الفصل 15 ( كبرياء الصمت )
في هليوبوليس
عاصم ركن عربيته امام العمارة و نزلت ايسل من العربية و ركبوا الاسانسير
عاصم : مالك مكشرة كدا ليه
ايسل : مش مكشرة بس المكان ده تحس مفيش حد فيه يعني مفيش عمارات تانية جنبنا
عاصم : اعمل ايه طيب مانا مش لاقي شقة مناسبة و بعدين دي كويسة جدا و بسعر كويس يعتبر
ايسل : طيب
عاصم :لو مش عجبتك هنشوف غيرها متقلقيش
ايسل :ماشي انت معاك المفتاح
عاصم: لا صاحب العمارة فوق هيفرجنا ع الشقة الأول
ايسل : هي في الدور الكام
عاصم : السادس … بعدين تعالي كدا هو امبارح ايه اللي حصل ده
ايسل بتبعد و هو بيقرب منها
ايسل : وانت بتعمل كدا ليه امبارح و بعدين اللي حصل ده ميتكررش
عاصم مرة واحدة ضمها لحضنه حاولت تقاومه لكن بعد لحظات سكتت و متكلمتش استسلمت لأول مرة يمكن لانها كانت حاسة بلهفة و شوق الحضن ده زيه و فجأة شعرت ان ده غلط هي رغم أنها كانت مبسوطة لكن الخوف و القلق جواها لدرجة ان هو حس بيها بعد عنها لما حس أنها خايفة استغربت أنه بعد عنها لان الحضن مطولش و هو كان محتاج يحضنها اكتر
بعد دقيقة كان الأسانسير وقف امام الدور السادس رن الجرس فتح صاحب العمارة اللي كان منتظرهم
عاصم : صباح الخير
…… : صباح النور طب اتفضلو انتو اتفرجو عليها و لما تخلصوا اندهلي
ايسل : هو انت ماشي
…… : لا هدخل الشقة اللي قدامكم دي بنخلص فيها شوية حاجات و راجعلكم
عاصم شدها من ايديها : الراجل يقول انك مش واثقة فيا علي فكرة
ايسل: أيوة عشان انت قليل الادب و بعدين متدخلش كل أوضة ادخلها استني اما اطلع
عاصم : ازاي يعني لازم اتفرج معاكي
ايسل: بصراحة خايفة منك
عاصم : باب الشقة مفتوح علي فكرة
حاولت تهرب من نظراته و كل ما يدخلو اوضة يتفرجوا عليها هي تخرج بسرعة
ايسل : و بعدين بقا
عاصم : الله هو انا عملت حاجة
ايسل: لا انا داخلة اتفرج ع المطبخ و متجيش ورايا ماشي
عاصم : حاضر
دخلت المطبخ تشوفه و هي واقفة ضهرها للباب
دخل بهدوء من غير ما هي تشعر بيه قرب منها و حضنها من ضهرها
ايسل : عاصم
عاصم بهمس : بحبك
ايسل: ممكن كفاية بقا و بعدين ما انت عملت كدا في الأسانسير خلاص بقا مش كل شوية
عاصم : لا ملحقتش اشبع منك
ايسل : انا اول مرة اعمل كدا
عاصم بعد عنها و بيمسح دموعها: طب بتعيطي ليه و بعدين عارف انك اول مرة تعملي كدا
ايسل : لكن انت مش اول مرة يا عاصم و طبعا اكيد بتعبر حضنك ليا زي
عاصم قاطعها: اوعي تكملي الجملة دي فاهمة انتي عمرك ما هتكوني زيهم ايسل انا بحبك انتي ليه مش قادرة تفهمي كدا انا لو بعاملك زي اي واحدة عرفتها كنت استمريت في حضنك حتي وانتي خايفة …
ايسل : مانا استغربت بس بيقولوا اللي بيحضن واحدة مش بيتجوزها
عاصم : ده مين الحمار اللي قال كدا ….. طب لو عايزة بجد من بكرة نتجوز
ايسل : ازاي يعني ده حتي الشقة لسة مش موجودة ولا فيه اي حاجة جبناها بتهزر
عاصم : وحياتك عندي لو موافقة من بكرة نتجوز
ايسل :بس الي احنا عملناه ده غلط و حرام
عاصم : هو انا اتعديت حدودي ده مجرد حضن
ايسل : نعم هو انت كدا متعدتش حدودك
دخل صاحب الشقة عندهم في اللحظة دي
عاصم : طب الراجل برة تعالي نشوف هنعمل ايه معاه
_______________
ايسل : يعني انتي رايك ايه
بوسي : هو معنى انه مطولش في الحضن لما حس انك خايفة ده معناه انه مش بيحضنك عشان انتي زيك زيهم لكن اللي حصل ده غلط طبعا صحيح قوليلي كنتي حاسة بايه
ايسل :بصي مش عارفة اوصفه كل اللي اقدر اقوله اني مكنتش حاسة بأي حاجة بتحصل حواليا و حاسة اني مش ع الأرض لحد ما استوعبت ان ده غلط و بعد عني
بوسي : خلي بالك انتي لسه ف مرحله الخطوبه ممكن يلمس ايدك اه بس مش ع طول كمان لكن باقي الحاجات استوب الا طبعا لو مكتوب الكتاب يبقي حاجه تانية لما يقرب منك ابعدي عنه و قوليلو حرام هيحترمك اكتر (من ترك شيئا لله عوضه بخير منه ) ابدئى بأنك تنصحيه ان ده حرام واوعى تضعفى فى كلامك خليكى واثقه انك انتى الصح قوليله لو بتحبنى هتخاف عليا وتحافظ عليا وهتحترمنى انى مش راضيه اعمل حاجه تغضب ربنا مننا
ايسل : ولله بقوله ما انتي عارفة
بوسي : قوليله بالراحة كدا و فهميه مش لازم الدبش بتاعك ده
ايسل : حاضر
_______________
روان في مول سيتي ستارز اتصل عليها عمرو
روان : ايوة يا حبيبي
عمرو : وحشتيني
روان : وانت كمان
عمرو : اومال انتي فين
روان : في سيتي ستارز مع ماما
عمرو بعصبية : نعم ازاي يعني ازاي تخرجي من غير ما تستأذني مني
روان : انت بتهزر اكيد … احنا مخطوبين يعني مش من حقك تتحكم فيا ده غير انك خطيبي يعني مش جوزي عشان استأذن منك
عمرو : و افرضي ان انا مكنتش هوافق
روان : كمان اه يعني أروح اقول ل ماما سوري يا ماما مش هاجي معاكي عشان عمرو مش موافق عمرو انت مش من حقك تقول تخرجي و متخرجيش طالما اخويا و ماما موجودين لما نبقي في بيت واحد يبقي وقتها عادي تقولي
عمرو : انتي شايفة كدا يعني
روان : طيب انا هقفل عشان ماما بتنادي عليا باي
_______________
في شقة روان
في المطبخ
ايسل : يا بنتي انتو لحقتو تتخانقو اصلا انا شايفه انك كنتي تستاذنيه انك تروحي في مكان او مع صاحبتك من باب العلم بالشئ مش اكتر وبعدين اذا اردت ان تطاع فأمر بما تستطاع
يعني مالوش حكم عليكي يبقي بس عارف انتي بتروحي فين وبتيجي منين مش علشان يقولك ماتروحيش او روحي الراجل العاقل الواثق في نفسه هو اللي يعمل كده ولما تبقي تروحي بيته يبقي يتحكم براحته بقي فاهماني بصي عمتا انا و عاصم مش بستأذن منه بس هو بيحب يطمن عليا مش اكتر و اوقات مبيعرفش انا فين لكن بيتخانق معايا لو مردتش عليه بس مش عشان يتدخل لكن خوف عليا واطمئنان فى نفس الوقت ولما بخرج الاول بستاذن ماما و جدو وبعدين بقوله ومش بيمانع خالص انى اخرج مع اصحابى او اروح او اجى بس اهم حاجه عنده يبقى عارف انا فين واطمنه عليا والحمد لله زى ما هو بيعمل معايا انا بعمل معاه ببقى عارفه هو فين وبطمن عليه برضو ما هو هيبقى جوزى ولازم نتعود ع نمط الحياه اللى هنعيش فيه بعد كدا
روان : بصي انا مش مقتنعة اصلا و على فكرة شرعا هو مالوش الحق فى ده وده لان الخطوبة وعد بالجواز مش اكتر ده غير ان احنا ممكن نغير رأينا في اي وقت و هو كمان ثانيا اللى بتسمح بالحاجات دى من الاول بتتعب قوى بعد الجواز لانه ممكن يستمر فيها وتكون بطريقة مهينة ليا ولكرامتي لازم تعرفوا ان الست ليها كرامة وشخصية ولازم تحافظ عليها ومدام انا انسانه محترمة وهو اختارني من بيت محترم ومتربية يبقى لازم يبقى متأكد اني اقدر احكم على الامور بشكل صحيح واني عارفة الصح من الغلط لكن لو هو مش واثق فيا وفى تربيتي يبقى بيخطبني ليه اصلا ؟ وعلى فكرة انا اعرف بنات كتير وافقوا بالوضع من البداية ودلوقتى بعد الجواز بيندموا جدا
منار :انا شايفه انها مفيهاش اى مشكله ماهو خطيبك اللى هيبقى جوزك اللى بعد كده مفيش حد ليه كلمه عليكي غيره فكده ولا كده ده نصيبك يبقى ليه نعافر وبعدين انتى لما بتقاوحى وتقولى انا فبيت بابا و ماما بس اللى تحكمنى ده
كدا بتخليه يشيل من مامتك و منك وهتربى جواه عقده بجد وساعتها هيخنقك اكتر بعد الجواز ماهو بقى ليه حكم عليكى بقا يبقى مالاول متعافريش كده ولا كده ده نصيبك وكل حاجه بالتفاهم بتمشى ولا ايه
ايسل : انتي ليه شايفة انه سي السيد يا بنتي هو الراجل بيطمن عليكي علي فكرة وبعدين مش عيب خطيبك يعرف عنك كل حاجه هى الواحدة هترتبط كام مره
موبايل روان بيرن
ايسل : ده عمرو شوفتي اهو اتصل بنفسه يصالحك يلا ردي عليه بقا
روان : الو…
عمرو : انا اسف لو ضايقتك بكلامي امبارح
روان : لا خالص حصل خير
عمرو : ممكن تبصي من البلكونة كدا
روان : ليه … انت تحت
عمرو : لا
روان بتفتح البلكونة كان فيه بلالين متعلقة و متزينة بالورد باسمها و تحتها كلمة بحبك
روان : عمرو انا بجد بحبك
عمرو : انا اللي بعشقك ولله انتي نصي التاني اللي كنت بدور عليه
روان : ربنا يخليك ليا
_______________
في شقة مختار
( عاصم و مختار و عبير و ايسل جالسين علي السفرة بياكلوا لان ايسل معزومة عندهم علي الغداء )
عبير : و استقريتوا ع الشقة
عاصم : احنا اصلا مش لاقيين شقة مناسبة بس اللي عجبتني انا و ايسل اللي هي في هليوبوليس
عبير : انا مش فاهمة يا عاصم انت عايز تشتري شقة ليه وانت عندك اصلا و بعدين انت ناسي شقتي القديمة اللي في المعادي
عاصم : لا يا ماما احنا حابين نكون لوحدنا
عبير : ليه ما تشوفو الشقة اللي فوق دي
ايسل :يا طنط احنا لسة بندور و هنلاقي اكيد يعني
عبير : طبعا ماهو اكيد انتي اللي قولتيله تعيشو بعيد عننا
عاصم : يا ماما ايسل مالهاش دعوة علي فكرة و مقالتش حاجة انا اللي عايز
مختار : و بعدين بقا يا عبير في ايه ما تسيبيهم يشوفو الشقة اللي هيرتاحو فيها
عبير : لا ماليش دعوة انا ابني كان مسافر و بعيد عني و يوم ما يتجوز يبقي بعيد عني يشطب الشقة اللي فوق و بعدين دي واسعة و حلوة
عاصم : ماما انا هبقي اجيلك ولله
عبير : ازاي يعني لا هو يقعد في الشقة اللي فوق مش كفاية اخداك مننا و علي طول مهتم بيها
مختار : وبعدين بقا انا ماشي عشان عندي جلسة في المحكمة
خرج مختار ة قامت عبير من مكانها و دخلت المطبخ
عاصم : حبيبتي انا اسف بس انتي عارفة ماما يعني هي ولله طيبة بس هي بتحبني يعني
ايسل : لا مامتك مش بتحبني يا عاصم انا عارفة
عاصم : خلاص بقا يا حبيبتي و بعدين انا مش بخليها تضايقك انتي عارفة
_______________
تاني يوم
شريف : ناوية تعملي ايه
منار :مفيش بس بعدت عن عاصم
شريف :بجد
منار : بصراحة لقيته فعلا بيحبها قولت ابعد احسن ده غير انا خايفة اخسر صاحبتي
شريف : طب كويس
منار : بس نفسي اوصل لمكتب سكرتيرة مختار عشان كدا بحاول اجتهد في شغلي معاه يمكن اتعين سكرتيرته
_______________
في شقة ايسل كان عاصم قاعد مع ايسل و والدتها في غرفة الصالون
عاصم :يا حبيبتي ولله الشقة دي هتعجبك جدا
ايسل : لا يا عاصم مستحيل اقعد مع مامتك في نفس المكان
صفاء بعصبية : ايسل عيب كدا اتكلمي باسلوب كويس دي حماتك
ايسل :يا ماما انا عايزة اكون في بيت يخصني انا و هو و محدش يتدخل ما بينا
عاصم : يا حبيبتي محدش هيتدخل ما بينا الشقة بتاعتي في نفس العمارة بتاعة بابا بس في الدور التالت و هما اول دور يعني مش في وشنا ده غير محدش ليه عندنا حاجة كل الحكاية بس ان هنقعد فيها فترة مؤقتة عشان ماما متزعلش و لو كدا انا عندي شقة بتاعتي في المعادي ممكن نبقي نقعد فيها يعني كتغيير
ايسل : لا انا مش موافقة انا عايزة شقة بعيد عن مامتك خالص عن اذنكو انا داخلة اوضتي
صفاء : ايسل خدي هنا تعالي
عاصم : طيب انا لازم امشي يا طنط ياريت لو تكلميها ولله ماما طيبة هي بس مش عايزاني أبعد عنها يعني
صفاء : حاضر ولله هفهمها متقلقش
_______________
صفاء دخلت غرفة ايسل كانت جالسة علي سريرها شاردة
صفاء : سيلا حبيبتي
ايسل : ماما هو ليه الحموات معظمهم بيكونو كدا و بيحسوا ان خطيبة ابنهم دي هتاخدو منهم
صفاء : يا حبيبتي ولله النوع ده من الحموات مش وحش أحمدي ربنا ده فيه بقا حموات افظع من كدا ولله هي طيبة علي فكرة بس الفكرة أنها لازم تتأكد انك بتحبيها ومش هتاخديه منها بصي هي بتكون غيرة وهتعرفى ده لما تتجوزي و تجيبى اطفال ويكبرو ويتجوزو بيكون الطفل دا هو اول حاجه ف حياتك وحب ودلع واكل ولبس وتيجى واحده تانيه تاخده منها ف يوم و ليلة
عشان يتجوزها هتعرفي يعني ايه احساس الست دي ..
ايسل :طب ما البنت برضو بتتعلم ووتتربى وتدلع وكل الكلام ده وييجى واحد ياخد ع الجاهز والامهات بتعامل جوز بنتها كويس جدا ايه الفرق برضو
صفاء :الفرق ان البنت كدا كدا هتمشى انما الولد قاعد مع امه علي طول
ايسل: لا يا ماما ده عشان احنا مجتمع ذكورى متعفن اساسا طب ليه بيوصلو لمرحلة كأنها ضرتها طب مهي عندها جوزها وحتي لو كان معندهاش مش مبرر ماهي في يوم عاشت حياتها
صفاء :عارفة لو كان سيف مش موجود كنت هقولك عشان ده ابنها الوحيد لكن هي عشان ابنها قعد كذا سنة بعيد عن حضنها و مسافر و لما رجع حبك ف حست ان انتي اخدتيه منها دي عقليات بقا هي بتشوف ابنها بيحب واحده ويكلم عنها وأحيانا كتير يسمع كلامها ويمشهولها وبتاخد كل الاهتمام
ايسل : بس ده مش مبرر علي فكرة وانا عمري ماهبقي حماه بالطريقه دي مهما كان اه هغير ع ابني بس ع الاقل مش هبهدل مراته معايا واعاملها وحش
صفاء : بصي يا حبيبتي حماتك دى خط احمر مينفعش تجري معاها اى مشاكل ولازم تبقى حريصة على كل كلمة تقوليها عشان ميتعلمش عليكى خط احمر وممكن اسود و منيل عشان كدا مهما تقول انتي متغلطيش عشان لو غلطتي مش هتاخدي حقك منها مثلا وانتي خارجة انتي و هو اعزمي عليها تيجي معاكو في يوم حتي عزومة مراكبية يعني هي اصلا ممكن متجيش معاهم بس لو جت يعني عامليها كويس حاولي تكسبيها عشان هي متحسش انك اخدتيه منها بصي خليكي واثقة ان مهما كانت حماتك دي قاسية هتيجي يوم و تكوني انتي صاحبتها المفضلة لقلبها اما بقا موضوع الشقة انتي مش هتقعدي في بيت عيلة يعني ده انتي ليكي شقتك الخاصة بيكي لا هتنزلي تطبخي ولا تروقي كل حاجة ماشية زي ما هي بس وانتي في بيتك و هو وعدني بكدا انتي عايزة تنزلي تساعديها ده مش إجبار دي هتكون محبة منك بس و هو قالي ان مامته من النوع اللي بيحب يعمل كل حاجة بنفسها و مش مستنية ابنها يتجوز عشان مراته تخدمها و دي حاجة عجبتني فيها ف وافقي بقا عشان المركب تمشي
ايسل : انتي شايفة كدا
صفاء : ده غير أنه قالي ان لو انتي مرتاحتيش هينقلك في شقة تانية
ايسل : ماشي هكلمه
صفاء : هاتي بقا ورقة و قلم عشان نسجل الحاجات اللي هجيبها في الجهاز هنبدا بالمطبخ الأول
ايسل : طيب يا ماما ثواني
صفاء : اكتبي … طقم التيفال … طقم الاستلس … و طقم الالمونيوم .. و طقم الصاج .. و طقم الصيني و البيركس .. و طقم حافظ الطعام و طقم صواني البيركس الحراري و طقم الاركوبال و طقم الجاتوه و الشاي و
ايسل : ايه يا ماما كل ده هو انا هستخدم كل ده يعني
صفاء :تعرفي تسكتي شوية ده مفيش وقت اصلا لسة في حاجات كتير هنجيبها و بعدين انتي السبب قال ايه عشان نجيب أحدث حاجة و انا كلمت سحر هتيجي معانا
ايسل : لا والنبي يا ماما بلاش طنط سحر دي عينيها وحشة ببلاش
صفاء : عيب تتكلمي علي واحدة قد امك كدا
ايسل : لا يا ماما انا بتشاءم منها والنبي بلاش و بعدين بتفضل تقولي انتي اتعلمتي الطبخ ولا لسة
صفاء: ماهي عندها حق بصراحة مش عارفة هتفتحي بيت ازاي ولله
ايسل : بالمفتاح يا صوفي هي دي محتاجة كلام يعني
صفاء: طب ايه رايك بقا ان سحر هتيجي معانا عشان تبطلي طولة لسان بعد كدا
_______________
بوسي اول ما فتحت الباب وشافها احمد وقف مندهش لحظات من جمالها
بوسي : ايه يا حبيبي هتفضل واقف تبصلي كده كتير مش هتدخل يعني
احمد بإعجاب : ايه الصاروخ ده يخربيتك ايه الحلاوه دي
بوسي بصوت واطي وبدلع: وطي صوتك احسن جنة تسمعك
احمد : ما تسمع هو انا هخاف منها يعني و بعدين هي جنة دي ورايا في كل حاجة
جنة وقف قدامه في اللحظة دي و هي ايديها على وسطها
جنة بغضب: نعم يا بابا قولت ايه
احمد : مبقولش ده انا كنت لسة بسال ماما عليكي
جنة : انت بتعاكسها كمان وانتي ايه اللي انتي لابساه ده ادخلي البسي عباية
بوسي : ما تزعقلها ولا تعمل حاجة بدل ما انت واقف متنحلها كدا انا داخلة جوة
دخلت بوسي غرفتها
احمد : ينفع اللي انتي عملتيه ده
جنة : وانت بتعاكسها ليه هي احلى مني يعني
احمد : انتي بتغييري يعني
جنة : بعد كدا متعاكسهاش تاني عشان مزعلكش و عايزة مصروفي
احمد بعد ما أعطاها الفلوس بصوت هاديء: حسبي الله و نعم الوكيل فيكي
جنة رجعتله تاني : قولت ايه
احمد :بقول ربنا يبارك فيكي
دخل غرفته كانت بوسي قاعدة علي السرير و متضايقة
احمد قرب منها و جلس بجوارها علي حرف السرير و شدها لحضنه
احمد : بس ايه الحلاوة دي
بوسي : بكاش علي فكرة
احمد : لا بجد … الأزرق هياكل منك حتة
بوسي : بجد عجبك
احمد : اوي
بوسي : جنة صاحية
احمد و هو بيقرب منها و بيقبلها في شفتاها : هي البت دي ورايا ورايا سيبك منها
بوسي : أحمد سامع
احمد : تقريبا حاجة اتدمرت في البيت بس سيبك
بوسي : لا يا احمد في حاجة قوم كدا
خرجوا من الغرفة كان التليفزيون بيخرج دخان و الحائط عليه مياه و التليفزيون
احمد : جنة انتي عملتي ايه انتي كبيتي ماية ع التليفزيون
جنة ببراءة : يا بابي انا مش عملت حاجة انا كنت بتفرج ع الفيلم و البيت بتاعهم ولع نار و بيتحرق دخلت جبت الجردل و طفيت الحريقة ال Tv قفل
احمد بعصبية : ما يولع بيتهم ولا يتحرق تولعي تليفزيوني انا ليه ده احنا اللي هنتحرق يا حبيبتي
جنة : انا مش كان قصدي يا بابي
احمد : انا كنت عارف ولله ان المرتب هيخلص من اوله مش عارف اصطبحت بوش مين انهاردة
_______________
بوسي : ماهو انا كمان مبقتش استحمل كان يوم اسود يوم ما جبتله الزفت البلايستيشن قال ايه بغباءي عشان يقعد معايا اتاريني جبتلي ضرة في البيت ده بيشوف لاعيبة الكورة اللي في اللعبة اكتر ما بيشوفني
ايسل : متهوليش الأمور يا بوسي و بعدين ما انتو اتصالحتو
بوسي : أيوة يا بنتي احنا مش بنتخاصم اصلا
ايسل : اتصالحتو ازاي بقا احكيلي والنبي
بوسي : لما تكبري هحكيلك دي حاجات عيب تعرفيها
ايسل : بكرة اتجوز و مش هحكيلك حاجة
بوسي : متقدريش اصلا
ايسل : هو الجواز حلو يا بوسي اصل عاصم مستعجل وانا لا
بوسي: حلو جدا عارفة انك تصحي الصبح تفتحي تلاقي جنبك حد بتحبيه شايله معاه الهم والفرح انك تحسي انك شايله مسئولية طفل بتحبيه كانه اول ابن ليكي خوفك وقلقك عليه لما يتاخر ونكدك عليه لما يرجع ان يكون حلمك بيبي صغنن جواكي من اللي بتحبيه ده ? و يتحقق
طبعا فيه الهموم والمشاكل و خناقات كمان
بس ف الاخر بننام بليل واحنا ف حضن بعض..
مهما بيحصل انا مراته وهو جوزي وابني
لو بتحبي اللي هتتجوزيه هتستحملي معاه اى حاجه مهما كانت
ايسل : طب و الخناقات يعني الخناقات دي عادي
بوسي : كل حياه بتختلف عن التانيه بس برضو احنا كبنات وستات قادرين نخلي الوحش حلو زى ما بيقوله كده نعمل من الفسيخ شربات
نقدر نخلي حياتنا حلوه ونمشيها ماهو لازم يعدي مشاكل وخناق وهموم قد كده بس برضو اكيد فيها حاجه حلوه مصبرانا عارفة بتنسي المشاكل دي بعد حضن حلو وقت رومانسيه حضن بعد تعب يوم طويل طبطبه وبوس راسك لما يلاقيكي زعلانه م خناقه مع بنتك التافهه كلمه ولا يهمك يا حبيبتي ع صنيه المكرونه اللي اتحرقت منك لما رجع متاخر م الشغل هيموت م الجوع فانتي تتصرفي وتعملي اكله تانيه وتطلع حلوة وتسمعي احلي كلمه منه انك تتجنني معاه وتخلي علاقتك بيه مختلفة،، متسمعيش لكلام حد سلبي يكرهك في الجواز متسمعيش للي يقولك الجواز وحش الجواز وحش فانتي مش ذنبك ان اختيارها كان غلط م الاول ولا ذنبك انها مش عارفه تمشي العلاقه ،، علاقه الجواز البنت اللي هي بتنجحها وهي اللي بتفشلها ،، في فرق بين واحده تتصل بجوزها علشان البامبرز خلص وبين اللي تتصل وتقوله يلا ارجعلي بسرعه يا حياتي وحشتني زي ما فيه الوحش اللي كله مسؤليه وقرف وتحكمات وزعل وخناق وعياط فيه الحلو تصحي ع كلمه حلوه من حد بتحبيه وتنامي ف حضن حد بتحبيه انك مسؤله منه وخايف ومحاوط عليكي كأنك بنته انه يدافع عنك ويمدح فيكي دايمآ شايفك كويسه الحياه طبعا مش بمبي ولا حاجه لا يا قلبي هتلاقيها كاروهات شويه يوم ابيض ويوم اسود الشطاره بقا انك تلوني الاسود
ومش هضحك عليكي واقولك مستحيل تتشاكلو وكده لا بيعدي فتره بيبقي فيها مشاكل مش المفروض ان انتو تزعلو وتضايقو وتقولو انكم مكنتوش كده ومبقتوش تحبو بعض
لا بس المسؤليه كبرت فلازم دماغكم تكبر معاها والا لو مش قدها يبقي متتجوزوش
ايسل : اهو انا بقا خايفة من المسؤلية دي انتي عارفة ان فيه حاجات كتير مبعرفش اعملها
بوسي : يبقي تتعلمي من دلوقتي زي ماهو بيتعب انتي كمان تتعبي عشان تكونو مع بعض بسرعة
_______________
في الجامعة
عمرو : هي روان فين
ايسل : هي عند الدكتور كرم بتديله البحث بتاعها و جاية معاها منار
عمرو : ماشي
ايسل : عمرو كنت عايزة أسألك علي حاجة
عمرو : اتفضلي
ايسل : كانت روان قالتلي انك كنت بتشرب سجاير و بطلت و شربت شيشة عشان تبطل
عمرو : اه فعلا بس مش بشربها كتير يعني كل شهر او شهرين مرة
ايسل :طب ممكن اعرف بطلتها ازاي اصل نفسي عاصم يبطل بص انا فكرت احطله لبن جوة السجائر و اسبها تنشف و احطها تاني في العلبة
عشان يبطلها و يقرف من طعمها لما يشربها ف هيكرهها
عمرو : بصي هي الفكرة دي مش صح علي فكرة لان السجائر زي الشاي اي حاجة تبوظ طعمها باظت السيجارة
ايسل : ما هي دي الفكرة السيجارة تبوظ
عمرو بيضحك:اللي بيدخن لو لقي طعم السيجارة وحش هيرميها و هيدور ع سيجارة غيرها بصي زي مثلا الشاي لو ايجا عليه بيرفيوم هتشربيه … اكيد لا هتعملي غيره طبعا
ايسل : يعني مش هيبطل
عمرو :مش هيبطل غير بالتدريج أنه يقلل و بعد كدا يسيبها خروج نسبة النيكوتين من الجسم مرة واحدة هيتعب كتير في الأول و اللي عايز يبطلها هيبطلها انا اخدت فترة طويلة لما كنت بدخن و اخدت قرار ابطلها بصراحة كانت أيام صعبة شوية بس كنت كل ما احب اشرب سجاير اشرب شيشة فترة صغيرة لغاية ما طعم السيجارة بعد ما يكون فترة طعمها بيتغير لغاية ما بطلتها خالص و دلوقتي مستحيل ارجعلها الحمدلله
ايسل : طب افرض فضل يشرب شيشة
عمرو : الشيشة مش ادمان زي السجاير و بعدين هيبطلها برضو لانها قرف بصراحة لازم يروح كافيه و حوار عشان يشربها كلميه كتير و متيأسيش و حسسيه دايما انك قرفانة من ريحة السجائر و انك بتتعبي منها و حاولي توريه مثلا فيديوهات عن آثار التدخين و أنها بتدمر خلايا الجسم و تفرجيه
ايسل : هو كدا كدا عارف ان التدخين بيدمر الصحة و كمان بيؤدي للوفاة
عمرو :جيبي أحاديث و آيات من القرآن انه هيتسال عن صحته و فلوسه
سيبيه شوية براحته بس مش كتير عشان الممنوع مرغوب لو فضلتي تزني ع دماغه هيعند اكتر ف اوعي تستخدمي الخطوة دي يعني بلاش الزن الكتير لكن كلميه بالعقل صدقيني الموضوع مش محتاج لا نصيحة ولا ضغط منك هو لازم يقرر من نفسه كل الفكرة محتاج تشجيع مش نصح هو محتاج تحفيز و تشجيع بحب منك
ايسل : يا عمرو التدخين ده ابتلاء علي هيئة عادة هو ليه موضوع انه يبطل مش سهل
عمرو : لان بيبقي زي ادمان و تعود في نفس الوقت و فيه دواء موجود برة مصر اسمه champix اعرف ناس كتير بطلت بسببه مع الوقت بيقرف منها و من ريحتها و ممكن تلاقيه في الصيدليات الكبيرة بس طبعا لازم يعرف لأنه هياخده بنفسه
المهم خطوة الدواء دي بعد اقناعك ليه فاهماني
ايسل : أيوة خطوة الدواء احسن من الشيشة لاني مش عايزة أعالج غلط بغلط زيه او اقل منه
_______________
عاصم بيفتح علبة السجائر و هو بيخرج السيجارة خرجت معاه ورقة صغيرة بيفتحها مكتوب فيها
(ألم تعلم بأن الله يري) اتأمل لحظات و ترك العلبة و عرف انه خطها مشربش سيجارة في الوقت ده و دخل الحمام اتوضي و صلي
_______________
صفاء دخلت غرفة ايسل كانت بتضع ماسكرا علي رموشها
صفاء : عاصم برة
ايسل : حاضر يا ماما طالعة اهو
خرجت ايسل ل عاصم كانت لابسة فستان ابيض فيه ورد احمر و نقط سوداء منقوش طويل ضيق من فوق لحد وسطها و جزمة كعب لونها احمر و مكياج خفيف و روج احمر
عاصم بعصبية : ايه اللي انتي لابساه ده لفي كدا
ايسل : مالو
عاصم : ضيق طبعا مبين جسمك
صفاء : مش قولتلك انه ضيق
ايسل :ماما … يلا ننزل عشان منتاخرش
عاصم: عاجبك اللي لابساه ده يا طنط يعني
صفاء : طب خدي شال حطيه علي كتفك
ايسل بنرفزة : شال ايه يا ماما هو انا عندي 60 سنة
عاصم : لا شال ولا حط الفستان ده يتغير انا مش هفرح لما خطيبتي كل واحد يبصلها
جلال : يابني ما تسيبها تروح و خلاص هي خلااص لبست
عاصم : يا جدو صدقني الشباب بيجوا الفرح مخصوص عشان يعاكسو البنات
ايسل : ده بس عشان انت بتعمل كدا فاكر كل الناس زيك
عاصم : اه انا متخلف المهم الفستان ده يتغير
صفاء : يا عاصم خلاص بقا
ايسل : مش هغير حاجة يا ماما و عايز تنزل انت انزل انا مش رايحة
دخلت غرفتها و هي متضايقة منه
جلال : مكنتش عملت كدا يا بني اهي زعلت
عاصم : يا جدو انت مش عارف الشباب بتفكر ازاي و بعدين اللي هي لابساه ده ضيق
صفاء: معلش يا عاصم دي خطوبة صاحبتها و انت عارفها عندية انا هدخل اراضيها وانت عديها انهاردة بس
عاصم : يا طنط انتي بتهزري و بعدين دي شكلها غيرت و مش نازلة اصلا
ايسل : لا انا جاهزة يلا بينا
صفاء بتضحك : معلش يلا بقا انزلو
عاصم : برضو مغيرتش
ايسل : يلا يا حبيبي هغيره المرة الجاية
_______________
ايسل : مبروك يا مارينا .. مبروك يا بيتر
مارينا & بيتر : الله يبارك فيكم عقبال فرحكم
_______________
عاصم :هطلع هرد ع ماما بتتصل
ايسل : اوكيه سلملي عليها
عاصم : تعالي كلميها معايا برة
ايسل : لا اطلع انت
لمحت سيف من بعيد قربت منه و سلمت عليه و هما واقفين قرب منهم الفوتوغرافر
… : لو سمحتو بتعرفو ترقصو سلو
سيف : ليه
الفوتوغرافر : ممكن ترقصوا سلو مع العرسان لان لبسكم لايق مع بعض
ايسل :اوكيه
سيف : هتعرفي
ايسل : اه هسيب موبايلي مع منار و هخليها تصورنا
سيف : ماشي
رقصو مع بعض علي اغنية ( اجمل يوم ل محمد حماقي )
عندك استنى دقيقة
هتجنن منك شوفلي طريقة
واعمل معروف بطل تقلق بطل خوف
بتقولي عيونك مكسوف طب من مين
مقدرش اوصفلك اللي جرالي
احساس وجديد قوي بالنسبة لي
خلينا واضحين فرق دايما بين حاجتين
بين وانا عادي وهادي وبين وانا ملهوف
مكسوف من مين
دا انا نفسي مخدتش يوم يومين
قدامي ملاك مش شايف بني آدمين
يا نهار يا نهار يوم، يوم قربك اجمل يوم
دا اللي استنيته سنين
إسأل قلبك اسأل عينك
ومن غير ما تقول ما هو بيني وبينك
في حاجات تتقال وحاجات احلى وهيا خيال
واكتر من اللي بتتمناه ومش ع البال
طب امتى وفين وازاي انا ناسي
بس انا عمري ما اكدب احساسي
مكتوبلي القاك مكتوبلي اكمل وياك
من غير ما تقولي خلاص تاني ايه جواك
في اللحظة دي دخل عاصم و أتضايق لما شافها بترقص معاها و هي كانت حابة تضايقه و كملت رقص مع سيف و بتتهرب من نظراته بينظر جانبه منار كانت بتصورهم شد منها الموبايل بعنف
منار بنرفزة: انت اتجننت ازاي تشد الموبايل كدا
عاصم : هبعت الفيديو لنفسي بس بقولك ايه بتعرفي ترقصي
منار : ليه
عاصم شدها من ايديها قبل ما تتكلم و رقص معاها ايسل و سيف اندهشوا
منار : انت مجنون صح
عاصم : اه
ايسل : شايف جنانه
سيف : م انتي زودتيها برضو
ايسل : متوقعتش يعمل كدا
عاصم و هو بيرقص قرب منهم و شد ايسل ناحيته
عاصم : كمل انت مع منار
ايسل: مش هرقص معاك
عاصم : ايه عايزة تكملي معاه
ايسل : اه
عاصم : بجد انا بتضايق من طريقتك دي و مش بحب ازعلك
ايسل : وانت ازاي ترقص مع صاحبتي
عاصم : علي اساس انك كنتي بتعملي ايه يعني
_______________
عاصم ركن عربيته امام النيل و نزلت ايسل و قعدت جنبه خرج علبة السجاير و اشعل سيجارة
ايسل : عارف السيجارة اللي ولعتها دي كأنك بتولع فيا انا
عاصم مسك العلبة و حدفها بعيد و طفيء السيجارة : مش هشربها
ايسل مش مستوعبة : انت بجد رميت العلبة دي غالية
عاصم شدها لحضنه : بس مش اغلي منك مع انك بترفعيلي ضغطي و تعصبيني بس مقدرش استحمل يوم انتي مش معايا فيه
ايسل : بس انت بتحب السجاير لدرجة الادمان
عاصم : ادماني بيكي أكبر من اي حاجة في الدنيا انا بقيت مش بلاقي نفسي غير معاكي مبعرفش أضحك غير وانا معاكي
ايسل : بحبك
عاصم : بعشقك اصلا
ايسل بعدت عن حضنه ولاحظت أنه اتضايق: حبيبي انت عارف ان ده غلط لان حتى مش مكتوب كتابنا
عاصم : عارف
ايسل :ولو فكرت لثوانى هتعرف انى مش عايزه اغلس عليك والسلام
لا ده امر ربنا مش بايدى وانا عشان مش عايزاك تضيع منى بعمل كده لان لو ربنا غضب علينا احتمال يحرمنا من بعض وفى النهايه انا ليك مش لحد تانى مستعجل ليه
عاصم : أيوة بس فيه ناس كتير كدا عادي و بيتجوزو
ايسل :ومين قالك ان هما سعداء فى حياتهم مش يمكن دلوقتى حبهم بيقل بالتدريج
مش يمكن ربنا بيخليه يفكر يسيبها ولسه كمان عقاب اكتر لأنهم وصلوا لحاجة ربنا منعها إلا فى الحلال وبعدين لو فى ناس بتعمل كده فى ناس كتير ليه احنا منبقاش زيهم واحسن كمان
عشان ربنا يبارك لنا فى حياتنا ونبقى متشوقين لبعض عشان لما نتجوز لكن دول كل يوم نفس الروتين هاتى بوسة خد أهى و كدا
“ومن يتق الله يجعل له مخرجا ويرزقه من حيث لا يحتسب”
عاصم : عندك حق انا اسف
ايسل : صليت انهاردة
عاصم : انا بصراحة بقيت ملتزم بالعصر و الفجر بس واحدة واحدة هلتزم في الباقي
_______________
احمد و بوسي يجلسان أمام التليفزيون يشاهدو فيلم اجنبي رعب اكشن
جرس موبايل احمد يرن بيرد كان عاصم
احمد : أيوة يا معلم … تمام الحمد لله…. مش عارف هنزل انهاردة ولا لا .. لسة هشوف لو نزلت هعدي عليك و نسهر برة انت فين .. طيب لو هاجي هتصل بيك اعرفك .. سلام
احمد : حبيبتي ما تغيري الرعب ده انا بزهق منه
بوسي: يا حبيبي ده جميل اوي الفيلم ده ده انت لو تسمع كلامي بس و تشوفلك فيلمين 3 4 10 رعب كدا هتدمنه
احمد : يعني الستات كلها بتحب الهندي و التركي و مراتي بتحب الرعب
بوسي : علي فكرة الرعب ده للي مش عاجبك احلى من الهندي و التركي
احمد : طيب ماشي
بيقوم متجها لغرفة نومه استوقفه سؤالها
بوسي :أحمد انت نازل
احمد : مش عارف لسة
بوسي : مش عارف ازاي مانت بتقول لعاصم هتنزلو مع بعض
احمد : قولتله ممكن
بوسي : هو كل يوم يا احمد م تقعد معايا شوية
احمد : خلاص انتي شوفتيني نزلت يعني
شغل احمد البلايستيشن و انسجم في اللعبة
بوسي : لو كنت هتقعد في البيت قدام الزفت ده يبقي تنزل احسن ما انت كدا كدا اصلا مش معايا
احمد : هو انتي مش كدا كدا بتتفرجي ع الفيلم الرعب بتاعك ده
بوسي : ما تتفرج معايا
احمد : مش عايز اتفرج انا بتخنق منهم و مبعرفش انام بالليل منهم افلام رخمة ولله
بوسي : اتكلم عن الأفلام الرعب بأسلوب احسن من كدا
احمد : هما ولاد اخوكي وانا معرفش
بوسي بضيق : أحمد
بيتنفس احمد بخنقة و يقوم بخلع ملابسه
احمد : طيب انا هعدي ع عاصم
بوسي : لا مش هتخرج
احمد : انتي مجنونة مش هخرج ازاي يعني بتهزري اوعي كدا
خرج و تابعته هي بخنقة
_______________
موبايل عاصم بيرن رقم غريب
عاصم : الو … مايا ازيك … ميس يو تو … انتي في مصر معقولة … لا اصل انا خارج مع صاحبي يا بنتي مش هينفع لا … يا مايا خليها مرة تانية. . طيب ماشي انا في التجمع الخامس مفيش رايح بار نسهر انا وواحد صاحبي هتجيلي علي هناك يعني ماشي باي
_______________
في البار
احمد : ايه يابني اتأخرت ليه
عاصم : مفيش الطريق كان زحمة
احمد : طيب
عاصم موبايله بيرن و دخلت مايا البار بتدور عليه : بقولك ايه همشي انا يعني نص او ربع كدا و راجعلك
مايا قربت عنده و سلمت عليه : يلا عشان منتاخرش
عاصم : طب يا احمد مش هتاخر باي
خرج عاصم و مايا من البار واحمد متعجب من تصرفه
مايا : ايه ده رايح فين
عاصم : هنركب عربيتي
مايا : لا لا تعالي انا معايا عربية اصلا
عاصم : ازاي جبتيها مصر
مايا: لا دي عربية خطيبي اخدتها منه انهاردة بدل بهدلة التاكسيات
عاصم : انتي اتخطبتي
مايا : أيوة يا بيبي يلا تعالي
عاصم : طيب
مايا : بقولك ايه تعرف تسوقها
عاصم : ماشي هاتي المفتاح
( مايا بترتدي جيب قصير ازرق نفس طول الشورت و توب كات ابيض )
ركبت معاه السيارة و عاصم بيقودها بتمد ايديها علي الجاكيت بتاعه بتفتحه
عاصم : بس بقا مش عارف اسوق
مايا بدلال: مانت راعي مشاعرى برضو وحشتني
عاصم : وانتي كمان بس يعني مش في العربية
مايا بتضحك : بقولك ايه يا حبيبي اركن ع جنب
عاصم : ايه ده في العربية كدا
مايا : أيوة فيها ايه و بعدين مش هنلحق نروح البيت ده انا قولت ل خطيبي نص ساعة و راجعة يعني يدوب اركن اركن
وقف عاصم السيارة و نظرت له بدلال في عينيه مباشرة
عاصم : ايه
احضنته بدلال و قبلته و بدأت في تقبيل رقبته
مايا : بالراحة يا عاصم هتقطع التوب
عاصم : ماهو بالراحة
مايا : لا ده مش بالراحة خالص يخربيتك
_______________
دخل عاصم البار و جلس علي ترابيزة احمد اللي كان مخنوق
احمد : ايه كل ده
عاصم : متاخرتش علي فكرة
احمد : و دي مين بقا إلى كانت معاك
عاصم : دي كانت ال Girlfriend بتاعتي في لندن
احمد : و ايه اللي في رقبتك ده
عاصم بيفتح كاميرا الموبايل الأمامية : تصدق دي باينة
احمد :دي lovebits
عاصم : اه
احمد : بس عنيفة يخربيتك
عاصم : يخربيتها هي
احمد : يابني ما تحترم نفسك بقا انت خاطب و كلها كام شهر و تتجوز
عاصم : يابني هي اللي كلمتني ولله و جاتلي
احمد : اللي في داق عمره ما يسيبه
عاصم : معلش يا مولانا ادعيلي ربنا يهديني
احمد : بقولك ايه معاك حشيش
عاصم : معايا بس انت مبتشربش من قرن انت متخانق ولا ايه
احمد : يعني … اهي مرة بقا عايز اشرب ما تلفلنا سجارة طيب
بيخرج من جيبه قطعة حشيش ملفوفة في ورق سوليفان و ورق بفرة و بيناوله لاحمد
عاصم : خد لف انت
احمد : ما تيجي نروح شقتك اللي في المعادي احسن
عاصم : علي رايك ماشي يلا بينا
_______________
عاصم دخل شقته كان مختار منتظره
مختار : اخيرا شرفت يا بيه
عاصم : بابا انت لسة صاحي
مختار :كنت فين كل ده
عاصم : كنت سهران شوية مع صحابي
مختار فتح جيب الجاكيت و اخرج منه قطعة الحشيش و الفلوس و الكريدت كارد و مفتاح السيارة
مختار : تمام ارجع كمل سهرتك بقا معاهم
عاصم : نعم
مختار : اما دول بقا هما معايا
عاصم : يعني ايه
خرج سيف و عبير في الوقت ده لان صوتهم كان عالي
عبير : مختار انت بتعمل ايه حرام عليك سيبو ينام الجو برد
مختار بعصبية : سمعت انا قولت ايه انزل مكان ما جيت
سيف : بابا ممكن تهدي بس طب اديله حتي فلوس يا بابا الجو برد
مختار : ميخصنيش ان شاء الله حتي يبات في الشارع
عاصم : انا نازل
عبير : عاصم استني يا حبيبي رايح فين بالله عليك خليه ينام ف اوضته
مختار: لما يعقل و يتربي يبقي ساعتها يدخل ابنك شارب طبعا ماهو ده اخرة تربيتك و دلعك و يكون في علمك لو عايزاه يدخل ينام يبقي انتي طالق
عاصم فتح الباب و خرج و رزعه بقوة وراه سيف كان هينزل وراه لكن مختار منعه
عبير : حرام عليك عجبك كدا
مختار أخرج موبايله و بيتصل علي بوسي
_______________
بوسي : وانت من امتي بتشرب يا احمد انت مش مبطل القرف ده من زمان
احمد : مش فاهم انا انتي عايزة ايه دلوقتي
بوسي : طبعا م هي دي اخرة سهرك مع اخويا ده صوت تليفوني …. أيوة يا بابا عاصم لا مكلمنيش ليه ايه اللي حصل .. يا بابا مينفعش اللي حضرتك بتقوله ده كدا هينام في الشارع و بعدين ده اخويا … حاضر يا بابا حاضر سلام عشان هو بيتصل … أيوة يا عاصم …
عاصم : بوسي انا لازم اجي عندك انهاردة بس عشان متخانق مع بابا
بوسي : عاصم انا مش هقدر بجد بس بابا حلف علي ماما بالطلاق لو انت جيت عندي
عاصم : هي بقت كدا طيب
بوسي : يا عاصم ولله انا معرفتش أقوله ايه هو كلمني و قالي. .. الو ده قفل
احمد : انتي بتهزري ده اخوكي
بوسي : طب و ماما
احمد : انا نازله
بوسي : لا يا احمد هتنزل فين و بعدين اللي بابا عمله ده الصح سيبه يتربي مش كفاية انت بقيت بتسهر معاه
احمد : وانتي ازاي قلبك قسي عليه كدا ده اخوكي انتي ايه مبتفهميش
بوسي : اخويا. .. هو فين أخويا ده اخويا اللي بيخليك زيه
احمد : انا اللي طلبت منه اشرب هو مغصبنيش علي حاجة و بعدين كفاية انانية بقا
_______________
سيف بيكلم ايسل في الموبايل
ايسل : يعني هو دلوقتي فين
سيف : مش عارف مبيردش عليا
ايسل : طيب انا هكلمه
سيف : طمنيني لو رد عليكي
ايسل : حاضر
_______________
ايسل خرجت من غرفتها و نزلت عند شقة جدها
ايسل : والنبي يا جدو وافق
جلال : انتي بتهزري مستحيل طبعا انتي عايزة الناس يقولو ايه
ايسل : يا جدو حرام عليك الجو برد و هو كدا هيبات في الشارع
جلال : انا مقدرش يا ايسل الناس يا بنتي هتتكلم
تفتكره جدها هيوافق عاصم يقعد عنده الليلة دي ؟
رايكم