الحلقه 10
********
سمر…… و لولو …… وصلو الدور الا فيه سما …..وأول ما شافو عبد العزيز …..وكريمه … أسرعو إليهم وحضنوهمسمر : ماما سما فين وانتو واقفين كدا ليه
كريمه : بعياط أختك فى العنايه ومش بندخل لها كتير وواقفين على أمل انها تفوق وتحس بينا
سمر ….ولولو …..هى دى الاوضه بتاعتها
كريمه …..ايوا
إتجهو …. ناحية غرفة العنايه …..وبينظرو لها من الزجاج الخارجى …
لولو بشهقه….. وتترمى فى حضن سمر ……وبعياط يقطع القلب ??هى وسمر……
لولو : أختى جرالك ايه يا حببتى
سمر : وجعتى قلبى ? ياسما فوقى يا حببتى وقومى من الأوضه الكئيبه دى مش لايق عليكى الهدوء يا سما….
عبد العزيز : والدموع فى عينه? خلاص يا بنات أختكو ان شاء الله ها تبقى زى الفل بس قولو يارب وفضلو قاعدين مع بعض ورفضو يروحو الفيلا من غيرهم
مروان : جاب لهم أكل هو وكريم
مروان : أتفضل ياحج عبد العزيزوارجوك تقبل منى الاكل وتعتبره أعتذار منى ليك ….
عبد العزيز : خلاص يا حبيبى حصل خير انت شغال مع والدك فى الشركه بردو
مروان : لا انا رائد فى الجيش حاجه كدا على قدى
عبد العزيز : ماشاء الله ربنا معاكو ويحميكو
كريم : وانا معاه يا عمى والله
عبدالعزيز : بأبتسامه شكلك شقى يا كريم
كريم : انا دأنا غلبااان
لولو : دا إحنا الا غلابه يا سى كريم
عبد العزيز : بطلى غلبه أكيد زهقتو منها فى الطريق
مروان : ابدا والله دى لولو حببتى والا ايه يا ست لولو
لولو : يااااه أخيرا قولتها واعترفت إنى حبيبتك دا انا ها أغيظ البنات كلها بيك
مروان : دا انا اجيلك ونغظهم سوا
عبد العزيز : بضحك هم يضحك وهم يبكى انتى ما بتعرفيش تمسكى لسانك يا بت انتى
لولو : أعملو ايه يعنى يا بابا
كريمه : واخده سمر …. فى حضنها وقاعدين ساكتين خالص وكريمه …. طلبت تدخل لسما…. عايز تتكلم معاها وفعلا دخلت ….
كريمه : سما…. يا حببتى وحشنى صوتك …..وشقاوتك…. قومى بقى والله ….. ما ها نغصبك على حاجه تانى انا وأبوكى…. ومش ها تتجوزى …..حازم …..زى ما كنتى عايزا وحشتينى يا سما …..كفايه يا حببتى….. وقومى ابوكى …..قلبه بيتقطع عليكى …..هو واخواتك …..ولولو الرغايه لمضه زيك ……فرحانه….. بتتكلم ….زعلانه… تتكلم وفضلت تكلمها كتير وسما ولا حياة لمن تنادى وكأنها فعلا بتعاقبهم…..
*******
وتمر الايام والوضوع زى ما هو وكله راح على بيته مجبروين وابو سما …..حاول ينقلها فى مكان قريب عندهم ….ومحمد رفض تماما…. وبقو رايحين جاين عليها عشان المدارس وشغلهم
*******
مروان: عند سما فى الغرفه ….. ماسك كفها ….. وحاطه على وشه….. وبيبوس….. فيه وبيقول لها 15 يوم …….وانتى مش معانا وبتهربى مننا كلنا …….أمتى ها تفوقى…… تعرفى ان مازن …..طلع بيحبك قوى…… أجل كتب الكتاب لما أنتى تفوقى ……..قال لو بعد سنه….. وفاطمه زعلت منه وقال بردو مش ها احدد غير لما تبقى وسطنا….. ومرنا بقت كويسه وبتيجى تزورك هى وأميره .. …بتحسى بيهم ومره واحده حركت اديها ….مروان بفرحه سما انتى سمعانى فتحى عيونك يا سما لو سمعانى . .
سما : فتحت عنيها…. وغمضتها تانى بسرعه ….عشان الضوء ومروان : طلب الدكتور….. وجالو بسرعه كشف ….عليها واطمن انها كويسه وأمر بنقلها فى غرفه عاديه
مروان : اتصل عليهم كلهم وبلغهم انها فاقت
سما : انا فين يا مروان
مروان : فى المستشفى
سما : انا جسمى واجعنى ودماغى
مروان : معلش دا من اثار الخبطه
سما ؛ بتذكير اه مازن فين يا مروان حصلو ايه
مروان : كويس يا سما ما تقلقيش هو خرج من هنا من زمان
سما : ليه انا بقالى اد ايه
مروان : حاجه بسيطه 15 يوم
سما : بخضه بجد
مروان : اه والله
سما : موجهه نظرها لمروان وساكته تماما
مروان : ها تفضلى كدا كتير عايزا تقولى ايه
سما : أنت بتعمل ايه هنا
مروان : ابدا كنت معدى من الشارع الا جمبك وأقولت أمسى
ها أكون بعمل ايه يعنى يا سما بطمن عليكى هو مش أخويا السبب …..
سما : بخيبة أمل اه كتر خيرك وقطع حديثهم دخول مرنا… ومازن …..مع بعض
مرنا : حببتى يا سمسمه أخيرا فوقتى وباستها وقعدت تحضن فيها….
مازن : سيبى لنا شويه يا مرنا
سما : ههههههههه
مروان : لا يا راجل ها تبوس وتحضن انت كمان
مازن : بمزحه ما أحضنش ليه ان شاء الله
سما : عامل ايه
مازن : انا الا أسئل واطمن مش أنت مش عارفه تستحملى حادثه يا بت تتفشفشى كدا من اول خابطه
سما : ههههههه اول هو لسا فى تانى
مازن : دا أنا ها أهريكى خبط بس قومى
سما : لا وعلى ايه روح وانا مستنيه هنا
كلهم : هههههه
سما : هو أنت قولت لبابا وماما واخواتى يا مروان
مروان : قدامهم نصايه ويوصلو
مازن : قومى ياختى عايز أتجوز يا واقفه حالى
سما : بأبتسامه وانا ها اوقف حالك ليه يعنى
مازن : ما انا حلفت ما أتجوز من غيرك يا سمسمه مأجلها انتى وعدتينى انتى ومرونتى ها ترقصو معايا يبقى تنفذى وعدك
مروان : يعنى أنتى مأجلها عشان ترقص معاك ما كنت رقصت معاك أنا وخلصنا
مازن : انت مين يابنى انا عايز أدلع
سما …..ومرنا….. هههه
******
كريمه : بسرعه يا عبد العزيز شويه عايز أشوفها
لولو : براحه ياماما عشان نلحق نشوفها اهدى
سمر : هههههه يخربيتك مجنونه
عبد العزيز : العربيه مش بتاعتنا يا كريمه كتر خيره أكرم ادهالى اول ماعرف ان سما فاقت قالى تنجز بدال بهدالة الموصلات
كريمه : طيب زود السرعه شويه يا راجل
لولو : يا حجه أهدى قربنا
********
فاطمه : ياماما أنا زعلانه قوى منه يعنى ايه يأجل كتب كتبنا لما الست سما تفوق هى تعنى له ايه وليه كلهم مهتمين بيها قوى كدا يعنى
فتحيه : انتى عارفه مازن من زمان وهو طبعه كدا لو عمل حاجه تلاقيه شايل مسئوليتها لحد ما يصلح الا عمله زى ابوه بالظبط يا بنتى والا ربنا ماكنش كرامهم كدا وخلى الناس كلها تحبهم دا إخلاصه دا يخليكى تحبيه أكتر مش تزعلى منه
فاطمه : ياماما انا عارفه والله بس زعلت كان لازم يقدرنى ويحسسنى إنى مهمه فى حياته
فتحيه : دا أنتى واكله عقله يا بت أنتى مش بشوفيه بيبقى عامل ازاى قدامك
فاطمه : بكسوف بجد ياماما
فتحيه : بجد يا قلب أمك
عبد العزيز : ها تفضلو كدا وسايبنا من غير أكل
فتحيه : حالا ها أغرف لك يا حج
عبد العزيز : لا تعالى انتى وخلى فاطمه هى الا تغرف عايزك
فتحيه قومى يا فاطمه على ما أشوف ابوكى
عبد العزيز : مازن عايز يكتب الكتاب والدخله مع بعض ايه رأيك
فتحيه : خير البر عاجله يا حج
عبد العزيز : انتى مستعجله على البت كدا ليه يا فتحيه
فتحيه : ما أستعجلش ليه وهى ها تبقى فى حض حبيبها وانت عارف من زمان ….
عبد العزيز : ربنا يقدم الا فيه الخير لهم الاتنين وبالمناسبه ابنك محمود…. ها يفضل من غير جواز كدا وداير على حل شعره
فتحيه : دا شاب يا حج ومسيره يهدى وادام شايف شغله ومش مقصر يبقى سيبه براحته وانصحه وما تتغطش عليه عشان ما يخرجش عن طوعك أسمع منى
عبد العزيز : عندك حق والله
*************
وصلو أهل سما …..لغرفتها بالمستشفى….. وهم فى قمة سعادتهم …..
كريمه : يا حببتى يا بنتى تعالى فى حضنى يا سما …
عبد العزيز : وسعى يا كريمه…. بقى دورى
لولو : بالدور يا جماعه واد….. أنت يا إلا هناك أدخل الصف يابنى
كلهم : ههههههههه
سمر : حمدالله على السلامه يا حببتى
لولو : حببتى وروحى وعقلى
سما : اه يا بكاشه تعالى فى حضنى وحشتينى
كريمه : اه تؤامك لازم توحشك
لولو : ما تبصوش يا جماعه اه احنا تؤام بس انا جيت متاخر شويه بعد كام سنه كدا يعنى قولت ابنى مستقبلى جوا الاول
كلهم : ههههههههه
مروان : والله وحشتنى لماضتك
لولو ؛ حبيبى يا ناس والله انت الا وحشتنى
عبد العزيز : يا بت بطلى واتكسفى شويه
لولو : ايه يا زيزو يا حبيبى غيران صح قول والنبى غيران
كريمه : مجنونه رسمى
مرنا : دى لولو أعقل واحده فينا
لولو : لا دا أنتى تاخدى حضن أد إكده
مرنا : هههه فى حضن أختك حبيبتك وحشتينى يالولو
لولو : ياه فين أيام الفيلا والكلب الا مش شايف فى الدنيا غيرى قتلتوه والا لسا
كلهم : هههههههه
سما : انا شكلى فاتنى كتير
لولو : قوى قوى بس قومى وانا ها أحكيلك
سما : بابا عايزا أخرج من هنا
مروان : تخرجى ازاى وانتى كدا
مازن : اصبرى نطمن عليكى ونخرجك
سما : الامتحانات قربت
مرنا : ما تقلقيش انا عملت ملخص لكل ماده
سما : هى اميره فين
مرنا : سافرت بقالها 3 ايام وجايه بكرا ان شاء الله اول ما عرفت انك فوقتى
سما : انا مش مرتاحه وعايزا أمشى
مروان : ما تنشافيش دماغك هانشوف رأى الدكتور
***********
محمود : قاسم تعالى عايزك
قاسم : فى ايه يابنى مش شايفنى بساعد الرجاله
محمود : هو أنت لازم تعمل كل حاجه بأيدك
قاسم : انا مابحبش أقف أتفرج وخلاص
محمود : ربنا يديك الصحه
قاسم : أمين يارب عايز ايه
محمود : عايزك تفاتح أبوك وتقنعه من جوازى من ليلى بنت عم بدران
قاسم : تانى يا محمود ما أنت عارف انه مش ها يوافق بسبب الا عملته أمها فى ابوها
محمود : وهى ذنبها ايه قولى امها واحده خاينه تبقى بنتها زيها دا يبقى حرام لو خدناها بذنبها
قاسم : انت حر فاتحه أنت
محمود : لا ياقاسم أنت بتقنعه عنى انت عارف إن أبوك على طول بيشد معايا
قاسم : انا وانت على الله
محمود : كلها على الله فاتحه انهارده
قاسم : مش وقته لما نجوز أختك
محمود : هو انا ها أستنى لما تتجوز أختك فاتحه انت بس وسيب الباقى عليا
قاسم : الا تشوفه
************
الدكتور : ايه يا ست سما اول ما تفوقى عايزا تخرجى كدا على طول
سما : انا عايز أكمل علاج فى البيت وعشان اذاكر الامتحانات فاضل عليها 15 يوم بس
الدكتور: طيب ها أكتبلك خروج بس لازم تتابعى معايا ولو فى اى حاجه اتصلى عليا
سما : أكيد طبعا
عبد العزيز : يعنى نلم حاجتها
الدكتور : هى مصممه على الخروج المفروض تفضل تحت الملاحظه يومين على الأقل
مازن : خلاص يا سما يومين مش كتير
سما : صدقونى مش قادره بتخنق لمجرد انى بدخل مستشفى مش أقعد فيها
الدكتور : براحتك وزى ما قولت أهم حاجه المتابعه
مروان : طيب أجهزو وبعد ازنك يا حج عبد العزيز سما ناخدها على الفيلا مع ميرنا وكدا تبقى قريبه من المستشفى ويذاكرو مع بعض……..
سما : بتسرع لا انا ها أمشى مع بابا
مرنا : بزعل كدا يا سمسمه مش عايزا تقعدى معايا
سما : لا والله بس انا محتاجه أبقى مع بابا وماما
مروان : إلا يريحك أعمليه وسابهم وخرج وهو مدايق
لولو : بعد اذنكو وخرجت ورا مروان وبتنادى عليه
مروان : وقف
لولو : مروان ما تزعلش
مروان : مش زعلان يا لولو هى حره
لولو : طيب عينى فى عينك كدا
مروان ؛ أنتى شقيه وانا مش قدك
لولو : انا غلبانه المهم عايزا أكل ايس كريم
$$$$$$$$$$$$$
بقلم : لبنى طارق
$$$$$$$$$$$$$/