الفصل 20 ( كبرياء الصمت )
صفاء : في ايه نزيف ايه حد يفهمنا
صفاء بنرفزة : أنت ازاي متقوليش يا عاصم ان ايسل عملت مجهود الفترة دي و ليه لما كنت بكلمها تقولي مفيش حاجة كل حاجة خلصانة
عاصم : ايسل اللي كانت بتطلب مني كدا
جلال : هي ايسل طول عمرها كدا مبتحبش تشيل حد همومها ولا مشاكلها انتي يعني مش عارفة بنتك و عنادها
صفاء : اهو شايف يا بابا اخرة عنادها
_______________
في غرفة العمليات ايسل غرقانة دم
الدكتور : مروة هاتي حقنة ميثرجين بسرعة
الممرضة مروة:حاضر يا دكتور
الدكتور بيحقن الحقنة في المحلول المتعلق
الدكتور : كياس الدم فين
الممرضة : حاضر حاضر هجيبهم
_______________
عاصم اخد مامتها علي جنب بعيد عنهم
عاصم بعصبية : شوفتي بقا يا ماما انتي السبب
عبير : انا يا عاصم
عاصم : انتي ناسية يا ماما آخر شهر ليها كنتي تعباها جدا و اغسلي و اعملي
عبير : وانت يعني كنت قصرت مانت أخدت أجازة من شغلك عشانها و كنت بتعمل الاكل و تغسل
عاصم : عشان هي مكنتش عايزة حد يعملها حاجة انتي فاكرة ان هي كانت مبسوطة كدا ده كان بالعافية المهم يا ماما لو ايسل حصلها حاجة بجد مش هسامحك
_______________
عاصم دخل غرفة الأطفال
فريدة بنته نايمة علي السرير المخصص لها و بتلاغي و بتتحرك كأنها بتلعب و بتضحك شالها علي ايديه و بيسمي الله و هو مبسوط انه شاف بنته و شايلها
_______________
بعد مرور يومين
في غرفة العناية المركزة
الدكتور : عايز متابعة كل ساعة ضغطها واطي اوي
الممرضة : حاضر يا دكتور
ايسل بصوت هاديء: عاصم فين
الممرضة: برة علي فكرة هو من بدري عايز يدخلك بس انا كنت مستنية الدكتور يخرج هندهولك حالا … حمدلله علي السلامة
دخل عاصم عندها و مسك ايد ايسل و بيقبلها : سلامتك يا حبيبتي …. كدا برضو بتخضيني عليكي
ايسل : انا تعبانة اوي يا عاصم
عاصم : ياريتني كنت مكانك يا حبيبتي …. متقلقيش الدكتور طمني و قال انك هتخرجي في اسرع وقت ان شاء الله
ايسل دموعها بتنزل : بنتي يا عاصم
عاصم بيمسحلها دموعها : حبيبتي عشان خاطري متفكريش في اي حاجة دلوقتي عشان صحتك
ايسل : طب و فريدة
عاصم : انا هاخد بالي منها متقلقيش
ايسل : هو انا هموت
عاصم : ايه اللي بتقوليه ده … الدكتور قال انك هتكوني بخير ولله
ايسل : نفسي اشوف فريدة
عاصم : هي في الحضانة و الدكتور قال مينفعش دلوقتي متقلقيش ولله هتشوفيها
ايسل : خلي بالك منها و قولها اني بحبها اوي
عاصم دموعه نزلت : اهدي يا ايسل عشان خاطري
_______________
بعد مرور 3 أيام خرجت ايسل من المستشفي
عبير بتلعب مع فريدة و شايلاها علي ايديها و منار قاعدة معاها
عبير: انا كنت نسيت الكلام ده خالص رجعتيني 20 سنة
منار :ليه يا طنط مكنتيش بتربي جنة و عمار
عبير : ابدا ولله بوسي كانت بعيدة عني و يدوب اروحلها و هي بصراحة اللي ربتهم
منار : ربنا يباركلك فيهم يا طنط
عبير : طبعا يا ديدا ولا انتي فاهمة حاجة ولا عارفة انا مين
منار : هاتي يا طنط اشيلها عنك شوية
عبير : لالا خليها معايا شوية و عقبالك يا ميمي يارب
منار : ميرسي يا طنط تسلمي
في اللحظة دي دخل عاصم و ايسل الشقة
منار : اهلا نورتي يا سيلا مش كنت قولي يا عاصم كنت جيت معاك
عاصم : لا انا قولت اعملها مفاجأة
عبير : نورتي يا حبيبتي بيتك
ايسل اتناولت فريدة من عبير : حبيبتي وحشتيني كان نفسي اشوفك يا ديدي
عبير : مش هتسلمي عليا يا سيلا
ايسل : سوري يا طنط ده انا كنت هتجنن و اشوفها …. موني بجد انا متشكرة اوي علي انك كنتي اخدة بالك من فريدة اليومين دول و انتي كمان يا طنط متشكرة اوي بجد
عبير :المهم انك قومتي بالسلامة يا حبيبتي …
متحطيش ايديك علي دماغها اوي يا ايسل بالراحة عليها
ايسل : بنتنا يا عاصم
عاصم قعد جنبها و قبلها من رأسها : زي القمر
عبير : عاصم سيبلي مراتك شوية ممكن
عاصم : اه ماشي يا ماما
منار : طب انا كمان لازم اروح عشان ماما
ايسل : بجد متشكرة اوي يا موني
منار : شكرا ايه يا هبلة انتي اختي يلا يا حبي انا همشي و هجيلك بكرة
ايسل : ماشي يا قلبي … عاصم ممكن توصل منار البيت
منار : لالا يا بنتي هاخد تاكسي
ايسل : لا طبعا وصلها يا عاصم
خرج عاصم و منار
عبير : انا عارفة انك ممكن تكوني مبتحبنيش بسبب اللي بعمله فيكي و ليكي حق … انا كنت مش كويسة معاكي دايما كنت بعكنن عليكي و بضايقك و بخنقك بكلامي و مكنتش بفوت فرصة من غير ما اضايقك بس مش عارفة كنت بعمل فيكي كدا ازاي. … يمكن عشان كنت حاسة انك اخدتي عاصم مني … مع انك انتي اللي بتقربيه مني مكنتش عارفة انك بتستحملي مضايقتي ليكي و تنزلي عندي عشان مقولش انك بتحرميني من ابني ….. سامحيني يا ايسل انا ولله ما عارفة كنت بعمل فيكي كدا ليه بس لما عاصم قالي انتي السبب في ان ايسل تتعب قلبي وجعني و خوفت عليكي كنت بدعي ربنا تقومي بالسلامة
ايسل دموعها نزلت منها : انا عمري ما كرهتك يا طنط
عبير : ينفع تقولي يا ماما و بلاش طنط دي عشان مش بحبها من أيام كلمة تانت
ايسل بتضحك : لا مش هقول تانت تاني خلاص يا ماما
عبير حضنتها : ربنا يخليكي ليا يا حبيبتي خلاص اللي فات ده نقفله
ايسل : أيوة طبعا
_______________
ايسل قاعدة علي السرير جنب فريدة و فريدة بتعيط
ايسل : معلش يا ديدي انا كان نفسي اكون معاكي اليومين دول بس انتي كنتي وحشاني اوي
عاصم : ايه بقيتو صحاب ولا لسة
ايسل :علي اساس أنها فاهمة كلامي ده ….. خلاص يا ديدا متعيطيش … عاصم انا حاسة اني تايهة و مش عارفة اعمل حاجة
عاصم : معلش يا ايسل انتي لسة شايفاها من كام ساعة برضو
ايسل : تفتكر البيبي بيعرف مامته ازاي
عاصم : انا زيي زيك معرفش حاجة برضو
ايسل : هششش بس طيب انا عملتلك ايه يا فريدة هو انا زعلتك
عاصم بيضحك: ايه يا مجنونة انتي
ايسل : متتريقش عليا
عاصم : طيب يمكن عملت بي بي علي نفسها
ايسل : لا انا لسة مغيرالها من ربع ساعة
عاصم : يمكن جعانة
ايسل : تصدق ممكن طيب هرضعها
_______________
تاني يوم
كانت ايسل بتنيمها و بتغنيلها اغنية
( حبيبة امها )
حبيبة أمها يا اخواتي بحبها دي حبيبة أمها
أيام عمري اللي فاتت عشانك عشتهم
وسنين عمري اللي جاية عشانك حـشتهم
عايزاك تبقي شابة وعينيني يخدمهم
ويشيلو ولاد حبيبتي وحبايب ستهم
يا خواتي يا اخواتي بحبها دي حبيبة أمها
ست البنات حبيبتي بخاف من الهوا
لو مس شعرة منك من غير ما نكون سوا
ان يوم بكيتي ببكي ب قبال اليوم سنة
وان قلتي آه عينيي بتقول انشالله أنا
يا اخواتيي بحبها دي حبيبة أمها
حبيبتي بكره تكبر وتروح المدرسة
ويقولي بنتي شاطرة ونمرها كويسة
تكبر في عينيي صورتك من الصبح للمسا
و أقول خلاص دي كبرت حتبقى مهندسة
يا اخواتيي يا اخواتييي بحبها دي حبيبة أمها
عاصم : يا صباح اللي بتغني
ايسل :انا فرحانة اوي بيها مش مصدقة اصلا ان انا شايلاها و بين ايديا
عاصم :ربنا يخليهالنا يارب
_______________
في المساء
ايسل بتفتح باب الشقة لان الجرس بيرن كانت والدتها و طارق
ايسل حضنتها: يا ماما وحشتيني
عاصم : ازيك يا طنط … ازيك يا طروقة
طارق : ايه يا عاصم ازيك
صفاء : عايزة اشوف حفيدتي فين فريدة
ايسل بتناولها فريدة
صفاء : بسم الله ماشاء الله … بسم الله الرحمن الرحيم
طارق بيصفر : ياختي بطة
عاصم بيضحك
طارق : مبروك يا دكتور بسم الله ماشاء الله قمر
صفاء :لعلمكو بقا انا جاية عشان خاطر فريدة مش عشانك انت ولا ايسل …. هاتي بوسة يا سيلا
ايسل قبلتها: هههه ربنا يخليكي ليا يا ماما
صفاء : قمر فريدة … شبهك يا ايسل وانتي صغيرة
طارق : لا هي اكتر شبه عمها طارق
عاصم : عمها طارق ؟ …. و مش واخدة حاجة مني يا طنط ولا ايه
صفاء : يا حبيبي العيال مبيبانوش و هما صغيرين اصبروا عليها لما تكبر هتعرف وقتها هي شبه مين
طارق : لا بجد عينيها شكلها هتبقي زي عاصم
_______________
في شقة احمد و بوسي
احمد لابس مريلة المطبخ و تحته تيشرت نص كم و بنطلون ترينج و كاب و جنة لابسة جيبة قصيرة و تيشرت بكم و عليه المريلة و توكة فيونكة
احمد ماسك نوتة و بيسجل و بيعلم علامة صح : ترويق الاوض
جنة : Done ( تم )
احمد : تلميع الشقة
جنة : Done
احمد : ترتيب الدواليب
جنة :Done
احمد : امممم ترويق المطبخ و غسيل المواعين
جنة:Done
احمد : تنضيف السجاجيد
جنة :Finish ( انتهي )
احمد : امممم و الاكل
جنة : جاهز يا بابي
احمد :كدا تمام
جنة :يا بابي مش كنت جبت واحدة تيجي تنضف و خلاص
احمد : يا جوجو احنا عايزين نحسس مامي اننا بنحبها و عايزين نساعدها
جنة : مامي جت يلا نستخبي يا بابي
دخل احمد و جنة غرفة الاطفال و بوسي بتفتح مفتاح الشقة و عمار علي ايديها و معاها طلبات الشقة
بوسي : ايه ده هو انا دخلت شقة الجيران .. لالا دي شقتنا صح يا موري … جنة يا جنة هو ايه اللي حصل ده اكيد بحلم ولا بتهيألي
خرج احمد و جنة من الغرفة
بوسي : ايه ده
جنة : هاتي عمورة يا مامي
بوسي ناولت عمار ل جنة و بتبص لأحمد و هي مستغربة:احمد انت جبت حد يروق الشقة
احمد : لا طبعا انتي شاكة في قدراتي ولا ايه
جنة : وانا يا مامي عملت معاه
احمد شدها من ايديها و قعدت علي السفرة
بوسي : طلبت ديلفري صح
احمد : لا طبعا بس انتي عارفة اني بعرف اطبخ شوية حاجات و غير كدا سألت ماما ع حاجات مش عارفها
بوسي : احمد انا بحبك اوي بجد
احمد : وانا كمان ربنا يخليكي ليا يارب
بوسي : يا احمد انا كنت هعمل كل ده مكنتش تعبت نفسك
احمد : المهم بعد ما تاكلي تدخلي تذاكري وانا هاخد بالي من عمار و جنة خلصت الهوم ورك بتاعها
بوسي : لا متقلقش انا هنيمه
احمد : مفيش لا و لما تخلصي قوليلي عشان اراجعلك خلاص هانت يا حبيبتي مش فاضل غير اسبوع و تخلصي
بوسي :وانت يعني بتفهم ايطالي
احمد : لا الصراحة بس اهو اي حاجة بقا
بوسي : ماشي يا حبيبي بجد انا مش مصدقة نفسي ولله ربنا يخليك ليا بجد
_______________
يوم سبوع فريدة الشقة متزينة بالبلالين لونها أزرق فاتح و رصاصي و كل الأطفال لابسة تيشرت عليه اسم ( فريدة ) و علي الحائط مكتوب welcome Farida باللون الأزرق الفاتح
عبير :عقبال عندكم كلكو يارب
ايسل حملت فريدة علي ايديها و وقفت جمب عاصم و فرحانين بيها
صفاء : بسم الله ماشاء الله يا عاصم بنتك زي القمر
عاصم : اه طبعا يا ماما دي طالعة ل ايسل لازم تكون حلوة
ايسل : لا علي فكرة دي فيها منك و بعدين عينيها لون عينيك بس علي اغمق و نفس دقنك
روان : يعني باباها تشيز كيك و مامتها كريم كراميل ف طبعا لازم تجيبولنا كب كيك بالنوتيلا عايزة تتاكل ولله
ايسل بتضحك : ما تتلمي بتعاكسيه قدامي
روان : مش احسن ما اعاكسه من وراكي
ايسل : اقنعتيني ولله
صفاء: الله و أكبر االله و أكبر من كل عين بصاصة تندب فيها رصاصة .. ما تصلو ع النبي
كلهم : صلينا ولله يا طنط … عليه افضل الصلاة و السلام
اشتغلت اغنية (السبوع ) من فيلم الحفيد و الزغاريط
سيف: طب انا فيه حاجة نفسي اعملها من وانا صغير
سيف مسك الهون و بيدق : اسمعي كلام امك … متسمعيش كلام ابوكي …
ايسل بتضحك : أيوة بقا
سيف : اسمعي كلام تيتا ام امك متسمعيش كلام تيتا ام ابوكي
عبير : كدا برضو يا سيف
سيف : خلاص متسمعوش كلام حد
مسكت بوسي الهون من ايديه و بتدق بيه
عبير : قولي اسمعي كلام تيتا ام باباكي
بوسي :اسمعي كلام تيتا ام باباكي
جنة: وانا يا مامي وانا
عاصم : لالا انتي بالذات لا
بوسي : اسمعي كلام جوجو
منار :وانا يا بوسي وانا
بوسي : اسمعي كلام منار …. و اسمعي كلام تيتا ام مامتك … متسمعيش كلام سيف
سيف : انتي مفترية ولله … متسمعيش كلام حد يا بت يا فريدة
بوسي : اسمعي كلام بوسي …
احمد : وانا يا بوسي
بوسي : متسمعيش كلام احمد
احمد : ليه دي على كدا مش هتسمع كلام ولا راجل فينا
بوسي : اسمعي كلام جدو جلال و جدو مختار …
روان : وانا يا بوسة ده انا بشيلك عمورة
بوسي : اسمعي كلام ابلتك روان … و كلام عمرو خطشيبها…..متس
_______________
اخر يوم في امتحانات ايسل
عاصم : انتي بتعملي ايه يخرب عقلك
ايسل : بقطع الكتب
عاصم : يا حبيبتي استني لما تتطلع النتيجة و تتأكدي انك نجحتي
ايسل : متخافش هنجح طبعا خد خد يا حبيبي قطع معايا
عاصم : يلا هقطع قطع يلا ما هو جنان بقا
ايسل : هييييح بقا و اخيرا خلصت جامعة خالص
عاصم : لسة النتيجة ع فكرة مظهرتش يا بنتي
ايسل : لا انا مش مصدقة اني خلاص اتخرجت مش كفاية اجلت سنة كمان بسبب فريدة الحمدلله بقا
_______________
في المساء
ايسل دخلت غرفة النوم و في ايديها صينينة عليها اكل
ايسل: عاصم انت نمت انا جهزتلك العشا
عاصم : لا منمتش
ايسل : يا روحي ديدا شكلها حلو اوي و هي نايمة جنبك كدا و بتضحك
عاصم : اه ماهي عملت stool علي نفسها و غيرلتها
ايسل بتتناول فريدة من جنبه و مسكت عاصم من خدوده : بجد و عرفت تغيرلها ياختي قميلة يا ناس
عاصم : اه عرفت اغيرلها
ايسل : ديدا يا روحي انتي جعانة
عاصم : انا يدوب اكل حاجة بقا عشان الحق انام عندي محاضرة الساعة 9 حبيبتي ما تاخديها و تنامي في الأوضة التانية انهاردة بس عشان مصدع و حاسس اني مش هصحي بدري كدا يا اما توطي صوتها ده
ايسل : اوطيه ازاي يعني بالريموت
عاصم : لا اعمليه Mute ( كتم )
ايسل : هاها ههههه ظريف يا بيبي حاضر هنيمها اهو
_______________
يوم نتيجة ايسل
في شقة مختار ايسل قاعدة مع عبير و فريدة علي ايديها و متوترة و بتتصل ب عاصم
عبير : زمانه جاي حتي هيطمنك يا حبيبتي
ايسل : لا يا ماما ده لحد دلوقتي مبيردش عليا يبقي فيه حاجة
عبير : يعني قلقك ده هيغير حاجة في النتيجة مثلا
ايسل : يا ماما انا خايفة اوي ياربي رد بقا يا عاصم
باب الشقة اتفتح جريت ايسل عنده
ايسل : ها طمني عملت ايه
عاصم :خير يا حبيبتي اهدي
ايسل : عاصم قولي عملت ايه
عاصم : جيد جدا
ايسل : بجد يعني انا كدا اتخرجت خلاص الحمد لله بقا
عاصم : مبروك يا حبيبتي
ايسل : بحبك علي فكرة
عاصم : وانا بموت فيكي ولله
_______________
بعد مرور سنة
ايسل : يا موني
منار : ايه يا بنتي
ايسل : بصي ممكن تودي طبق الجاتوه ده ل جارتنا اللي في الشقة اللي قدامنا عشان امبارح كانت مش في البيت
منار : طيب ماشي لبسي انتي فريدة بقا
ايسل : ماشي يا موني
منار بتخبط علي باب جارة ايسل خرج شاب في اواخر العشرينات
…: أيوة
منار : هي ايسل اللي هي جارتكم قالتلي اوديلكم تورتة فريدة لانها كان عيد ميلادها امبارح
…. :فريدة مين
منار : فريدة بنت عاصم و ايسل اللي في الشقة اللي قدامكم
…. : مش عارفهم بصراحة بس عارف عاصم اااه طيب ممكن تيجي وقت تاني تكون ماما جت لاني مش عارف
منار : لا وقت تاني ايه اتفضل الطبق ده و حطه في التلاجة يعني مش هيحصل حاجة
…. : اصل مش هينفع انا نازل اصلا ولله
منار : اتفضل طيب الطبق ولا شكلك كدا مش هتاخده
دخلت منار الشقة و وضعت الطبق علي بار المطبخ
…. : ايه يا بنتي انتي بتهزري
منار : ماهو انت مكنتش هتاخده و بعدين ده كيك من تورتة فريدة يعني
….. : طيب قوليلها هابي بيرز داي بقا
منار بابتسامة :ميرسي عن اذنك
….. : استني هو انتي اسمك ايه
منار : اسمي انا …. اه اسمي منار
…. : وأنا مالك. …
منار : اه اهلا يا استاذ مالك طب عن اذنك
مالك : اتفضلي
_______________
روان دخلت الشركة اللي عمرو بيشتغل فيها
روان :لو سمحت مكتب الباشمهندس عمرو مدحت فين
…. :آخر الطرقة علي إيديك اليمين
روان : تمام ميرسي
دخلت روان مكتب عمرو
روان خبطت علي مكتبه و هو بيشتغل ع الكمبيوتر
عمرو : روان
روان : وحشتني
عمرو : ايه اللي جابك كدا و بعدين انتي بتهزري ازاي تيجي مكان الشغل كدا
روان :قولت اجي اعملك كبسة بس من غير لحمة
عمرو : ده ايه السكر ده
روان : لا بجد وحشتني و بعدين مقولتليش يعني شكلك حلو وانت بتشتغل
عمرو : احم طيب ده مكان شغل ينفع تخرجي دلوقتي
…. : عمرو المدير عايزك و بيقولك خلصت التصميمات ولا لسة مين دي
روان : هاي ازيك انا خطيبته
عمرو : هاي ازيك ايه روان امشي دلوقتي
روان : طيب يا حبيبي همشي
….. :طيب انا هخرج و لما تخلص كلم المدير
خرج صاحب عمرو
عمرو :رونا
روان : ايه
عمرو : انتي كمان وحشتيني جدا
روان : و مقولتش من الاول ليه يعني
عمرو : اتفاجأت اصل اول مرة تيجي يعني شغلي
روان : طيب روح شوف مديرك و متنساش هنخرج انهاردة
عمرو : مصممة يعني
روان : جدا
_______________
عاصم دخل اوضته كانت فريدة قاعدة جنبها بتلعب و ايسل قاعدة علي السرير بتتفرج علي صورها و هي صغيرة و صورها مع عاصم
عاصم : ديدا
فريدة جريت عليه و حضنته
عاصم :بصي جبتلك ايه
فريدة : حلوين اوي
عاصم : اما دول بقا لمامي
ايسل : الحلويات دي ليا
عاصم : اكيد طبعا
ايسل : الله ❤
عاصم ايديه علي وسطها و حضنها من ضهرها : وحشتيني
ايسل قربت منه و وضعت ايديها علي دقنه : بكاش ع فكرة …
عاصم بيقرب منها و بيقبلها : قوليلي بقا كنتي بتعملي ايه و ايه الصور دي كلها
ايسل : كنت بتفرج علي صوري وانا صغيرة
عاصم مسك صورة منهم
عاصم : ايه ده بقا لابسة مايوه قطعة واحدة فين النص اللي الفوق
ايسل: هو كان كدا مكنش فيه نص فوق
عاصم : انا لا يمكن اسمح ان فريدة تلبس مايوه زي ده انا راجل حمش
ايسل بتضحك : شوف دي وانا عندي 4 سنين
عاصم : جميلة اوي من وانتي صغيرة
عاصم سند راسه علي السرير و ايسل نامت علي صدره و حضنته
ايسل : انا بعشقك
عاصم : انا لو قولت بعشقك هيكون قليل انا حاسس اني وصلت لمرحلة فوق العشق
ايسل : انا بموت فيك بجد
فريدة لاحظت أن عاصم بيحضنها حاولت تطلع علي السرير و قعدت جنب عاصم و شدت ايديه تمسكها و نامت علي صدره و بعدت ايسل عنه
فريدة : كدا عيب ازعل منك يا مامي
ايسل :ايه ده بقا مالها فريدة يعني
عاصم : بتغيير عليا انتي مالك صح يا ديدا
فريدة : اه
ايسل : والنبي ما هي فاهمة حاجة اصلا و بعدين يعني انتي عايزة ايه هتاخديه مني
فريدة : انا احبه
عاصم : وانا بحبك اوي
ايسل : ايه انت و هي ده جوزي يا بت انتي المفروض تروحي علي اوضتك علي فكرة يعني
فريدة بنرفزة : هسسس اسكتي صدعتيلي سعري ( شعري )
ايسل : انا صدعتلك شعرك
فريدة : اسكتي عايزة انام
_______________
تاني يوم
ايسل بتكلم في الموبايل : ازاي يا ماما تقوليلها عنواني و تخليها تيجيلي يا ماما انتي عارفة عينيها وحشة ياربي بقا …. ما كنتي تقوليلها زي كل مرة مسافرة ولا خارجة …. طيب يا ماما ربنا يستر بقا …. الجرس بيرن شكلها هي
بتفتح ايسل الباب و بتغلق المكالمة مع والدتها
ايسل : طنط سحر ازيك
سحر : ازيك يا سولي عاملة ايه يا حبيبتي
ايسل : الحمدلله يا طنط اتفضلي
سحر : معلش يا حبيبتي جيتلك علي طول بس مصدقت جيت القاهرة قولت اجي اشوفك و اشوف بنوتك
ايسل : اه فريدة نايمة هصحيهالك يا طنط
سحر : لالا خليها نايمة لحد ما نتكلم مع بعض شوية
ايسل : طيب اتفضلي يا طنط اتفضلي في الريسبشن
جلست سحر مع ايسل في الريسبشن
ايسل : وانتي يا طنط عاملة ايه في العريش بقا
سحر : ولله يا ايسل يا حبيبتي من يوم ما نقلنا و القاهرة وحشاني جدا بجد نفسي ارجع اوي بس عشان اكون مع محمد و الولاد بقا و لما جيت قولت لازم اجيلك اشوفك
ايسل : حبيبتي يا طنط نورتي ولله
سحر : شقتك حلوة اوي يا ايسل و زوقك حلو اوي
ايسل : لا يا طنط دي وحشة جدا جدا و بجد
جرس الشقة بيرن
ايسل : ثواني يا طنط اشوف مين ع الباب
سحر : اتفضلي يا حبيبتي
ايسل بتفتح الباب كانت عبير حماتها
ايسل : ماما اتفضلي
عبير : انتي عندك ضيوف
ايسل : اه ماما ممكن تغيري العباية دي
عبير : نعم ليه
ايسل : اصل عندي واحدة قريبتي من بعيد و كانت جارتنا و بصراحة يا ماما عينيها وحشة فالأفضل أن حضرتك تغيري و تلبسي عباية عادية
عبير : انتي اكيد بتهزري عايزاني البس عباية قديمة ازاي ده انا البس اشيك حاجة عندي وسعي كدا و بعدين مفيش حد عينه وحشةولا حاجة دي اكيد صدف يعني
ايسل : انتي حرة يا ماما انا حظرتك
عبير دخلت عند سحر و سلمت عليها
ايسل : طنط سحر … اكيد فاكرة ماما عبير حماتي
سحر : طبعا فاكراها دايما شيك يا مدام عبير العباية بتاعتك حلوة اوي بجد
عبير : ربنا يخليكي اتفضليها
سحر : حبيبتي
عبير و هي بتقعد علي الكرسي العباية اتقطعت من الجنب
عبير : ايه ده دي لسة جديدة اتقطعت ازاي بس يلا هنزل اغيرها
ايسل خرجت خلفها و همست في اذنيها : ماما …. والنبي البسي عباية عادية ولا اقولك وحشة يا ماما
عبير :ياريتني سمعت كلامك فعلا حاضر
ايسل رجعت ل سحر : تشربي ايه يا طنط
سحر: انا مش ضيفة يا سولي بس انا عايزة اشوف فريدة بنوتك الصغيرة و جوزك فين
ايسل: ها فريدة اه تقريبا نايمة هدخل اشوفها ثواني و عاصم نايم يا طنط بعد اذنك
سحر:الفازة دي حلوة اوي يا ايسل بجد زوقك حلو اوي فيها
ايسل مسكت الفازة : دي عاصم جابهالي هدية في عيد ميلادي
سحر : ذوقه يجنن اوي واضح أنها غالية جدا
ايسل: اه
الفازة وقعت اتكسرت
ايسل بصدمة : الفازة يلهوي
سحر :معلش يا حبيبتي خدت الشر و راحت
ايسل: هدخل اشوف فريدة بس حضرتك قوليلي الأول تحبي تشربي ايه
سحر : اي حاجة يا حبيبتي و بالمرة تفرجيني علي الكوبايات
ايسل : ها اه حاضر يا طنط ثواني دي ماما عبير شكلها هي اللي ع الباب
فتحت ايسل الباب كانت عبير غيرت العباية و لبست عباية اقدم من الأولي
ايسل : ايه اللي في ايدك ده يا ماما
عبير : قولت اجيب بخور يا حبيبتي ده العين فلقت الحجر
ايسل : طب خليه لو حصل حاجة تاني
عبير : ماشي
ايسل دخلت المطبخ و حضرت جاتوه و حلويات و عصير مانجا و دخلت الصالون عند سحر
سحر : الطبق و الكوباية دول يجننوا حلوين اوي بجد
ايسل : لا ده وحشين يا طنط
الطبق و الكوب وقعوا ع الارض اتكسروا
عبير : بسم الله الرحمن الرحيم
سحر : اخدوا الشر و راحوا
ايسل: لا ماهو مبيروحش الشر مبيروحش لا
_______________
ايسل دخلت غرفة النوم كان عاصم نايم و فريدة بتلعب جنبه و بيغنيلها
عاصم : اوه لالا اوه لالا فريدة يا حبة عين باباه ….اوه لالا اوه لالا ديدا يا حبة عين ماماه
…اوه لالا اوه لالا فريدة يا حبة عين باباه ….اوه لالا اوه لالا ديدا يا حبة عين ماماه … يادي الهنا يادي الهنا اااه يادي الهنا كبرت وانا بدعي عشانها في كل صلاة بدعي عشانها في كل صلاة فريدة يا حبة عين باباه فريدة يا حبة عين ماماه
فريدة بتضحك و قبلته من خده : احبك
عاصم : وانا احبك جدا
ايسل :يا روقانك بتغني
عاصم :في ايه هو فيه حد برة
ايسل : اه واحدة كانت جارتي و للاسف قاعدة المهم انا مش عايزاك تطلع ولا فريدة تطلع و لو طلعت البس هدوم قديمة و اه اوعي تقولها ان عربيتك شغالة والنبي
عاصم : ايه في ايه عشان ده كلو
ايسل: بصراحة كدا طنط سحر عينيها وحشة
عاصم : عينيها وحشة طيب ما تلبس نضارة شمس او لينسيز
ايسل: يا عاصم عينيها مدورة يعني
عاصم : عيب خلقي يعني
ايسل : عاصم عينيها وحشة يعني بتحسد لما بتشوف الحاجة حلوة بتحسدها
عاصم : يا ايسل بتحسد ايه لا طبعا و بعدين انا مش بصدق اوي يعني
ايسل : يا حبيبي الحسد مذكور في القرآن
عاصم : انا فاهم طبعا بس اللي بيحسد ده واحد بيتمني زوال النعمة من البني ادم اللي قدامه
ايسل : طب ايه رايك بقا أنها قالت ل مامتك العباية بتاعتك حلوة هوب العباية اتقطعت وقالت ع الفازة و الكوباية و الطبق حلوين و اتكسروا
عاصم : ي ايسل اكيد صدف
ايسل : طب متخرجش انت و فريدة
عاصم : ايسل حبيبتي بطلي الأوهام دي و انا هخرج و فريدة تخرج عيب تقولي علي الست كدا
ايسل :ربنا يستر
خرج عاصم و ايسل و فريدة بتسلم عليها
فريدة : ازيك يا طنط
سحر : معقولة عندها سنة و نص و بتعرف تتكلم كويس كدا
ايسل : لا يا طنط دي اصلا نص حروفها ضايعة
سحر : لا بس زي القمر يا سيلا شبهك و شبه باباها كمان
عاصم : هو انا حلو كدا
سحر : طبعا يا عاصم ده انت زي القمر صحيح هي عربيتك اللي تحت دي اللي لونها احمر
عاصم : اه يا طنط
سحر : بجد العربية جميلة اوي تتهني بيها يا حبيبي
ايسل : لا يا طنط دي بايظة كل شوية بتعطل منه
عاصم : لا مش اوي دي سريعة جدا
عاصم : طيب انا لازم امشي بقا عشان عندي شغل بجد نورتينا يا طنط
سحر : ده نورك يا حبيبي
_______________
عاصم نزل من العمارة اتفاجأ بعربية خبطت عربيته من الخلف
حامد : ايه اللي حصل للعربية ده يا دكتور عاصم هي اتخبطت
عاصم : لا عاملها نيو لوك يا غبي ياريتني سمعت كلامك يا ايسل شوفلي تاكسي يا زفت
_______________
تاني يوم
ايسل : يا عاصم فريدة تعبانة اوي عندها سخونية تقريبا
عاصم : طب شوفي دكتور مالك اللي ساكن جنبنا هو دكتور اطفال اصلا
ايسل : طيب هروحله بعد شوية يارب يكون موجود
_______________
دكتور مالك بيكشف علي فريدة و معاه منار و ايسل
منار : انا اول مرة اعرف ان انت دكتور اطفال
مالك : ممكن عشان متكلمناش كتير
ايسل : هي فريدة بقت كويسة
مالك : اه انا كتبتلها ع الدواء ده تاخده
ايسل : تمام هروح ابعت حامد يجيبه
منار: طب تشرب ايه
مالك : طيب ممكن قهوة
منار : اوكيه طب كام معلقة
مالك : ايه
منار : أقصد
مالك قاطعها : اااه مظبوطة
منار : ماشي ثواني هقول لايسل
مالك : انتي مبتعرفيش تعملي قهوة صح
منار : اه بصراحة بس ولله بعرف اعمل حاجات كتير تاني
مالك : طيب بلاش تندهي ايسل و تعالي أعلمك بتتعمل ازاي
منار : ها
مالك : المطبخ هناك ده صح
منار : اه اتفضل
مالك وقف عند البار و منار حضرت الكنكة و البن و السكر
مالك : بصي املي الكنكة لحد هنا
منار : تمام ثواني
مالك : بعد كدا هنحط معلقة و نص قهوة و معلقة سكر و تقلبيهم
منار : بجد دي طلعت سهلة اهي
مالك :اه سهلة جدا
منار و هي بتقلب القهوة لمست ايديه من غير قصد سحبتها بسرعة
منار : اااه هحطها ع البوتوجاز
مالك : طيب اول ما القهوة تبدأ تغلي تشيلها بسرعة من ع النار قبل ما تغلي ماشي
منار : حاضر
_______________
في المساء
ايسل :عاصم الحقني
عاصم : في ايه يا ايسل
ايسل : اللبن بتاع فريدة خلص
عاصم : عايز انام
ايسل : يا حبيبي ما هو اللي احنا شربناه شاي بلبن ده بتاعها و انا كنت ناسية انه خلص و هي بتعيط
عاصم : طب نيميها و بكرة الصبح هجيبلها
ايسل : يا حبيبي مش راضية تنام اتصرف يا عاصم
عاصم : هو انا يعني شربت لوحدي ما انتي كمان معايا
فريدة دخلت عندهم و ماسكة البيبرونة في ايديها فاضية
ايسل :ديدا حبيبتي بكرة بابا هيجيبلك لبن
فريدة : مين اللي سرب ( شرب ) لبن بتاعي
ايسل : ماليش دعوة بابا هو اللي شرب
عاصم : كنتي جيبيهالها بالتدريج يا ايسل و بعدين ما انتي كمان شربتي معايا
فريدة بتبكي و متعصبة: عايزة لبن روح جيب لبن ليا دلوقتي
و بعصبية اكتر : انا بسرب ( بشرب ) من لبن بتاعكو
عاصم : يا فريدة حاضر نامي و بكرة هجيبلك ازازة لبن جديدة
فريدة : دلوقتي انزل هاتلي لبن يا عاصم
عاصم : يا فريدة أول و اخر مرة
فريدة : ما ( مبتسمعس ) بتسمعش الكلام انزل جيب اللبن
ايسل : أنزل يا عاصم بقا
عاصم : انتي عارفة الساعة كام الساعة 3 حضرتك
ايسل : يا عاصم مش هتنام انزل هاتلها
عاصم : حاضر هاتيلي الجاكيت و البنطلون
_______________
تاني يوم
سيف نايم في اوضته و عمار و فريدة بيلعبوا جنبه
سيف : يا ماما مش هينفع كدا فين امهات العيال دي
عمار قاعد علي راسه و فريدة بتشده من شعره
سيف :في ريحة وحشة ولله مين فيكم عامل stool
عمار : انا حامل ( عامل ) بيبي ووتر يا خالو
سيف :انت حامل في بيبي ووتر يعني يبقي انتي يا فريدة صح
فريدة بتشده من شعره:لا لا يا سيف انا مس عملت حاجة يا سيف
سيف : خلاص عرفت خلاص كفاية شعري باظ
عمار نزل من علي السرير و بيلعب فيه الحاجات علي التسريحة
سيف : هو يوم منيل انا عارف فين امهاتكم نفسي افهم
عمار بيحاول يطلع علي السرير و هو ماسك موبايل سيف و مش قادر يطلع لان السرير عالي
سيف : لا مش هطلعك خليك مكانك و هات الموبايل ده كدا
عمار : حايز اطلع
سيف : لا مش هطلعك اطلع لوحدك بقى اسد يلا في نفسك …امهاتكم فين يا شباب ها فين يا بنتي كفاية بقا لعب في شعري خديه يا حبيبتي مش عايزه خلاص
فريدة بتصفق بايديها: انا احبه يا سيف
سيف : هو مبيحبكيش اقسم بالله كفاية شد فيه بقا
سيف حمل عمار علي ايديه و فريدة علي رأسه و خرج في الصالة
ايسل بتضحك : ايه ده هما صحوك
سيف : امسكي بنتك دي وانتي كمان شوفي ابنك
بوسي : حرام عليك يا سيف ده كيوت و مبيعملش حاجة
سيف : كيوت اه امسكي كدا بنتك عاملة stool علي فكرة انا داخل أكمل نوم بقا محدش يزعجني
عاصم : صح يا فريدة انتي عاملة كيكي
فريدة : لا مس عاملة حاجة
ايسل : بتكدبي عليا
فريدة : لا مس عاملة يا مامي
ايسل : وريني طيب
فريدة : لالا عيب يا مامي عيب
ايسل : يبقي عاملة
فريدة : لا مس عاملة انا عاملة بيبي ووتر
ايسل : طب اقلعي اشوف
فريدة : سوفي ( شوفي )
ايسل قلعتها البنطلون
بوسي : عاملة فعلا
ايسل : لا مبتكدبش مش عاملة …. فريدة انا بحبك
فريدة بتضحك : انا كمان احبك اوي
_______________
ايسل : علي فكرة انا كنت عايزة اقولك علي حاجة يا ميمو
منار : ايه يا حبيبتي
ايسل : الدكتور مالك ده شكله كويس ما يلا بقا يا بنتي خلصينا كدا و شدي حيلك عايزين نفرح
روان : أيوة بجد هو كويس اوي مز الصراحة
منار : م تتلمي يا بت انتي …و بعدين ادوني فرصة اتكلم
ايسل : اسكتي يا روني خليها تتكلم
منار :بصو هو شكلو كويس و ناجح في شغله و أمور
ايسل : طب ايه يا بنتي يعني لسة ملمحش بحاجة كدا
منار : لا بصراحة عادي يعني بحس أوقات انه بيلمح و أوقات لا
روان : مهتم بيكي يعني
منار: اه يعني احنا اصلا هنتغدا انهاردة مع بعض
ايسل : شوفي البت يعني مظبطة نفسها من ورانا
منار : لالا ولله كنت هقولكم علي فكرة انا مش بخبي عنكم حاجة و بصراحة حسيت اني اتكسفت لما طلب مني كدا
روان : لا بجد يوغتي بقيتي تتكسفي ايه اللي حصلك
منار : علي فكرة انتي رخمة ولله
_______________
فريدة قاعدة في الريسبشن سيف و ماسكة البيبرونة بتشرب اللبن منها و بتتفرج علي كرتون توم و جيري
سيف : لا فيه ماتش لبرشلونة لازم اشوفه
فريدة : اسكت يا حيوان
سيف : انا حيوان يا بت انتي بتقوليلي حيوان ماشي انا هطلع اقول لمامتك ان انتي بتشتميني و همسح القناة دي و شوفي مين هيفرجك علي توم و جيري
فريدة : خلاص
سيف رفع حاجبه: خلاص ايه انتي و بعدين قولييلي بقا هنتجوز ازاي
فريدة بصتله من فوق لتحت : مس هنتجوز
سيف :ايه ده ليه
فريدة : اسكت بقا عسان انا اصلا اصلا زعلانة منك و اللي زعلان من حد مس بيكلمه
سيف : زعلانة مني ليه
فريدة وضعت ايديها علي خدودها : عسان انت. .. انا بحبك و بتكسف منك وانت مس بتحبني و بتقول ل سروق (شروق صاحبتي ) انتي حلوة
سيف : خلاص مش هقولها انتي حلوة تاني
فريدة دورت وجهها الناحية الاخري : فريدة بس اللي حلوة يا سيف
سيف بيضحك : فريدة اللي حلوة طبعا و بعدين بصيلي كدا انا مش قولتلك تتكسفي … فريدة لما اكلمك تبصيلي
فريدة : اللي زعلان من حد ميكلمهوس (ميكلمهوش )
سيف : كدا طيب انا هقوم امشي
فريدة : لا كدا فريدة مس هتحبك
سيف : خلاص هقعد معاكي بس تكلميني
فريدة : فريدة حلوة
سيف : أيوة حلوة طبعا
فريدة : برضو مس هتجوزك اصلا
سيف : انتي تطولي اصلا
_______________
في مطعم
مالك : و بس يا بنتي لقيت مامت الطفل بتقولي ده ابني عنده اسهال و مغص و مش بيبطل عياط …. طب ايه اللي حصل يا مدام ما هو اكيد اخد حاجة البيبي مفيهوش اي مرض ولا حاجة البيبي اخد حاجة جنب الرضاعة عملت فيه كدا بعد إصرار بقا قالتلي بصراحة يا دكتور رضعته ملوخية في البيبرونة
منار : و عملت ايه
مالك : قولتلها ملوخية ايه انتي بتهزري ده مكملش شهر قالت معلش بقا اهو اللي حصل اصل الواد كان شكله نفسه يدوقه متعرفيش بقا طفل عنده شهر بص ازاي للاكل
منار بتضحك : بصراحة الله يكون في عونك
مالك : لا ده انا بشوف بلاوي يا بنتي …. طب ايه مش جعانة
منار : هموت من الجوع انت عمال تتكلم وانا هموت من الجوع
مالك بيضحك : علي اساس مين اللي كان بيقول من شوية احكيلي عملت ايه انهاردة في العيادة
منار :هههههه بحب أسمعك بس جوعت بقا
مالك : اممممم تاكلي ايه بقا
منار : مش عارفة بس انا باكل كتير علي فكرة
مالك : اه بس مش باين عليكي
منار : عشان بروح جيم و بلعب رياضة
مالك : طيب احنا عايزين ناكل حاجة بقا عشان الرياضة دي
منار : بالظبط يلا نقي معايا بقا
مالك بيتفرج ع المنيو بيشوف الاكل المتاح
مالك : طيب تاكلي سي فود بقا و سمك و كدا
منار : بتهزر لا طبعا مقدرش اكل سمك في محل و ايدي تتوسخ و معرفش اعمل ايه و ريحته
مالك بيضحك :ايدك تتوسخ اه
منار : أيوة مقدرش بصراحة
مالك : طب ناكل ايه
منار : نقي انت
_______________
روان واقفة في الفرح و بتكلم عمرو خبطت و هي بتلتفت في شخص و العصير انسكب علي الارض
روان : سوري بجد مش قصدي اتدلق عليك حاجة
……. : لا ولا يهمك متدلقش
روان بدهشة : ايه ده شادي خاطر
شادي : انتي عارفاني
روان : اكيد طبعا حد ميعرفش فوتوغرافر شاطر زيك
شادي :انا اللي مبسوط ان في واحدة قمر زيك كدا عارفاني
روان : انا مكنتش عارفة انك زي ما الناس بتقول عليك كدا بتاع بنات
شادي : وانا مكنتش اعرف ان في واحدة حلوة اوي كدا في الفرح
روان : امممم و بعدين
شادي : و بعدين انا ولا وبعدين انتي
روان : هو انا عملت حاجة يعني
شادي : بقولك ايه ما تيجي نجيب عصير بدل اللي اتدلق ده
روان : لا وانت الصادق ده انت ريقك نشف من كتر الكلام
شادي : ماهو شكلك انتي اللي هتنشفي ريقي وانا اللي كنت فاكر ان فيه حد هيقف في صفي
روان ::يا شادي حرام عليك ده انت فضايحك مالية البلد
شادي بيضحك : إشاعات ولله
روان : يا سلام كل دي إشاعات
شادي : بكرة الايام تثبتلك كمان
روان : تثبتلي ليه
شادي خرج محفظته و اخرج منها كارت
شادي : طبعا ده الكارت بتاعي فيه رقمي …. بس انا هكتبلك رقمي البرايفت ( الخاص ) اللي مش بيديه لأي حد
روان : اممممم و مين قالك بقا ان انا هكلمك
شادي : هتكلميني و خصوصا ان ممكن يبقى فيه بينا شغل
روان : نعم شغل ايه ده اللي معاك
شادي : موديل
روان : غريبة يعني انا اصلا عمري ما فكرت ابقي موديل
شادي : غلطانة طبعا انتي جسمك مناسب جدا انك تكوني موديل و شكلك كمان ده غير الكاميرا هتحبك جدا
روان : بصراحة مفكرتش في كدا خالص مش شايفة نفسي موديل اصلا و بعدين انت فوتوغرافر ( مصور ) كبير و شاطر يعني اكيد عندك احلى موديل و عارفين شغلهم كويس
شادي : أيوة ما هو عشان انا فوتوغرافر اكتشفتك ها قولتي ايه
روان : في ايه
شادي : هتيجي نعمل فوتوسيشن ( جلسة تصوير ) قريب
روان : هفكر
شادي : و مين عالم ممكن الموديل توصلك تكوني موديل في فيديو كليب و بعدها التمثيل و تبقي نجمة و محدش يعرف بكلمك
روحت سكتت لحظات و شردت: تمام هفكر ….
لمحت عمرو واقف قدامها بعيد
روان :طب انا لازم امشي عشان خطيبي ايجا
شادي : ايه ده انتي مخطوبة
روان : اه حتي الخاتم اهو عن اذنك
روان :عمرو انت اتأخرت كدا ليه
عمرو : كان عندي شغل مستعجل ع الكمبيوتر خلصته بسرعة و قولت اجيلك
روان : اوكيه
عمرو : بس انتي كنتي مشغولة
روان : مشغولة. .. في ايه
عمرو : اللي شوفته
روان : اااه بتكلم عن شادي خاطر انت عارفه ده فوتوغرافر اكيد تسمع عنه و بعدين مفيش حاجة يعني ده كان مجرد كلام بينا و عادي مفيش حاجة
عمرو :شادي االلي فضايحه مالية البلد مع البنات اللي مقضيها مع كل واحدة و بعدين هو ينفع واحدة مستنية خطيبها تقف مع واحد غريب متعرفوش
روان : عمرو انا عارفة انك متضايق و من حقك بس انا مش عملت حاجة غلط يعني … بس انا هقولك خبر هيفرحك اوي
عمرو : ايه
روان : شادي قالي انه هيعملي فوتوسيشن فري و ان ممكن اكون موديل عنده و ممكن بعدها ادخل الميديا و ابقي ممثلة
عمرو : بجد حاجة جميلة ولله طب وانتي من امتي كنتي عايزة تبقي موديل و ممثلة ولا هو اكشتف الموهبة اللي احنا مشوفنهاش ولا انتي نفسك كنتي عارفاها
روان : امممم بس كتر خيره ولله يعني لما اتكلمت معاه متريقش عليا ده اولا … ثانيا ممكن يكون شايف حاجة انت مش شايفها
عمرو : انتي عايزة تبقي ممثلة فعلا
روان : عايزة ابقي مشهورة و موديل لو ينفع ابقي ممثلة ليه لا يعني
عمرو : عايزة تبقي مشهورة … الشهرة مبتجيش كدا الشهرة بتيجي لما تكوني عارفة حاجة كويس اوي و بتعرفي تعمليها و بتحبيها او ع الأقل تكون موهبة عندك من زمان
روان : وانت شايف بقا ان انا مش عندي الموهبة دي
عمرو : من امتي معلش
روان : كنت فاكرة لما تعرف حاجة زي كدا هتفرح عشاني
عمرو : انا مش هتضايق طبعا يا روان بس عايزة الشهرة وافقي طبعا بس خليكي فاكرة ان اللي بيدخل المجال ده بيتنازل عن حاجات كتير اوي الا طبعا لو واحدة واثقة 100% أنها هتقدر تحافظ ع نفسها
روان: عمرو انا مبحبش كدا هو يا اما بتديني دروس و نصائح يا اما تحسسني ان انا واحدة مش كويسة
عمرو : انا عايزك تكوني بني ادمة محترمة وااللي انتي بتعمليه ده هيقللك قدام الناس
روان : انا مش محترمة يا عمرو
عمرو : انا مقولتش كدا بس تصرفاتك هتخلي الناس تاخد عنك فكرة مش كويسة انا عايزك احسن من كدا
روان : علي فكرة انا مش محتاجة نصائحك ولا محاضراتك دي انا كويسة لوحدي و ياريت متتدخلش في اي حاجة تخصني
عمرو : انا يا روان
روان : اه يا عمرو و عن اذنك هسلم علي صاحبتي و هروح
_______________
تاني يوم
في شقة عاصم … روان قاعدة مع ايسل في غرفة النوم و بتتكلم معاها و ايسل بترتب هدومها في الدولاب
ايسل : ممكن افهم انتي مخنوقة ليه
روان بعصبية: بقولك قالي عايزك تكوني محترمة هو انا مش محترمة يا ايسل
ايسل : لا طبعا اكيد هو ميقصدش كدا هو اكيد أتضايق ف غصب عنه قال كدا
روان : يتضايق ليه عشان هعمل الحاجة اللي نفسي فيها
ايسل : ما بلاش نصب بقا يا روان من امتي وانتي نفسك تشتغلي موديل و تمثلي
روان : هو ده اللي فارق معاكي من امتي مش فارق معاكو ان انا عايزة ابقي مشهورة و جاتلي فرصة ايه المشكلة اصلا
ايسل : طيب اهدي كدا متتعصبيش انا هكلمه بكرة و هنتقابل احنا التلاتة و نحل الموضوع
روان : لا طبعا اوعي تعملي كدا هيقول ان انا اللي عايزة اصالحه
ايسل : علي فكرة انتي مزوداها اوي بجد مع الولد ده و كتر خيره انه مستحملك
روان : انا يا ايسل و بعدين ثانية كدا هو مين اللي صاحبك انا ولا هو المفروض تدافعي عني انا
ايسل : لا يا روان هو مش غلطان اصلا
منار دخلت عندهم في الوقت ده
منار : دكتور مالك خرج و فريدة نيمتها
روان : ده غير أنه شخصيته ضعيفة كدا و مش بتاع بنات فاهماني انا مش عايزاه كدا عايزاه مدردح شوية
منار : انتي لسة في الحوار ده
ايسل : بصي الراجل من الاول عاجبك ع كدا صح
روان: اه اكيد
منار : علي فكرة يا رورو هو مش ضعيف هو بيحبك و بيعملك كل حاجة تفرحك و مش بيحب يزعلك عشان بيحبك لكن هو مش ضعيف اصلا
ايسل : ولله احنا كبنات مش عاجبها العجب يعني لو كان بيكلم بنات ومدردح كنتى هتبقى مبسوطة
منار :عايزاه يتدردح عشان يتشقط منك علي فكرة احلى حاجة الراجل الهادي المحترم البسيط فى تعاملاته مع الناس حافظى علية دة نعمة ولله
ايسل : كفاية انه محترم واخلاق ومش بتاع لف ولا دوران بصي مع الوقت هيتدردح وبعد الجواز هيتغير فاكرة يا منار الواد رامز اللي كان معانا ف ابتدائي حساه زيه
منار : اه الواد المحترم ده
ايسل : بس سمعت انه اتغير لما كبر
روان : بس انا زهقت انا عايزاه صايع كدا الولد الصايع رزق علي فكرة
ايسل :بصى دلعيه بس بحدود اتعاملى معاه بالطريقة اللي تحبيه يعاملك بيها وباسلوب شيك كدة فهميه انة يتعلم منك وواحدة واحدة هيبقى تمام اصل المدردح دة بيبقى له تجارب فانتى اول حد في حياته
منار: يا بنتي احمدى ربنا ده غير انك فعلا اول واحدة في حياته عايزة ايه يا مفترية تاني
مش احسن ما تاخدى واحد صايع هتبقى دايما خايفة وبتدورى وراه مع الوقت هيدردح صدقينى ده طبيعى انا عارفة انها حاجة بتضايق جدا خاصة لو كانت فى الرجل يعنى انا عندى البنت لما ما تكونش فاهمة احسن هى بتبقى قلة خبرة بس بعد الجواز هيتغير علي فكرة
ايسل :بصراحة انا مستغربة اوي يعني البنت لو أخدت واحد مدردح تقول دة تاعبنى ومش عارفة افهمه وبيلف ويدور فى الكلام وبتاع حوارات ولو غلبان تقول دة قفل خلاص دورى على واحد يغلبك ويطلع عينك
روان : ايه ده هو كابتن عاصم رجع تاني زي الأول
ايسل : لا طبعا ميقدرش اصلا و بعدين عاصم صريح جدا كان أي حاجة بيعملها بيقولي
_______________
عاصم رجع من شغله و دخل المطبخ كانت ايسل بتغسل الأطباق و بتحضر الغدا و لابسة فستان بمبي قصير
عاصم حضنها من ضهرها و بيتناول منها الأطباق : ايه القمر ده
ايسل : ايه ده بتعمل ايه
عاصم :قررت اشتغل شوية مكان ام فريدة سيبي دول انا هغسلهم
ايسل : علي فكرة انت لو قعدت تدلعني كدا طول الوقت انا هطمع و هتغر
عاصم بيقبلها من خدها: انا عايزك اصلا تطمعي اطمعي براحتك يلا بقا نسيب كل ده كدا انا هكمله
عاصم غسلها ايديها و حضنها
ايسل: كان واحشني اوي الحضن ده جدا
عاصم : طب عايز حضن جامد اوي
_______________
مالك :تعالي يا بنتي متخافيش عموما باب الشقة مفتوحة يعني
منار بتوتر : ها لا بس انا مش فاهمة يعني انا وافقت اجي اشوفها معاك ليه
مالك : امممم طب تتفرجي عليها الأول معايا عشان امضي العقد
منار : اوكيه
_______________
منار :بجد الشقة حلوة اوووي اوووي يا مالك تجنن بجد بس شكلها غالية
مالك : اسعار الشقق بقت غالية اصلا المهم عجبتك
منار : اه جدا
مالك : انا عيد ميلادي انهاردة
منار بنرفزة : ايه الرخامة دي
مالك : انتي اتضايقتي عشان عيد ميلادي انهاردة
منار : لا طبعا بالعكس متضايقتش لا بس يعني كنت قولي عشان اجيبلك هدية
مالك قاطعها : لا مش مهم انا مش بحب الهدايا اصلا
منار : لا طبعا ميصحش
مالك : انا اصلا جبت هدية لنفسي
منار : ازاي
مالك : ممكن اعمل حاجة
منار سكتت
مالك مسك ايديها و قبلها: انتي …
منار : ايه
مالك : مالك
منار شدت ايديها منه : انا مش فاهمة و بعدين انا عايزة افهم احنا بنتقابل ليه
مالك : منار اهدي كدا مالك انا مش قصدي ولله و بعدين انتي عارفة
منار : لا مش عارفة
مالك : انتي عارفة ان انتي دخلتي دماغي و معجب بيكي من اول مرة شوفتك فيها خصوصا لما اتقابلنا بعدها تاني
منار : لا مش عارفة بصراحة و بعدين اخرته ايه يعني الاعجاب
مالك : انا كلمت ايسل و فهمتها اني معجب بيكي و قالتلي ان انتي بتعامليني علي اننا صحاب عادي و انك مش بتاعة ارتباط ولا الكلام ده … منار تتجوزيني
منار : نعم قولت ايه
مالك : will you marry me
منار : انت بتهزر صح
مالك : بهزر ايه بس
منار : لا بس اكيد بتهزر فعلا لو مش بتهزر يبقي انا بحلم
خرجت منار من الشقة و نزلت
مالك : استني بس يا بنتي هوصلك طيب
_______________
روان : بقولك ايه قولي كدا الحوار بينكم وصل لحد فين اصل شكلك طبيتي يا ميمو قولي قولي لو حصل حاجة احنا هنستر عليكي متقلقيش
ايسل : يخربيت قلة ادبك بطلي بقا
منار : حياتي بموت فيكي انتي
ايسل : ها قولييلي بقا
منار : ايه
ايسل : اللي اتكسر ممكن يتصلح يا روحي
منار : حتي انتي رخمين على فكرة
ايسل موبايلها بيرن : استنوا عاصم بيرن …. ايه يا حبيبي
عاصم : ممكن اقولك وحشتيني
ايسل:وانت كمان وحشتني اوي
منار :يا سلام ع الرومانسية هعيط يا جماعة ولله
روان : طب احكي بقا ايه اللي حصل آخر حاجة
منار : حاضر هحكي اهو
ايسل :انجزي والنبي بقا
منار : طب ادوني فرصة اتكلم طيب
روان : خلاص خلاص اهو سكتنا
منار : في يوم كنت في الشغل لقيته بيتصل بيا و بيقولي انزلي انا تحت
روان : خلاص مش عايزين نعرف اكلته ايه و شربته ايه
منار : أيوة مانا مش عايزة انسي التفاصيل دي اصلها مهمة يعني علي فكرة هي قصة مشوقة ولله
ايسل خبطتها في كتفها : اخلصي
منار : المهم روحنا شقة كان عايز يشتري شقة و عايز رأيي فيها طبعا بعد اقناعات كتير و ان الباب مفتوح و فيه جيران قدامنا و كدا
روان صفقت بايديها: واااو الموضوع في شقة حلو اوي كملي بصي احنا الإتنين ستر و غطا عليكي ولله
ايسل : رورو بطلي قلة أدب
روان : مقدرش يا بيبي هموت ولله
منار : عايزة اكمل بقا
ايسل : كملي
روان : روحتو الشقة مع بعض صح
منار : اه
روان : و لوحدكم
منار : اه
روان : اكيد الشيطان كان شاطر
منار : لا الباب كان مفتوح علي فكرة و بعدين انتي مبتبطليش علي فكرة هضربك
ايسل بتضحك : كملي
منار : لقيته بيقولي انهاردة عيد ميلادي … و ان انا جبت هدية لنفسي و قالي هي انتي قولتله انا مش كدا و لسة بكمل قالي عارف و عشان كدا و عايز اتجوزك
روان: بجد اوبا بقا ووانتي عملتي ايه
منار : نزلت بسرعة وانا متوترة و معرفتش أقوله ايه و مبردش عليه
ايسل : يخربيت الغباء ردي عليه يا هبلة و قوليله موافقة
منار : مش عارفة بجد متوترة
ايسل : يا بنتي كلميه طبعا
_______________
في يوم كانت منار عند ايسل في الشقة
ايسل : يا موني وافقي بقا يا بنتي مامتك قالتلي اقنعك
منار : يا بنتي مانا هوافق بس طبعا محتاجة نعرف بعض اكتر
ايسل : طيب عموما انا استاذنت من مامتك تباتي عندي انهاردة عشان هي هتبات عند عمتك
منار : يا بنتي مكنش له داعي يعني
ايسل : انتي هبلة و بعدين متقلقيش الأوضة دي فاضية يعني فريدة مش هتزعجك
منار : ميرسي يا ايسل بجد انا هدخل انام بقا
ايسل : ماشي يا روحي وانا كمان هنيم فريدة و انام لو احتاجتي حاجة قوليلي
منار : لا مفيش حاجة انا هنام
بعد ساعة كانت ايسل نامت و فريدة نامت في اوضتها كان عاصم في الوقت ده داخل الشقة و دخل المطبخ اتفاجأ ب منار بتشرب ماء
عاصم باحراج: منار
منار : سوري كنت بشرب اصل انا بايتة هنا الليلة دي
عاصم : هي ايسل فين
منار : نامت من بدري تحب اعملك حاجة تاكلها
عاصم : لا ميرسي انا هعمل شاي بس
منار : لا طبعا هعملك
سخنت منار الشاي في الغلاية و جهزتله كوب الشاي و هي بتناوله الكوب انسكب علي قميصه
عاصم : ااه
منار : سوري يا عاصم بجد مش قصدي ولله انا اسفة بجد
عاصم : ولا يهمك خلاص
منار : طب الأوضة اللي انا قاعدة فيها فيها فريزر هجيبلك تلج منها
عاصم : لا مفيش داعي يا بنتي انا هغير كدا كدا
منار شدته من ايديه : مستحيل طبعا الشاي سخن جدا و لازم تلج
دخل عاصم الغرفة و منار بتفتح ازرار القميص و بتحسس بالثلج علي جسمه
منار : كدا كويس
عاصم : اه انا هروح انام
منار شدته من ايديه : عاصم استني