كبرياء الصمت

الفصل الثالت ( كبرياء الصمت )
ايسل: علي فكرة انت إنسان مغرور جدا ايه ده بجد
روان :و النبي اعتذري يا ايسل انا عارفة دكتور عاصم ده كدا انتي شيلتي المادة
عاصم بعصبية: سمعتي انا قولت ايه
مارينا : يا دكتور خلاص هي متقصدش اعتذري يا بنتي بقا
عاصم : اتفضلي يا انسة
خرجت ايسل و هي متضايقة من اللي حصل مش عارفة تحدد هي صح ولا غلط لكن كان عندها احساس انه احرجها وسط زمايلها ده كفاية أنها ترد عليه كدا

بعد ما المحاضرة خلصت
خرجو كلهم ل ايسل و كانت دموعها نزلت منها لأنها اول مرة يحصل معاها كدا
بيتر : ينفع اللي عملتيه ده يعني
ايسل : اه ينفع مش هو شايف نفسه
مارينا : حبيبتي هو ميقصدش بس انتي كان لازم تعتذري
منار : تعرفي ان كدا ممكن تكوني شيلتي المادة
روان :لا مش ممكن ده اكيد يعني حتي لو صورنالها كل المحاضرات هو لو عايز يشيلها المادة يعملها
منار خبطت روان في كتفها تسكت
روان : لا يا منار هي غلطت و كان لازم تعرف الكارثة اللي هتيجي من ورا كدا
ايسل:وانتي يعني عاجبك التهزيق اللي قالو
مارينا :حبيبتي ده دكتور يعني تتهزقي يتغلط فيكي مش من حقك تعملي حاجة لان مستقبلنا في ايديهم ف احنا نمشي جنب الحيط
منار : الحل انك تعتذري يا سيلا حبيبتي ده ممكن يخليكي تشيلي مادته و يستقصدك كل سنة و يقدر يعمل اي حاجة
ايسل : مستحيل مستحيل اعتذر لواحد زي ده ده إنسان مغرور معرفش البنات بتحبه علي ايه
مارينا: لا هو يتحب بصراحة ده حاجة كدا هيييح تشيز كيك
بيتر بنرفزة: ما تتلمي بقا انتي كمان
أيسل: انا مش عايزة ولا جدو ولا ماما يعرفو اللي حصل ده لحد ما الاقي حل
____________________________________
بعد ما خلصو المحاضرات اتجمعوا في كافيه قريب من الجامعة و قعدو فيه و سيف راحلهم هناك

سيف : طلبتو اكل ولا لسة
روان : لا لسة بنختار
سيف : ايسل … مالك
ايسل : مفيش عادي يعني
سيف:مالك بقا شكلك متغير ومبتهزريش يعني مش عادتك انتو مزعلينها ولا ايه
روان :لا ولله
سيف : اكيد زعلانة عشان مطلبتش اكل لسة يا بنتي مين هيخرجك و يطلبلك اكل غير سيف يعني
ايسل : علي اساس من غيرك مبخرجش يعني و مباكلش
سيف :متحاوليش تطفشيني يا سيلا انا مصيرك المنحوس اقصد المحسوم مين هيرضي بيكي غيري ها
ايسل : فشر هو انا اصوم اصوم و افطر عليك
سيف : مش هسيبك لغيري انسي
منار:نجيب اتنين لمون يا رونا
ايسل : و معاهم شجرة يا بيبي بالمرة
ايسل ضحكت نص ضحكة و رجعت لطبيعتها تاني
سيف : أيوة بقا اضحكي لالا فين الغمازة عايز اشوفها
ايسل ضحكت : اهي يا جو اهي
سيف : أيوة بقا يا سيلا مين هيرضي بيكي يا بنتي غيري و مين هيتحمل طولة لسانك لو شيلتي مادة
ايسل لاحظت من كلامه انه عرف اللي حصللها
ايسل بنرفزة : هو انا مش قولتلكو متقولوش لحد
سيف بضيق: يعني كمان كنتي هتخبي عليا

الويتر: تشربو ايه يا فندم
سيف : هات 4 بيتزا بالفراخ و 2 عصير برتقال فريش و
روان : مانجا و منار طبعا جوافة
سيف : هتطلبو حاجة تاني
روان : لا
الويتر : حاضر يا فندم هجهز الاوردر لحضرتك

روان : انتي قولتي متقوليش لجدو و ماما مجبتيش سيرة اننا مقولش ل سيف خالص
ايسل : لا ولله
منار : طبعا انتي مجبتيش سيرة اننا منقولش ل سيف حاجة و بعدين احنا مش بنخبي على بعض حاجة يعني
ايسل: انا كنت هتصرف و احل الموضوع لوحدي
سيف : ازاي يعني ايه هتحصل معجزة و يدخلك
ايسل : معرفش بقا
سيف : فاضل اقل شهرين ع الامتحانات بتاعتك ف ياريت يعني تحلي المشكلة دي و يدوب تحضري محاضراته
ايسل :سيف انسي اني اعتذرله
سيف : ما تتكلمو انتو عشان انا لو اتكلمت هتزعل
منار : احنا اتكلمنا كتير و هي عندية زي ما انت عارف
سيف : طيب يا ايسل هي كلمة من بكرة هتيجي معايا عند الدكتور ده و تعتذري و تدخلي محاضراتك
ايسل : مستحيل
سيف : انا مش بقول كلامي مرتين و هتعملي كدا
ايسل : غصب عني يا سيف
سيف : مش غصب عنك بس انتي غلطتي مش كل الناس بتتحمل لماضتك دي ثانيا ده دكنور يعني مترديش عليه اصلا يعني الحل اني هعدي عليكي بكرة و ندخل مكتبه تعتذريله فاهمة ؟
ايسل : ده عشم ابليس في الجنة
سيف : بتهيالي جدك و مامتك لو عرفو ليهم رأي تاني
ايسل بخوف: انت عايز تمسكني من أيدي اللي بتوجعني
سيف : انا خايف عليكي افهمي بقا يا بنتي
ايسل : انا ماشية سلام
روان : استني يا بنتي هنروح مع بعض
ايسل : لا و محدش يجي ورايا لو سمحتو
____________________________________
خرجت بوسي من المطبخ و هي ماسكة الحلة و بتزعق
بوسي بنرفزة:أحمد …. احمد
احمد كان بيلعب بلايستيشن
احمد : ايه في ايه خضتيني
بوسي : الحقني المطبخ فيه عفريت
احمد بيضحك: عفريت …. طيب استني اخلص الماتش ده و نشوف حوار العفريت
بوسي قفلت اللعبة و وضعت الحلة علي جنب
احمد بعصبية : ايه اللي انتي عملتيه ده
بوسي : حرام عليك انا خايفة و انت قاعد تلعب ع الزفت ده

قرب احمد منها و سند ايديه علي باب الغرفة من وراها و قفلها
بوسي : ايه ده انت هتعمل ايه
احمد : انا بقول كفاية نكد …
و بصوت هاديء : وحشتيني
بوسي : وانت كمان
قرب منها و أعطاها قبلة علي خدها
جرس الباب رن
بوسي : استني اما اشوف مين ع الباب
احمد : هششش مش وقته
بوسي : يا احمد بعدين بس نشوف مين الأول
احمد : اه صحيح ايه موضوع العفريت ده
بوسي :يلهوي نسيت اقولك ان الفرختين اللي مخليين انا تبلتهم و مقطعاهم مش لايقياهم كنت داخلة اجيب الحلة الكبيرة من النيش و خرجت ملقتهاش
احمد : نعم انتي بتهزري صح
بوسي :استني اما اشوف مين ع الباب

خرجت بوسي تفتح الباب و كانت جنة و معاها طبق كبير فاضي
احمد : انتي قولتيلي عفريت ما عرفيت الا بني آدم يا حبيبتي
بوسي بقلق : جنة انتي كنتي بتعملي ايه برة و ايه الطبق الفاضي ده
احمد : اوعي يكون اللي في دماغي صح بس لا لا هو اكيد مش صح انتي ماخدتيش الفراخ صح
جنة ببراءة : لا اخدتهم و رميتهم للقطط
احمد و بوسي نظروا لبعض بصدمة
بوسي بعصبية : رميتيهم ليه ما احنا كدا كدا بناكلهم
جنة : انتو بترمولهم العضم وهما مش بيقدرو ياكلوه حرام عليكم
بوسي : انا مش هتكلم أتصرف انت بقا حرام علي مين يا بت انتي بقولك ايه فيه ملوخية مع الفراخ و للاسف كنت هعملها بشوربة الفراخ منك لله و طبعا هناكل عيش و جبنة يا حبيبي عاجبك عاجبك مش عاجبك خليها هي تعمل اكل بقا دي مبقتش عيشة
احمد : يا بوسي استني بس خلاص هطلب ديلفري
بوسي : مش عايزة نفسي اتسدت خلاص

جنة :هي مامي زعلت عشان اكلت القطط
___________________________________
سيف كان قاعد مع عاصم في اوضته
سيف : يا عاصم ركز معايا بقا وحياة امك
عاصم : نعم عايز ايه
سيف : قولت ايه
عاصم : ما هو انا مش هتكلم غير لما تكلمني في موضوع مهم مش التفاهة دي
سيف بنرفزة : ايسل مش تفاهة
عاصم : وانت مالك محموق عليها كدا ليه
سيف : دي اختي
عاصم : ميشرفنيش اصلا ان دي تكون أختك طالما هي قريبة منك كدا انصحها أنها تبطل طولة لسان و لماضة
سيف : يا عاصم ولله ايسل دي طيبة جدا و غلبانة
عاصم : اه طيبة …. بإمارة لسانها ده اللي عايز يتقص
سيف : يا عاصم هي بس مبتعرفش تفكر في الكلام قبل ما تقولو ف هتلاقيها كدا لكن ولله هي طيبة جدا
عاصم: من الاخر مش هدخلها ولا محاضرة و اعتبرها شالت المادة
سيف : في ايه يا عاصم حرام عليك
عاصم : انسي و اطلع عشان انام
سيف : يا اخي حرام عليك بقا انت بتعمل كل ده عشان ايه يعني خلاص يا عاصم انا هخليها تعتذرلك بس تدخلها
عاصم : هبقا افكر وقتها
سيف : يوووه بقا دي حاجة تقرف
_________________________
تاني يوم في الجامعة
ايسل:صباح الخير
سيف:يا صباح الي بتغني
ايسل :قديم اوي يا مان
سيف: ما تقول الجديد انت يا مان
ايسل : معنديش
سيف : يلا عشان ندخل لدكتور عاصم
ايسل : مستحيل قولتلك
سيف : طب بصي اسمعيني بس
ايسل : ها
سيف : هدخل انا مكتبه تمام و انتي تستني برة و بطريقتي هخليكم تتصالحو و لا إحراج ليكي ولا ليه
ايسل : طيب اما نشوف

سيف بعد ما خرج من مكتب عاصم شدها من ايديها و بعدو عن مكتب عاصم

ايسل : ها قال ايه معرفتش اسمع حاجة
سيف : بصراحة قالي يا تعتذر و وقتها يوافق او يرفض او انك تفضلي
ايسل بغضب : ينفع كدا قولتلك بلاش
سيف : يا ايسل لازم تعتذريله هو دماغه كدا
ايسل : تتحرق المادة بتاعته اكتر ما هي محروقة انا مش هعتذر انسي يا سيف
___________________________________
تاني يوم في الجامعة

ايسل في سرها : حلو اوي بقا يقول ل سيف امبارح مش مدخلها ماشي يا عاصم انا هوريك بقى هتدخلني ولا لا و كمان يقول هفكر ليه فاكر نفسه ايه ان شاء الله

ايسل :طب بقولكم ايه انا هروح اجيب عصير من الكافتيريا و جاية مش هتاخر
منار: خليكي هروح اجيب انا
ايسل : لا لا مش هتاخر جاية خليكي

ايسل اشترت عصير من الكافتيريا و بتدور بعيونها علي عاصم
ايسل : ياربي ده كان لسة واقف هنا ايه ده اااه ده هو اللي هناك حلو اوي مفيش حد هناك غيره عشان لو اتخانقنا
كان عاصم واقف في مكان لوحده بيكلم في الموبايل في حديقة فاضية مفيش حد غيره واقف قدام شجرة و ضهره ليها
وهي ماشية خبطت في دكتور عاصم والعصير اتدلق عليه
عاصم بعصبية:ايه ده مش تفتحي هدومي اتبهدلت
ايسل :سوري بجد مخدتش بالي
عاصم : اوووف و كمان انتي و اعمل ايه بسوري بتاعتك دي
ايسل ببرود:روح اغسل الشيميز في التواليت
عاصم: والبسها وهي مبلوله انا كده هضطر ارجع البيت بسبب غباءك ايه مش تفتحي
ايسل:لو سمحت متزعقش كدا
عاصم بسخرية:لا وكمان مش عاجبك اني بزعق
ايسل : اه صوتك ده ميعلاش لو سمحت
عاصم : انا هوريكي صوتي ده هيعلي ولا لا ازاي
مسك ايديها جامد و شدها ورا ضهرها و هي اتالمت
ايسل بتألم:اااااه سيبي دارعي
عاصم: يعني مش كفاية رديتي علي في المحاضرة بأسلوب زفت لا و كمان جاية تبوظيلي القميص بتاعي وانا عليا محاضرة كمان نص ساعة لا و مش عاجبك اني بزعق انا اسف كان المفروض أشكر سيادتك
ايسل:سيب ايدي بقا
عاصم : لازم تتعلمي الأدب بعد كدا اسيبك
ايسل:مش لما تتعلمه انت الاول
عاصم : يا بت انتي اسكتي بقا شوية مش عارف اعمل ايه في الزفت ده اتبهدل
ايسل : محدش يقدر يسكتني
عاصم:انا بقول اخيط بوقك ده احسن
ايسل:وريني كده هتخيطه ازاي
عاصم:بلاش تستفزيني ولا اقولك انا عارف هخيطهولك ازاي
في اللحظة عاصم قرب منها و شدها ناحيته و بقت قريبة منه جدا ايسل اتصلبت مكانها و حست بقشعريرة في جسمها و قلبها دق بسرعة ضربات سريعة عاصم حس بكدا و كان بيقرب منها وفجأة ايسل استوعبت الموقف و بعدت عنه و زقته ع الشجرة و جريت

عاصم لنفسه : ماشي يا ايسل وحياة امي ما هسيبك تفلتي المرة الجاية الأيام جاية كتير

ايسل و هي رايحة لصحابها قلبها بيدق جامد و متوترة حطت ايديها علي قلبها
ايسل : اهدي يا ايسل كدا ريلاكس سيلا …. ايه البني آدم ده قال ايه عايز اخيطلك بوقك ليه ده انا حتي بوقي بينقط سكر
____________________________________
بوسي كانت بتنشر الغسيل بتاعها كانت جنة قاعدة معاها في البلكونة
احمد دخل عندهم
جنة : بابي حبيبي وحشتني
احمد : وانتي كمان يا قردة
جنة : جبتلي ايه معاك
احمد : جبتلك حلويات من السوبر ماركت حلوة بس هناكلها بعد الغدا
بوسي : 5 دقايق بس يا حبيبي هكمل و ادخل اشوف اللحمة ع الشواية
احمد : لا خليكي وانا هدخل اشوفها
جنة : بابي هات عشرين جنيه
احمد : ليه يا حبيبتي عايزة تجيبي حاجة
جنة: اه هات و هقولك
احمد : خدي يا حبيبتي
بوسي : خدي يا حبيبتي ايه انت مش مديها مصروفها الصبح
احمد : عادي يعني يا حبيبتي
جنة مسكت العشرين جنيه قطعت نصها و حدفت النص التاني من البلكونة
بوسي و احمد باستغراب : عملتي كدا ليه تقطعي الفلوس
جنة : بدي العصفورة مصروفها عشان تجيب اجل و تاكل هي و ولادها
بوسي : ما تجوع ولا تتحرق مالنا بيهم احنا …
مسكت طبق الهدوم و اعطته لأحمد
بوسي : وانت بتضحك علي ايه انت كمان خد كمل انت نشر الغسيل ده اما اشوف الاكل عشان خلاص معنديش غير مرارة واحدة
______________________________________________________________________
بوسي كانت في المطبخ بتغسل الأطباق دخلتلها جنة
بوسي : نعم عايزة ايه تاني مش كفاية
جنة : مامي عايزة اعرف دعاء دخول التواليت الميس قالتهولي في الحضانة بس نسيته
بوسي : معرفش غوري من وشي انا اصلا مش بكلمك
جنة وضعت ايديها علي وسطها و نظرتلها بغضب و خرجت
بوسي :يلهوي لتعملي مصيبة في الحمام اما اروح اقولها الدعاء كفاية الخراب اللي بتخربه

خرجت بوسي وراء جنة تقولها الدعاء كانت جنة واقفة قدام باب الحمام و هي بتقول
جنة : اونكل شيطان بليز مش تأذيني عشان ولله مامي مخصامني و مش عايزة تفكرني اقولك ايه وانا ولله هقول ل ربنا يدخلك الجنة … اوكيه اتفقنا

بوسي لنفسها : يلهوي البت اتجننت

بعد دقايق خرجت جنة من الحمام
جنة : علي فكرة يا شيطان انت وحش اصلا و ربنا مش هيدخلك الجنة انا كنت بضحك عليك هههههههه
______________________
بوسي : قوليلي اعمل ايه طيب انا تعبت خلاص
ايسل بتضحك : معلش يا بوسي دي طفلة يا بنتي
بوسي : المهم ان عيد ميلادها بكرة جاية طبعا
ايسل : اه طبعا ده عيد ميلاد جوجو مش اي حد
بوسي : بس تيجي بدري عشان جنة مش هترضي تطفي الشمع من غيرك
ايسل : اكيد طبعا متقلقيش
بوسي : طيب اقفلي عشان اصحي بدري و الحق اجهز كل حاجة
ايسل : اوكيه يا قلبي … باي
_____________________________________
تاني يوم يوم العيد ميلاد
بوسي : يلا يا جوجو عشان نطفي الشمع
جنة قاعدة و حاطة ايديها علي خدها
جنة: لا استني سيلا
عاصم : مين سيلا دي عايزين نخلص بقا دي بقالها ساعة
بوسي بتوتر: ها دي دي صاحبة جنة
عاصم : طب اتصلي بيها بقا دي اتأخرت
بوسي: اااه حاضر
بوسي في سرها : ربنا يستر و يعدي اليوم ده ع خير

بوسي خبطت سيف علي ضهره : انت يا زفت بطل اكل بقا و ركز معايا
سيف : الله وانا عملت ايه يعني
بوسي : ايسل اتأخرت كل ده
سيف : هتصل عليها استني
بوسي :انا خايفة اوي
سيف : وانا اكتر منك بس ان شاء الله ربنا هيستر مش كنتي عملتيها حفلة تنكرية
بوسي : تنكرية ايه يا غبي كان لازم اعمل كدت عشان لو عرفت انه أخويا مكنتش هتيجي اصلا و خوفت ع جنة تزعل ….
__________________________
دخلت ايسل الشقة و هي داخلة بتدور علي بوسي كان عاصم خارج خبط فيها من غير ما يشوفها و كانت هتقع علي الارض شدها بايديه و بقت في حضنه و ايسل تنحت من الصدمة و عاصم استغرب و فهم ان دي سيلا صاحبة جنة
عاصم بضحكة باردة و غمزلها: ايه عجبك حضني ولا ايه
ايسل :……….
تفتكره ايسل هتعمل ايه ؟؟؟؟
……..