندرا بإستغراب:نعم ايه!!،مالك يا حمزه!..وقفلت فونك مره واحده ليه!!،،انا قلقت عليك!
حمزه بصـرامه:أولاً الالقـاب بيننا تفضل محفوظـه،ثانياً مش علشان تعاطفت معاكِ ،تتمـادي في تصرفاتك،ثالثاً ودا الاهم رقمك ،ما شفهوش علي فونـي تاني .
اغلـق حمزه الخط علي الفور دون أن ينتظر رداً منهـا وبعدها أسرع حيث ينوي الذهـاب…
“علي الجانب الأخر”
قــامت سندرا بإلقاء هاتفها علي الفراش في عصبيه ،وهنا رمقتها عاليه في إستغراب متابعه…
-مالك يا سندرا!!
سندرا بغيظ:حمزه اتبدل جداً وطريقته رجعت رسميه تاني،وقالي ما احاولش اكلمه تاني ،،انا مخنوقه من رده دا ..وبعدين إنتِ قولتي انه مش بيحبها،بس صوته وعصبيته بيقولـوا ،انه هيتجنن عليها.
عاليه وهي تربت علي كتفها:حتي لو هيتجنن عليها زي ما بتقولي،،بس انها ما تحافظش علي ابنه دا في حد ذاته نقطه لصالحنا.
سندرا بإنفعال:ودا ازاي ،إن شاء الله!!
عاليه مُكمله:اي راجل في الدُنيا،ضناه غالي عليه،وإنتِ عارفه كويس اوي شخصيه حمزه الشيخ وقد ايه بيكره الاهمال..انا مُتأكده إن دي نقطه إيجابيه لصالحنـا وبكرا تصدقي كلامي..بس فكي التكشيره ويلا علشان نبدأ الخروجه ولا رجعتي في كلامـك!!
سندرا بضيق:طيب طيب،هنخرج.
-أيه يابني أخيراً فتحت فونك!!..وبعدين انت فين!!
أردف وائل بتلك الكلمات في ضيق بينما تابع حمزه حديثه بنبرآت هادئـه…
-ياسمين تعبت شويه ونقلناها المستشفي وانا دلوقتي عندها.
وائل بتفهم:اه ما انا عرفت بالموضوع وانا ونادر في المستشفي.
حمزه بتركيز:طيب انا بشتري شويه حاجات وراجع ،استنوني في الدور الارضي.
وائل بتفهُم:تمام ما تتأخـرش.
ظل وائل ونادر ينتظروا وصول حمـزه،الذي طـال غيابه وما أن عـاد حيث ينتظروه حتي وجدوه يحمل باقه من الزهـور الحمراء بين يديه وباليد الأخري يحمل انبوب بلاستيكي رفيع ويعتليـه بلوره بلاستيكيه أيضاً من اللون الوردي تتخذ شكل (المصاصه) وتحتوي داخلها علي مجموعه كبيره من المصاصات المُفضله لدي زوجته…
وائل بإستغراب:ايه اللي معاك دا!!
حمزه بهدوء:ورد.
نادر بإبتسامه بلهاء:لا التاني!!
حمزه بثبات:مصاصـه كبيره وحامل في مصاصات كتير.
نادر بضحك:دا إنت داهيـه..مراتك تعبانه وانت بتضحك.
حمزه بحزن: “وعسي أن تكرهوا شيئاً وهو خير لكم”،،الحمدلله علي كل حال ،الاهم انها بخير.
وائل بإعجاب:شكلك ،فوقت يا صاحبي!.
حمزه وهو يتجه داخل الباب الرئيسي للمشفـي..
-بس مش متأخر حبتين!!
وائل بمرح وهو يفرد يده في بهو المشفـي:متأخر ،كتير..اد كدا.
حمزه بغيظ:اهو اللي حصل بقا..بس مش هخسرها.
نادر رافعاً حاجبيه:ايه الالغاز دي!!
حمزه بهدوء:انا هدخل اطمن عليها وانتوا اقعدوا في الاستراحه،ومش هتأخر.
إتجه حمزه بخُطوات ثابتـه في الممر المؤدي للغرفه،وما أن وصـل حتي طرق الباب، عده طرقات متتاليـه،وبعدها دلف للداخل،ليجد ياسمين تجلس علي الفراش وتنظر أمامها مُباشـره ولا يتواجد معها شخص داخل الغرفه..
حمزه بهدوء: ياسمين،،ممكن نتكلـم!!
لم يتلق حمزه اي رداً منهـا وهنا عاود حديثه من جديد..
-ياسمين ممكن تردي عليـا.
في تلك اللحظه دلفـت نيره للداخل وبعدها تابعت بإستغراب..
-حمزه..إنت رجعت تاني!!
حمزه بثبات:اه ولازم نتكلم.
نيره بتفهُم:طيب استني بقا لما تخلص صلاه.
حمزه جاحظاً عينيه:هي كدا بتصلي!!
نيره بثبات:اه.
حمزه وهو يضرب كفه بغره رأسه:وانا اللي بكلمها وفاكر انها مش بترد عليا.
وهنـا قطع حديثهم ،صوتها الهزيل وهي تهتف بوهن …
-اه كنت بصلي ،فـ طبيعي مش هـرد.
حمزه بحنو:بس إنتِ تعبانه..لما تتعافي تماماً،صلي عادي.
ياسمين وهي تتجنب النظر له:كلام مش صح أبداً..انا كويسه جداً وكمان فوقت من تأثير البنج وبقيت بخير ، وما تنساش إن ربنا سبحانه وتعالي ادانا رُخصه الصلاه واحنا قاعدين ،في حاله المرض،،يعني رحيم بينا سبحانه،فـ انا بقا هتحجج بتعبي واقول هأجل صلاتي ،وربنا مبسط كُل الامور عليا،علشان يكتبلي حسنات في صحيفتي..كان في شخص ذهب إلي رسول الله يشتكي اليه المرض فالرسول قالـه حل جميل جداً ومُبسط ،يجمع بيه حسنات مُضاعفـه “صل قائماً فإن لم تستطع فقاعداً،فإن لم تستطع فـعلي جنب”…الاهم انك ترضي ربنا في عـز ضعفك،يقوم يُرزقك القوه في عز ما أنت محتاج ليها بلهفـه..”فاتقوا الله ما استطعتم”،صدق الله العظيم.
حمزه بحب وهو يجلس إلي طرف الفراش:زعلانه مني،بس ما فكرتيش توفري معلومه إحتاجتها منك ،علشان مجروحه مني.
ياسمين ومازلت مُبتعده بعينيها للجهه الاخري:قولتلك انا مش مجروحـه أبداً،،الحمدلله علي كل حال ،واي رد فعل مني عكس توقعاتك فـ دا “إبتغاء مرضات الله”.
قـام حمزه علي الفور بوضع الباقه امامهـا وبعدها تابع بحنو..
-أنا بعشقـك.
حملقـت ياسمين ناحيه نيره ،وبدأت تبتلع ريقها في توتُـر وبعدها تابعت دون أن تنظُر له..
-وفر الكلمه دي..للبنت اللي هتختارها،مش اللي اتفرضت عليك .
حمزه وهو يجذب كفيها في حزم: ياسمين،إنتِ كدا ظلماني..وفاهمه كُل الحكايه غلط..انا بس ساعدتها ويمكن مساعدتي ليها،اتفهمت غلط.
ياسمين وهي تُحاول جاهده ابعاد كفيها:متبررش ،حتي لو كنت بتساعدها..فـ في مليون طريقه ،غير إنك تلمسها.
حمزه مُضيقاً عينيه:اعتبر دي غيره.
ياسمين بتهكم:أبعد ايدك عني يا حمزه..كانت غيره قبل ما الروح اللي جوايا ،تروح عند ربنا..بس دلوقتي نصيحه وخوف عليك من عقاب ربنا..ما تنساش ان النظره للمرأه زنا فما بالك بلمسها!!
حمزه بندم:انا اسف ،علي اي حاجه وجعتك مني وماكنتش قاصدها.
ياسمين بتجهُم:ما تعتذرش،،روح صلح غلطتك!!
حمزه وهو يجز علي أسنانه:هو انا ضربت ورقه عرفي معاها..وبعدين ما انا بصلح غلطتي اهو واعتذرت .
ياسمين بغيظ:مش مُتقبله إعتذارك،وبإذن الله اول ما الدكتور يسمحلي بالخروج ،هقعد في مكان لوحدي وورقه طلاقي توصلي.
رمقها حمزه في غيظ وبعدها اتجـه للجهه الاخري حيث تنظر وهنا وضع يده علي غره رأسها مُـردداً..
-إنتِ سخنه صح!!
ياسمين بغيظ أكثر:لا مش سخنه ولا بخرف.
حمزه بخُبث:لا لا سخنه .. إنتِ إيش عرفك إنتِ،،اهدي كدا يا ياسمينتي علشان ما امدش إيدي.
ياسمين وهي تلوي شفتيها:فاكرني كدا هخاف منك!!
حمزه بهُيام:شكلك حلو وإنت ِ زعلانه..بس اوعي يكون في دكتور بيدخل وإنتِ من غير النقاب..دا انا أروح فيكي في داهيه.
ياسمين وهي تضع رأسها بين يديها:إنت مُستفز.
حمزه وهو يُقدم لها البلوره البلاستيكيه:المصاصات اللي بتحبيها.
ياسمين وهي تتجه للجهه الاخري:مش عاوزه قولتلك.
حمزه بنفاذ صبر:اثبتي في جهه مُعينه..وبعدين ما ينفعش ترجع للاسف.
إلتقطتهـا ياسمين منه وبعدها قامت بمـد يدها ناحيه نيره وهي تهتف بحزم…
-هديه مني ،ليكي يا نيره.
نيره بثبـات:ما بحبهاش.
ياسمين وهي تضعها في يده:وانا كمان ما بحبهاش.
نهــض حمزه مُجدداً عن الفراش وبعدها تابع بغيظ وهو ينظر إلي شقيقته..
-بقا بتتفقـي مع الحسنايه السودا دي ،ضد أخوكي..طيب شوفي مين اللي هيمولك بعد كدا.
ياسمين بجديه:حمزه هو الوقت اللي أكون عوزاك جادي فيه،تهزر..قولتلك انا عاوزه اتطلق.
تجـاهل حمزه حديثها حتي وصل إلي باب الغرفه وبعدها تابع بجمود..
-ما عندناش بنات تتطلـق،انا قاعد برا لو احتاجتوا حاجه
اغلـق حمزه الباب في هدوء وهنا تابعت ياسمين بضيق ونبرآت عاليه بعض الشيء…
-بكـرهك.
وهنـا قام حمزه بفتح باب الغرفه مُـردداً بنبرآت واثقـه..
-كذابه يا أوزعـه.
قام بإحتضانها بين ذراعيه وهو يربُت علي خُصلات شعرها في حنو مُـردداً..
-أهدي يا رنيـم..ياسمين بقيت كويسه..ومفيش داعي للعيـاط دا.
رنيم بشهقات مُتقطعه:قلبي واجعني عليها يا هشـام..كانت مبسوطه اوي انها هتكون ام.. ياسمين تعبت في حياتها كتير اوي،ولسه تعبانه بس ما بتتكلمش.
هشام بتفهم:صدقيني ،ربنا أكيد مقدرلها الخير في اللي حصل دا.
رنيم وهي تمسح دموعها بظهر يدهـا:ونعم بالله
هشام بحُب:أيوه بقا اضحكي كدا..وبكرا هتبوسيني لما تشوفي ياسمين بتطنطط من السعاده قصاد عينك.
رنيم وهي تُقرب وجهها منه ومن ثم تطبع قُبله حانيه علي خده:ودي حاجه مقدماً كدا..علشان دايماً إنت سندي في الدنيا.
هشام مُضيقاً عينيه:طول ما إنتِ كدا ،ربنا مش هيرضي عنك أبداً.
رنيم بإستغراب: هـــا!.ليه بتقول كدا!!
هشام بخُبثث:إن لزوجكِ،عليكِ حق ،ويوم ما تكافئيني،المكافأه تيجي في خـدي ..ربنا ع الظالم والمفتري يا شيخـه.
رنيم بضحك:تأدب ايها الطفل الكبير ولا قتلتُك وقتلت جويريه،علشان استفرد بالاكل اللي في التلاجه جوا.
هشام بغيظ:علي أساس انك مخليه حاجه في التلاجـه.
رنيم بحُزن مُصطنـع:إنت بتعد عليا الاكل!!
هشام وهو يطبع قُبله حانيه علي جبينها..
-لا يا روحـي بالهنا والشفـا..هي فتره مجاعه بسيطه وهتروح لحالها.
“في صباح اليوم التالـي”
ظل يسير في الممر ذهاباً وإياباً والضيق يعتري خلجات وجهه وفي تلك اللحظه هرول وائل ناحيته ثم تابع وهو يلتقط أنفاسه بصعوبه…
-مشيوا خلاص يا حمزه.
حمزه بعصبيه:انا مش فاهم ،ايه كُل الصحافه دي وعرفوا أزاي بتعب مراتي.. وبعدين من أمتي الصحافه بتدخل في حياتي الشخصيه..انا أصلاً طول عمري بعيد كُل البعد عن جو الشهره والثراء دا.
وائل بتفهُم:خلاص أهدي يا حمزه..انا اقنعتهم ومشيوا..واكيد اللي عمل كدا ،عاوز يضايقك.
حمزه وهو يكور قبضه يده:مسيري هعرف..مين اللي عمل كدا.
-ليه مش عاوز تروح تطمن علي البنت!!،،إنت ليه بتكرهها أوي كدا!!
أردفـت دعاء بتلك الكلمات في عصبيه وهي تقف امام زوجها مُباشـره وقد احتد الجدال بينهما في حين تابع قاسم بصـرامه…
-اه ما بحبهاش..ومش عاوز اشوفها نهائـي.
دعاء بضيق: ليه!!..ليه بتكرهها أوي كدا!
قاسم بصوتاً عالياً:علشان كُل اللي انا تعبت ابنيـه،هي هدته في ثواني..انا اللي كبرت الشركه دي ووصلتها للعالميـه،وهي جايه تاخد كُل حاجه علي الجاهز.
دعاء بحزم:بس دا حقها ومحدش يقدر يمنعها عنه..وما تنساش إن الشركه دي هي اللي عملتلك اسم بين رجال الاعمال..ويكفيك فخر انك بقيت واحد من عيله الجيار..بقيت قطب مهم في عالم الموضه والبيزنس ،بفضل شركتنا،،ولا ناسي إنك مكنتش اي حاجه!!!
رفـع قاسم يده للأعلي وقبل أن يصفع زوجته،يجد يداً تُمسك بكفه ،وهنا هتف نادر ببرود…
-امي ،ما تضربش.
قاسم بحده:كبرت يا نادر وبتمسك إيدي كمان.
نادر وهو يجذب يد والدته مُنطلقاً للخارج:إحنا عيلتك ،مش عبيد عندك يا بابا..أتمني ترضي بالامـر الواقـع.
أنهي نادر حديثه ثم إصطحب والدته لـ خارج الغرفه…
-يعني تقدر تخرج النهاردا يا دكتور!!
أردف حمزه بتلك الكلمات وهو يجلس بصحبه الطبيب ،داخل غرفه المكتب وهنا تابع الطبيب بهدوء…
-المدام بخير الحمدلله..وتقدر تُخرج عادي،،بس ياريت ما تجهدش نفسها الكام يوم دول،علشان نتطمن عليها أكتر.
حمزه بتفهُم:تمام يا دكتور.. شكراً جداً.
الطبيب بإبتسامه هادئـه:العفو يا حمزه بيه،ربنا يتم شفاها علي خير.
إنطلـق حمزه خارج غرفه الطبيب والسعاده تنتفض من بين ضلوعه ،فقد رغب وبشـده في حل ما بينهم من مشاكل وبدأ صفحه جديده معهـا ولكن ليس قبل طـي ،تلك السوداء من حياتهمـا…
دلــف حمزه إلي الغرفه ومن ثم تابع بنبرآت هادئـه…
-الدكتور سمحلك بالخروج يا ياسمين..يلا يا نيره ..ساعديها في اللبس وانا مستنيكم برا.
ياسمين بصرامه:وتستنانا ليه!!.. انت ممكن تاخد نيره معاك..لكن أنا مُستحيل ادخل القصر دا تاني،إلا علشان الندوات فقط.
حمزه بعصبيه في مراحلها الأولي: ياسمين البسي علشان نرجع بيتنا..لاننا لازم نتكلـم.
ياسمين وهي تنهض عن الفراش بمساعده نيره:مش عاوزه اتكلم معاك..الكلام اللي بينا إنتهي.
إتجـه حمزه علي الفور ناحيتها وبعدها قام بحملها بين ذراعيه ومن ثم وضعها إلي الفراش،وامسـك بنقابها بين يديه ليقوم بوضعه علي وجهها…
ياسمين بنبرآت أشبه للبُكـاء:سيبني بقا..قولتلك أبعد عني..كل اللي بينا إنتهي..لازم تقتنع بدا .
ومـا أن أنهت جملتها حتي نهضت عن الفراش مُجدداً ثم قامت بإزاحته وهي تهتف بغضب عارم..
-الطفله الصغيره كبرت..بس إنت مش واخد احتياطاتك ولا مُستعد للمواجهه.
إقترب منها حمزه مُجدداً ومن ثم قام بضمها إلي صدره ،رغماً عنها ليُتابع بلهفـه..
-لا مُستعد للمواجهه..بس مش مُستعد اخسرك.
أجهشـت ياسمين بالبكاء وهي تحاول التحرر من ذراعيه اللذان يحاوطان خصرها وهنـا تدخلت نيره لإحتواء الموقف قائله…
-حمزه..سيبها تغير هدومها في التواليت..وخلينا نتكلم في العربيه.
ياسمين بإصرار:قولت مش هركب معاه العربيه،ومش راجعه القصـر.
أنهت ياسمين جملتها وبعدها دلفت إلي المرحاض للهرب من نظراته لها وهنا توجهت نيره ناحيته ثم تابعت بصوتاً خافتاً…
-سيبها يا حمزه تعمل اللي هي عوزاه..اي واحده في مكانه ،طبيعي تعمل كدا..دي خسرت حاجه غاليه عليها اوي..وأوعدك اول ما نفسيتها ترتاح،هخليك تكلمها.
حمزه بنفاذ صبر:وهي ناويه تروح فين يا أستاذه نيره…!!!
يتبع
#علياء_شعبان