الفصل 22 ( كبرياء الصمت )
روان بتكلم ايسل في الموبايل
ايسل :انتي غلطانة برضو يا روان
روان بتبكي : هو مش اداني اي فرصة يا ايسل
ايسل :عشان جاب آخره و بعدين انتي بتعيطي ليه دلوقتي هو انتي اصلا بتحبيه اوعي تكوني فاكرة نفسك حبيتيه بجد
روان : حبيته و متاكدتش غير لما سابني
ايسل : بقولك ايه اقفلي عشان معايا رقم بيتصل
_______________
في غرفة سيف
ايسل : سيف تعالي بسرعة
سيف : في ايه
ايسل : مش وقته هات مفاتيح عربيتك و يلا
ركبت ايسل جنبه في سيارته و تركت فريدة مع حماتها
سيف :عايز افهم اروح فين
ايسل : علي بيت منار بسرعة
سيف : ليه
ايسل : لقيتها بتتصل بيا سمعت صوتها و هي بتصرخ و مامتها بتتخانق معاها و تقريبا بتضربها فضلت اقول الو محدش بيرد و تقريبا صراخها قطع ممكن مامتها عملتلها حاجة
سيف بصعبية : واحنا مالنا ما تبطلي بقا ام السزاجة اللي فيكي دي ولا تكوني فاكرة أنها لسة صاحبتك فوقي بقا
ايسل : يا سيف مبقتش صاحبتي بس خايفة مامتها تعمل فيها حاجة حتى نطمن
_______________
بعد نص ساعة كان ايسل و سيف وصلوا امام شقة منار
ايسل بتخبط علي الباب و مفيش اي رد
سيف : طب نمشي شكلهم مش هنا
ايسل: تمشي ايه يا غبي
الباب اتفتح في اللحظة دي
ايسل : طنط سميرة في ايه
سميرة : ايه
ايسل : منار فين
سميرة : جوة
ايسل بقلق: طنط هي كويسة انا مش سامعة صوتها
سميرة : كويسة ولا مش كويسة مش هتفرق أهي عندك جوة ادخليلها
ايسل دخلت غرفة منار صرخت لما شافتها ع الارض فاقدة الوعي و الدم بينزل منها
ايسل : يا سيف اطلب الإسعاف بسرعة
_______________
في القسم
احمد : العربية فين ممكن اعرف و يا تري حصلها حاجة
بوسي : العربية من قدام حصلها كسر
احمد : الله يعني العربية و الولد الغلبان اللي موبايله اتدشدش و دماغه اللي اتفتحت لا و بكل مقاوحة و براءة انا معملتش حاجة مكنتش اعرف ان الطريق مخالف ده انا بحمد ربنا ان ال راجل وافق ياخد تعويض عن الموبايل و يقفل المحضر
بوسي بخوف : طب يعني كنت عايزني اعمل ايه غصب عني يا احمد مشوفتش اليافطة اللي مكتوب عليها ممنوع الدخول او المخالف
احمد بعصبية : مفيش زفت يافطة اسمها كدا و مكنش لازم اصلا ان انتي تسوقي عربيات انا قولت ولله قولت بلاش عربيات قعدتي تتخانقي وانت مش عايز تجيبلي يا احمد و ادي النتيجة حادثة من اول اسبوع سواقة
بوسي : طب كنتي عايزني اقف اتلطع عشان استني تاكسي و اطلب اوبر ملاقيش
احمد : قولت 500 مرة اتعلمتي كويس و قولتي اه
بوسي : انا غبية يا احمد خلاص انا اسفة
احمد : امممم وانا الاعتذار ده اعمل بيه ايه هيروح يصلح العربية لوحده مثلا ولا يرجعلي التعويض اللي دفعته للراجل في الموبايل و المستشفي يلا نروح … انتي لسة متنحة قولت يلا نروح ولا عايزة تباتي عندك في القسم
_______________
سيف طلب الإسعاف و بعد دقائق الإسعاف وصلت رفضت سميرة تروح معاهم
في المستشفي
ايسل : طمنا يا دكتور هي حالتها ايه دلوقتي
الدكتور : لازم نفتح محضر واضح أنها اتعرضت ل ضرب جامد و للاسف فقدت الجنين
ايسل : لا مالوش داعي يا دكتور من فضلك دي متخانقة مع مامتها
الدكتور : بس
سيف :ممكن لو فاقت حضرتك تسألها بنفسك و تتأكد
_______________
مر يومين و خرجت منار من المستشفى و بعد مرور أيام قبل كتب كتاب عاصم و منار بيوم عاصم كان قاعد مع عبير و مختار بيقولهم ع موضوع كتب كتابه
مختار بصدمة : هتتجوز ازاي يعني
عبير : و كمان بكرة ده انت مخطط و راسم و جاي تعرفنا طب و مراتك و بنتك
عاصم : موافقين يا ماما ايسل هي اللي قالتلي لازم اتجوزها
مختار : أيوة لازم ليه و بعدين انت عمرك ما كان في حاجة بينك و بينها فجأة كدا عايز تتجوزها
عاصم : غصب عني يا بابا
مختار : غلطت معاها يعني
عاصم : أيوة
مختار : كنت متوقع شوفتي اخرة دلعك وصلنا لايه هيتجوز ع مراته
عاصم : انا جيت اقولكم هو جواز مؤقت شهرين 3 كدا و خلاص هتيجوا ماشي مش هتيجوا براحتكم
_______________
حكت ايسل ل روان كل اللي حصل وكانت “روان” فى حاله ذهول وبصوت عالي : يالهوووى انتي غبية
ايسل : روان انا مش بحكيلك عشان تقولي كدا
روان بعصبيه: وانتى سكتى كده وعديتى اللى حصل ده مش ماشى مع واحده و لا هيقضى يومين دا هيتجوز هيتجوز لا و المصيبة انه انتي اللي ساعدتيه يتجوز
ايسل : يعنى اعمل ايه كلكم بيتسالونى انا ساكته ليه عاوزنى اعمل ايه ؟
روان بعصبيه: اعترضى اقلبي على دماغ امه الدنيا لا تعترضي ازاي و انتي اللي خليتيه يتجوز مكنتيش ساعدتيها كنتي خليتيها تعمل العملية و يحصل اللي يحصل
ايسل : عشان اشيل ذنبها عشان يحصلها حاجة و احس طول الوقت ان انا السبب عشان كان في أيدي اساعدها و مقدرتش كدا كدا كان لازم يتجوزها عشان يصلح اللي عمله
روان متعجبة من تماسك و ردود ايسل و استسلامها للواقع
روان : ايسل حبيبتي انتي انتى فاهمه الوضع ولا لسه مش مستوعبه وبتقولى اى كلام ..؟
اخدت نفس وغمضت عينيها وبتحاول تتماسك وهدوؤها اتحول ل انفعال
ايسل : انا فاهمه فاهمه … فاهمة ان جوزي خاني و هيتجوز عليا فاهمة و عارفة ان خاني مع صاحبة عمري في أوضة نومي و علي سريري فاهمة يعني ايه روحت طلبت منه يتجوزها و عارفة يعني ايه وجع ان واحده تشاركنى فى حبيبي
ايسل دموعها اتجمعت مرة واحدة في عينيها وضعت ايديها علي قلبها اللي بيدق جامد : بمعني اصح فاهمة اني اتكسرت
روان : كل ده جواكي و ساكتة
ايسل منهارة بالدموع سندت رأسها علي الحاءط و قعدت علي الارض في اللحظة دي الكلبة ( بيلا )حست بيها و جريت عندها و قعدت علي رجلها و هي بتحسس كأنها بتطبطب عليها : كنتي عايزاني اعمل ايه انا بموت يا روان بموت كمان كام يوم و جوزي هيتجوز
روان مسكت ايديها ومسحت دموعها وقعدت جنبها و حضنتها
روان : انتى كاتمه كل دا جواكى ليه
ايسل : غصب عنى كان لازم اوافق مفيش حل تانى انا لو معملتش كدا مكنتش هرتاح كانت ممكن تموت نفسها أو تعمل حاجة خوفت حطيت نفسي مكانها يا روان
روان : يعنى انتى حاسه ان دا حل مريحك؟
ايسل خبطت على صدرها ناحية قلبها ودموع نازله من عينيها : روان.. انا حاسه بوجع هنا هيموتنى
روان : ده اكيد من الزعل سلامة قلبك يا ايسل ربنا يوجع قلبهم و يكسرهم زي ما عمل فيكي كدا
ايسل :لالا متدعيش عليه
روان : ما تخلي بيلا تمشي مش عارفة احضنك و بصراحة بخاف منها
ايسل : حرام عليكي دي تخوف برضو
روان : هي ازاي بتحس بيكي كدا
ايسل : الكلاب وفية و حنينة اوي علي الإنسان انا لما بعيط بلاقيها نايمة علي رجلي و مش بتقوم غير لما انا بسكت و بقومها
روان : بس انتي غلطانة يا ايسل مكنتيش وافقتي ترجعيله بجد غلطانة
ايسل :بحبه يا روان ده غير خايفة ع فريدة و هو قالي انه هيتغير
_______________
في اليوم التالي لحظة كتب الكتاب
المأذون : بطايقكم
مختار اندهش لما شاف سميرة مسك بطاقة منار و تركها
مختار : ممكن اتكلم مع حماتك يا عاصم
سميرة : اتفضل يا مختار باشا
دخل مختار البلكونة معاها
مختار : ياااه يا سميرة هي الدنيا صغيرة اوي كدا طبعا تلاقيكي انتي اللي باعتة بنتك عشان تتجوز ابني طب حتي كنتي تخليها تنشل صح مش تتجوز اللي متجوز
سميرة : انا لا بعت بنتي ولا حاجة ابنك هو اللي ضحك عليها
مختار : ابني ميعملش كدا اكيد بنتك هي اللي ورا الحكاية دي عشان تاخدي فلوس
سميرة بعصبية : ما كفاية بقا انت ايه مش كفاية ظلمك زمان مش كفاية جوزي اللي مات بحسرته انا لا عايزة فلوس ولا حاجة الفلوس دي مجرد ورق لا بتشتري راحة بال و قلب ولا بترجع اللي راح
مختار : يعني بنتك لعبتها صح غيرت اسمها عشان تشتغل عندي
سميرة : هي منار بتشتغل عندك
مختار : انتي هتستعبطي هتعملي نفسك مش عارفة
منار دخلت عندهم في اللحظة دي
منار : أيوة يا مختار بيه ماما متعرفش حاجة
مختار : كنتي مغيرة اسمك عشان معرفكيش انا مستحيل اوافق ع اللعبة السخيفة دي الجوازة دي لا يمكن تكمل
منار : استني بس يا مختار باشا انا اشتغلت عندك عشان
اعرف أسرار شغلك و اوصل لمكتب سكرتيرتك عشان لو حصل و عاصم طلب يتجوزني مترفضش
مختار : ده انتي مخططة من زمان بقا حقيقي برافو بس ولله م هتطول جنيه واحد ع اللي عملته ده
سميرة : هقولهالك ل تاني مرة انا مش عايزة فلوس لو تقدر ترجعلي اللي راح يبقي احسن عن أذنك و انتي ربنا يسامحك ع اللي عملتيه فيا
منار : اتفضل يا انكل عشان نكتب الكتاب ولا تحب ادخل اقول للناس انت عملت ايه فينا
بعد ما منار هددت مختار اضطر يوافق ع الجواز و كتب الكتاب لان عاصم شرط أن مفيش فرح كتب كتاب علي طول و قعدت في شقته في المعادي كانت في نفس اللحظة ايسل بتشكي لبنتها و هي نايمة ان باباها اتجوز
_______________
ايسل قاعدة في غرفة فريدة و بتلمس شعرها و هي نايمة
ايسل دموعها بتنزل منها : بابا أتجوز يا فريدة … خاني و اتجوز … طب تفتكري هو بطل يحبني زي ما بيقولو ولا هو فعلا لسة بيحبني بس غلطة غصب عنه
بتمسح دموعها و بتبتسم : في الحالتين مش فارقة هو كدا كدا خاني … بس انا زعلانة منه وجعني اوي يا فريدة كل ما ادخل اوضتي اتخيله و هو معاها قلبي بيوجعني …. بس انتي متزعليش يا ديدا من بابا هو بيحبك اوي علي فكرة كان نفسه فيكي جدا يمكن اكتر مني
_______________
في مطعم
احمد و بوسي بياكلوا كريم كراميل
بوسي : اول مرة تعملها يا احمد من زمان و تجيبني مطعم لا و لوحدنا كمان من غير الولاد
احمد : يعني بصالحك
بوسي بعتاب: بتصالحني يعني مش كفاية زعقتلي قدام كل الناس اللي في القسم
احمد : ما انتي عارفة ان انا مش بيهون عليا زعلك مع انك بتعملي ساعات حاجات بنت …. بس يلا خلاص بقا
غمزلها: عشان بحبك بس
بوسي : هو انا يعني كان قصدي خبطته غصب عني
احمد : خلاص بقا بلاش السيرة الرخمة المهم عجبك المكان
بوسي : اه جدا
احمد :مبسوطة
بوسي : اوي
احمد : اومال العيال فين
بوسي : عند ماما متنساش نعدي ناخدهم
احمد : نعدي ايه انتي هبلة استني كدا يعني عايزة تفهميني ان الشقة فاضية دلوقتي
بوسي : أيوة
احمد : طب ايه يلا نروح
بوسي : استني لما اخلص الكريم كراميل
احمد : هطلبلك 10 علب منه بس يلا نرجع
بوسي : في ايه يا احمد مستعجل ليه
احمد : وحشاني يلا قومي
بوسي خبطته ع كتفه : اقعد يا احمد اخلص طبقي الاول و بطل قلة أدب
احمد : طيب كليه ع مرة واحدة معلقة واحدة ها
بوسي : اتلم بقا يخربيتك
_______________
مر شهر ع زواج عاصم من منار و كان عاصم بيعاملها بقسوة لأنه متجوزها غصب عنه
في الفترة دي علاقته ب ايسل اتدهورت و عاصم رجع يشرب
في يوم كان قاعد مع احمد و بيحكيله
عاصم :مش عارف يا احمد بس الحوار مقلقني
احمد : مقلقك ازاي ما يمكن عادي يابني
عاصم : عادي ازاي يا احمد انا فيا حاجة غريبة و غريبة جدا
احمد : طيب اهدي بس … بص يا عاصم انا هقولك حاجة انت مش عارفها بس يمكن تفيدك في الحوار ده
عاصم :ايه
احمد : قبل فرحك ب اسبوعين تقريبا يوم الحادثة يعني
_______________
بعد ما احمد حكاله كل اللي حصل قبل فرحه
عاصم : ازاي يا احمد محدش قالي حاجة زي كدا
احمد :لان الحوار كان خلص و ايسل هي اللي قالت بلاش عاصم يعرف عشان ميتعبش نفسيته
عاصم : معقولة وافقت تتجوزني رغم أنها كانت عارفة ان 60 % هيجيلي عجز
احمد : عشان تعرف هي بتحبك قد ايه
عاصم : انا حيوان يا احمد بجد مستاهلهاش
احمد : عشان اتجوزت يعني عليها
عاصم : لا عشان خونتها و خونتها بعد كدا تاني و كانت بتستحمل اكيد ربنا بيعاقبني في اللي عملته فيها
احمد : نعم خونتها تاني ازاي طب و ليه هو انت مش كنت اتغيرت ايه اللي رجعك تاني لكدة
عاصم : كنت قرفان من كل حاجة بسبب منار قومت ضيعت نفسي تاني
احمد : طيب بص انت لازم الأول تروح للدكتور ده اللي كان متابع حالتك ايام الحادثة و تعرف انت كويس ولا ايه
عاصم : فاكر اسمه
احمد : تقريبا باباك هو اللي عارفه اسأله عليه
_______________
في يوم عاصم حجز عند دكتور حمزة
في عيادة دكتور حمزة زكريا
عاصم : دكتور حمزة ازيك
حمزة : اهلا يا عاصم ازيك انت
عاصم : فاكرني
حمزة : مش اوي
عاصم : من حوالي سنتين و نص كده كنت عامل حادثة و حضرتك قولت ل بابا ان فيه شك بنسبة 60 % يحصلي ضعف
حمزة : اااه و بعدها باباك قالي انك سليم و مفيش حاجة و طلع شك خطأ
عاصم : طيب دلوقتي انا عندي مشكلة في العلاقة
حمزة : ازاي
عاصم : يعني اكيد حضرتك فاهمني يعني العلاقة مدتها اقل من الأول بكتييير
حمزة : طيب انت بتاكل كويس او غيرت حاجة في اكلك
عاصم : اه يعني كويس
حمزة : بتدخن او بتشرب كحول
عاصم : بصراحة كنت مبطل بس رجعت شربت تاني
حمزة : طيب بتاخد فياجرا أو أي منشطات
عاصم : لالا عمري ما جربته
حمزة :تقريبا المرض اللي كنت شاكك في زمان ممكن يجيلك
عاصم : مرض مرض ازاي يعني
حمزة : لازم تقلل اللي بتشربه ده و تنظم اكلك و هديلك نوع برشام كويس مستورد جربه بس لازم تعمل التحاليل دي ضروري و تجبهالي و ساعتها نتأكد ده ايه
عاصم : ماشي يا دكتور
_______________
ايسل ممدة رجلها علي السرير تتصفح مجلة ازياء اجنبية تتوقف عند صورة ل شاب يرتدي شورت فقط .. اقترب منها عاصم و قبلها من خدها
عاصم : عملتي ايه انهاردة احكيلي
ايسل : ولا حاجة الروتين اليومي يعني
عاصم : بتتفرجي علي ايه
ايسل : ده صور فاشون اجنبي ولاد و بنات
عاصم بيقرب منها اكتر و بيقبلها من شفايفها
عاصم : وحشتيني
اخد المجلة من ايديها و بيضعها علي الكومودينو بدأ يحضنها بعدته عنها بهدوء و قربت المجلة جنبها ضمها لحضنه مرة تانية لكن هي عينيها للرجل بالمجلة بجوارها مسك عاصم المجلة مزقها و وضعها في السلة
ايسل بعصبية : انت ازاي تعمل كدا
عاصم : وانتي فاكراني مش راجل يعني
ايسل بسخرية : لا لا سمح الله
عاصم : قصدك ايه هو بأيدي يعني
ايسل : وانا اعمل ايه يعني هروح اشوف فريدة صحيت او حاجة
_______________
تاني يوم
في مكتب سيف ايسل قاعدة معاه و بتلعب في ورق سيف
سيف : بس بقا ي بت انتي ما تشيلي بنتك ياختي
فريدة : عايزة اعمل ملكب ( مركب) يا مامي
سيف : يا نهار امك كاروهات ده ورق القضية
ايسل : ليه كاروهات ليه حرام
سيف امشي يا ايسل امشي يا ماما عندي شغل مش فاضي للعب بتاعك انتي و بنتك ده
فريدة بعصبية مسكت شعرها: هسسس صدعتلي سعري
سيف أيوة اصدعهولك ازاي شعرك ده جتك نيلة وانتي حلوة كدا
فريدة طلعت علي الكرسي و قعدت علي مكتبه و وضعت رجل علي رجل
فريدة : مس هتجوزك اسكت
سيف : هاتي بوسة طيب
فريدة : لا عيب
سيف : لا مين قال انه عيب
فريدة : سيلا
سيف : عايزة تتاكلي ولله
ايسل : يا واد اسكت بقا و ركز معايا
سيف : اهو معاكي بس انا مش ضامن بنتك تقطعلي ورقة كدا ولا كدا
ايسل : ديدا تعالي يا روحي جنبي عشان انكل سيف ميتضايقش
سيف : انكل ايه ي بنتي دي بتقولي سيف حاف
ايسل : إذا كان انا امها و أوقات بتقولي سيلا
دخلت سكرتيرة سيف في اللحظة دي
السكرتيرة : مستر سيف فيه واحدة عايزة ترفع قضية
سيف : تمام دخليها
دخلت البنت في الوقت ده
…. : عايزة ارفع قضية خلع ع جوزي
سيف : ما هي الأسباب الداعية الي طلب خلع زوجك ؟
ايسل مقدرتش تمسك نفسها من الضحك :
سيف : اطلعي برة يا ماما و خدي بنتك دي
ايسل : خلاص ولله هسكت
…. : ممكن ترجمة بليز ؟
سيف : افندم
….. : ترجملي اللي قولته ده
سيف : ايه أسباب الخلاف و المشاكل يعني عشان حضرتك ترفعي خلع
….. : اه عشان بيلعب بلايستيشن طول الوقت
سيف : افندم عشان بيلعب بلايستيشن
….: أيوة و انا السبب انا اللي جبتهوله عشان يقعد معايا و ياريتني ما جبته بيقعد عليه كتير
سيف : أحمدي ربنا مش بيقعد ع قهوة بصي يا مدام السبب اللي حضرتك قولتيه ده غير مقنع بصراحة و القاضي مش هيقتنع بيه و للاسف القضية خسرانة كدا شوفي يا مدام الطلاق أو الخلع لازم أسباب قوية جدا
…. : زي ايه
سيف :طيب بيتحكم فيكي مثلا او بيضربك
….. : اه ساعات لما نتخانق
سيف : تمام ده اول سبب. .. بخيل ؟
…… : لا عادي
سيف : طيب هو كويس معاكي صحته كويسة
…… : اه جدا
سيف : لا مش قصدي يعني كويس في ال
……. : قصدك لما بننام مع بعض
سيف اتصدم من جرأتها : احم اه يا فندم
…… : اه كويس يعني مش وحش
سيف : يعني اكتب كويس ؟
…… : مش عارفة بس عادي يعني اه اكتب كويس
سيف : طيب عموما هراجع قضيتك و اشوف موضوع البلايستيشن ده و ارد عليكي سيبي رقمك هنا بس يارب القاضي ميشتمنيش
…….. : تمام متشكرة جدا يا متر
سيف : اتفضلي
سيف :بس يا ديدا بس يا بابا عيب سيبي اللي في ايديك ده قال بيلعب بلايستيشن قال ده علي كدا انا مراتي هتخلعني بقا ستات آخر زمن
ايسل بتضحك : بقولك هو حوار انه كويس معاها ده ممكن يخلعها
سيف : طبعا ده من أقوى الأسباب
ايسل : اصل واحدة صاحبتي جوزها كدا
_______________
تاني يوم
شادي : بجد السيشن ده تحفة عايزين نكرره تاني
روان : بجد عجبك
شادي : جدا يا بنتي
دخل شخص في اللوكيشن عند شادي
شادي : مصطفي باشا ازيك
مصطفي : احلي فوتوغرافر في مصر بقا عايزك في شغل يا معلم هنصور فيديو كليب جديد
شادي : وشك حلو عليا يا رورو
مصطفي : مين دي
شادي :روان موديل جديدة
مصطفي بيتفحصها بعينيه و بيسلم عليها : اممم اهلا بيكي مصطفي سراج مخرج كليبات
روان :اه طبعا عارفة حضرتك أهلا بيك يا مستر مصطفي
مصطفي : طب عيب عليك يا شادي يعني دي تبقي موديل جديدة ده حتي بتشتمها كدا
شادي بيضحك : يعني في شغل ليها في الميديا
مصطفي : اكيد طبعا ده الميديا كلها تتفتحلها
روان : بجد
مصطفي : طبعا
روان : اكيد طبعا ده شيء يفرحني جدا
شادي : طيب يا روان انتي مستقلية بنفسك ليه يا بنتي
روان : طيب انا هسيبكم دلوقتي تكلموا في الشغل و هروح عشان ماما بتتصل كتير
شادي : اوكيه يا قمر اتفضلي هكلمك تاني
خرجت روان و مصطفي بيغمز ل شادي
مصطفي : يعني مخبي الجاتوه اللي بالكريمة ده عليا
شادي : عجبتك
مصطفي : جدا نظامها ايه
شادي : لا لحد دلوقتي محترمة بس ممكن تيجي
مصطفي : لا محترمة ايه بس انا عايزها غير كدا
شادي : طيب هشوفلك السكة دي
_______________
عاصم رجع من الشغل اتصدم لما شاف ايسل قاعدة مع سيف بشعرها
عاصم شدها من ايديها بقوة و دخل غرفته و قفل الباب خلفه
ايسل :يا عاصم سيب ايدي انت مجنون
شدها من شعرها : قاعدة معاه بشعرك يا ايسل
ايسل : نسيت يا عاصم كنت في المطبخ و نسيت انه هيجي بدري
عاصم بعصبية : وحياة امك نسيتي انه جاي مش عارفة ان فيه زفت راجل غيري في البيت ولا فاكرة نفسك في شقتك و ايه الطقم اللي انتي لابساه ده
ايسل : ده دريس طويل علي فكرة و تلت كم يعني مش قاعدة بحاجة مكشوفة
عاصم : اه واضح من رجلك اللي باينة من تحت و الجزمة الكعب ده عادي صح
خلعها عاصم الجزمة من رجلها
ايسل : انت بتعمل ايه يا عاصم
عاصم : تحبي اضربك بالجزمة دي عشان تتعلمي الأدب
ايسل : بتضربني يا عاصم
عاصم بيشدها من شعرها و ايديها : عارفة يا ايسل لو قعدتي قدامه بالمنظر ده تاني هعمل فيكي ايه ها
ايسل بتتألم :بتوجع ايديك بتوجع
عاصم بسخرية: بتوجع صح بعد كدا مفيش شد شعر يا حبيبتي و قسما بالله لو الموضوع ده اتكرر تاني لتضربي بجد
ايسل بعدته عنها و فتحت الباب و جريت علي أوضة سيف
ايسل استخبت ورا ضهر سيف : سيف … سيف الحقني عاصم هيضربني
عاصم دخل عندهم و شدها من شعرها : ملكش دعوة بيها انت يعني كلامي مبيتسمعش صح
ايسل : حرام عليك شعري بيوجعني يا سيف خليه يسيبني
عاصم بتحذير: قولتلك ملكش دعوة بيا دي مراتي محدش ليه دعوة
سيف : يا عاصم اهدي بس حرام عليك هي عملت ايه يعني
عاصم :انت مالك
_______________
شادي بيكلم روان في الموبايل
روان : ايه يا شادي ازيك
شادي : تمام يا قمر وانتي
روان : تمام
شادي : عندي ليكي حتة خبر جامد
روان : ايه
شادي : طبعا فاكرة مصطفي المخرج ده اللي بتشغل معاه
روان : اه فاكراه
شادي : هيخليكي تشتغلي معاه في الكليب الجديد مع مطرب مشهور و مشهدين في فيلم جديد مع احمد السقا
روان : لا بتهزر
شادي : انتي عارفة اني بهزر برضو
روان : بجد انا مش مصدقة ولله بس استني هو ازاي هيخليني امثل و هو اصلا مش عملي كاستينج تمثيل ولا شافني بمثل ده مجرد شافني عندك بس
شادي : ها لا يا بنتي ده كفاية انه شافك
روان : نعم
شادي : أقصد أن هو قالي من طريقة كلامك عندك كاريزما و شخصيتك حلوة و طبعا لازم يعملك كاستينج
روان : بجد ميرسي يا شادي جدا
شادي : هكلمك تاني عشان احدد معاكي ميعاد الكاستينج و هقفل ناو عندي شغل سلام
_______________
_______________
في شقة عاصم
ايسل : عاصم طلقني انا مبقتش مستحملة العيشة المقرفة دي
عاصم بعصبية : مش هطلقك و أعلى ما فى خليك اركبيه .. مش كل حاجة طلقنى طلقنى
ايسل : بس متنساش ان لو القاضي عرف بمرضك يا حبيبي هيطلقني بكل سهولة
عاصم : انتي بتعايريني بحاجة ماليش ذنب فيها
ايسل : مش بعايرك بس انا خلاص مش قادرة استحمل كدا طلقني قولتلك بدل ما أرفع قضية خلع
عاصم: ماشي يا ايسل انا هوريكي هعمل ايه
_______________
بعد ما شادي اغلق المكالمة مع روان كان مصطفي قاعد معاه
شادي : حلال عليك حتة الجاتوه يا معلم مع اني كان نفسي فيها اوي بس متغلاش عليك
مصطفي : ايه يلا ما كلو بثمنه برضو
شادي : ماشي يا معلم
_______________
عاصم حمل فريدة علي ايديه و فريدة بتعيط و ايسل بتجري خلفه
ايسل : عاصم هات بنتي
عاصم : اللي انتي بتعمليه ده مش صح بلاش البنت تشوفنا في الحالة دي
ايسل بعصبية : انت جبت القسوة دي كلها منين هات بنتي
عاصم : اهدي يا ايسل اهدي
ايسل بنفس النبرة : متقوليش اهدي انت بتحرمني من بنتي و تقولي اهدي
فريدة بتبكي: ماامي
عاصم : خلاص يا ايسل
ايسل : حرام عليك بقا سيب البنت
عاصم : لما تعقلي و تحترمي نفسك هرجعهالك
خرج عاصم و اغلق الباب بالمفتاح من الخارج ايسل حاولت تفتح الباب معرفتش سندت ظهرها علي الباب و هي بتصرخ : حرام عليك اخدت بنتي ليه حرام عليك