لو الكوتشي أو الجزمه بتاعك كل ماتلبسهم بيطلعوا ريحه مش حلوة.. حط في كل فردة فتلة شاي، ولو معندكش شاي فتلة.. إقطع شريحتين ليمون وحط شريحة في كل فرده وسيبهم ساعة مثلا، وبإذن الله بعد كده الريحة اللي بتضايقك هيتقضي عليها.
- طيب إحنا في فتره صعبه علي الكُل.. نفسية في الأرض ومزاج متعكر ووضع متلعبك أكتر من سلك السماعه.. وطبيعي شريحة الليمون مش هتقضي علي همومنا!.. زمان علماء المسلمين قالوا
- مالا يُفرج بالفِكر يُفرج بالذكر.. اللي متعرفش تحله بدماغك هيتحل بالأذكار..
طيب أنا عاوز ذِكر معين لو قولته بإستمرار يكون سبب في راحة بالي وإستجابة دعائي والفرج القريب..
زمان واحد من الصحابه سأل النبي صلي الله عليه وسلم وقاله: يارسول الله أنا بصلي عليك كتير وبقول أذكار تانيه مع صلاتي عليك
.. إنصحني أخصص للصلاة عليك قد إيه من أذكاري؟.. الرُبع؟.. رد النبي وقاله: ما شئت وإن زدت فهو خير لك، فقاله: النصف؟.. قال النبي: ما شئت وإن زدت فهو خير لك.. قال: يارسول الله الثُلثين؟.. قال النبي: ماشئت وإن زدت فهو خير بك، قال: يارسول الله.. أجعل صلاتي كلها لك؟.. أقول ديمًا “اللهم صل علي مُحمد” رد النبي وقاله: إذًا تكفي همك، ويُغفر ذنبك.. كل اللي بيشغل بالك هيتحل وذنوبك اللي عملتها بسبب صلاتك عليا هتتغفر.
إعتبرها إشاره ليك.. طوق نجاة مبعوتلك.. صلي علي النبي وإنت قايم وقاعد، وإنت في المواصلات أو بتطبخ، وإعرف إنك بسبب الذكر ده حاجات كتير هيتغير كتير في حياتك، وهتبدأ تراتيب القدر الربانيه تتوجِّه للسعي في سبيل راحتك،
وووووهيمدك ربنا بقوة من قوته تعينك وتريَّح بالك وتغفر ذنوبك، متستهونش ببركة الصلاة علي النبي لأنك صدقني هتحس بتأثير خيرها عليك قريب جدًا والله.
“إن الله وملائكته يصلون علي النبي يا أيها الذين آمنوا صلوا عليه وسلموا تسليما” .
#اللهمصلعلي_النبي.☝?❤️