الفصل 18 ( كبرياء الصمت )
ايسل : لا طبعا يا بوسي انا مستحيل ابعد عن عاصم أو اتطلق منه عشان سبب زي ده
بوسي : و هتستحملي تعيشي مع واحد عاجز
ايسل: ده افتراض متعرفيش صح ولا غلط .. ثانيا بقا كل ده ميفرقش معايا المهم الإنسان اللي هعيش معاه كفاية اني اكون نايمة في حضنه دي عندي بالدنيا
بوسي : بتحبيه اوي كدا لدرجة انك تتنازلي عن أهم حقوقك
ايسل : كدا كدا الطب اتقدم يا بنتي يعني اكيد هنلاقي حل المهم ان عاصم بخير بس هو عاصم يعرف
بوسي : لا لسة
ايسل : اوعي تقوليله
بوسي : ليه ازاي يعني
ايسل : انا عارفة عاصم لو عرف حاجة زي كدا ممكن يطلب يطلقني بسبب كدا هيقولي ازاي هتعيشي مع واحد زيي وانا مش عايزاه يعرف سيبييها علي ربنا احسن
_______________
بوسي عند ايسل في شقتها هي و منار و روان و بنت صديقة بوسي
منار : رونا تعالي معايا ننزل نكمل المطبخ بصي انا هعمل التوابل
روان : ماشي بس بليز متعملوش حاجات كتير لحد ما نيجي يعني طبقوا الهدوم بس و اللانجيري استنوني لما اجي هعلقه انا
ايسل : يا قليلة الأدب
روان : I know ( انا عارفة )
ايسل بتضحك : ماشي بس متزوديش الملح اوي في التوابل
روان : لا متقلقيش منورانا يا سارة ولله
سارة : يا روحي ده نورك ….. سيلا ناوليني البيجامات
خرجت منار و روان من غرفة النوم
بوسي : كل دي هدوم يا مفترية هتلبسيهم امتي دول
ايسل : هلبسهم متقلقيش
سارة : انا حاسة ان اخوكي مش هيلاقي مكان ل لبسه يا بوسي
ايسل : شوفي له اي رف حطيهم عليه و خلاص
بوسي : هتصل عليه اقوله ولله و بعدين رف ايه يا حبيبتي ده انتي هدومك احتلت الدولاب كلو ده انا بزنقهم بالعافية
سارة : ووااو بجد اللانجيري الزيتي ده تحفة بس مثير اوي
ايسل : بجد
سارة :البسيه ده تحفة و اللون ده هيليق عليكي اصلا
ايسل : نعم لا طبعا انا هلبس ده
بوسي : ده عباية يعتبر
ايسل :ماهو انا مستحيل البس قصير لا هتكسف بجد
بوسي :يا حبيبتي قصير ولا طويل مش هتفرق كدا كدا كلو بيتقلع اصلا
سارة بتضحك: علي رايك يا بوسي ..
_______________
روان : يلا بقا عشان نرص اللانجيري في الدولاب
سارة : انا هنزل لمصطفي هو تحت هديله المفاتيح بتاعة الشقة عشان معايا و هطلع تاني
بوسي : ماشي يا قلبي تعبناكي معانا
سارة : لا طبعا متقولوش كدا
ايسل : ماشي يا سوو طب انزلي عشان متتاخريش عليه
نزلت سارة من الشقة و روان بتفتح الشنطة اللي فيها الملابس
ايسل: انتي مستعجلة علي ايه
روان : عايزة اشوف ذوقك بس ايه يا بنتي الحاجات دي ده انتي ناوية تفتحيها ع البحري شكلك
بوسي: ده لونه فظيع و هيبقي حلو اوي عليكي
منار : علي فكرة عاصم صعبان عليا اوي الله يكون في عونه بجد
روان : قولي ربنا يديله الصحة
منار بتضحك : اه ولله …
روان لاحظت ايسل مبتضحكش معاهم :ايه يا سيلا ساكتة ليه مالك يا قلبي
ايسل بتوتر: مفيش
منار : مالك انتي شكلك خايفة
ايسل :خايفة ايه بس ده انا مرعوبة بجد
منار : مرعوبة … من ايه يا هبلة هو حد بيقولك روحي خدي حقنة ….
روان : و بعدين لو انتي مرعوبة جايبة الحاجات دي ليه يا سافلة ها .. دي زي شكة الدبوس ايه الهبل ده
ايسل : انا مش بهزر انا مرعوبة بجد و كل يوم بحاول الغي فكرة اني أاجل الفرح
بوسي : تأجلي ايه … ايسل اصحي .. اصحي ده عاصم يا ماما اللي انتي بتحبيه و كلتي دماغنا عايزة تتجوزيه ف ازاي يعني
ايسل : انا مكنتش متخيلة ان الجواز كدا يعني ماما حكتلي كل حاجة و اتصدمت
منار : نعم اومال كنتي فاكراه ازاي يا روحي
ايسل بابتسامة: يعني نبقي عايشين في بيت واحد بنتغدا مع بعض بنقعد نتفرج ع Tv مع بعض بنلعب بلايستيشن مع بعض
روان بسخرية : امممممم و تخلفوا ازاي بقا وانتو بتتغدوا مع بعض و بتتفرجوا ع Tv مع بعض
ايسل : مش عارفة بقا انا اصلا مش متخيلة ازاي هلبس الحاجات دي قدام عاصم
منار : ياعيني عليك يا عاصم هيشوف أيام سودة
روان : لا لا بجد بقى انتي هتلبسي فوقيهم اسدال او عباية و تلبسي طرحة و بعد كدا تبقي مفاجأة هيتفجأ يا عيني
بوسي : بس بس يا قليلة الأدب
ايسل بضيق : اقعدوا هزروا بقا يا جماعة بجد انا مش بهزر
بوسي :بس عشان هي مضايقة فعلا … ايه يا ايسل
ايسل : هعمل ايه يعني يا بوسي هعمل ايه هتصرف ازاي بس انا بجد مكنتش اعرف حاجة عن الجواز
جرس الشقة بيرن
بوسي : هقوم افتح دي اكيد سارة
سارة : سوري اتاخرت ايه ده مالكو
روان: سيلا خايفة من يوم الفرح
سارة :مالك يا سيلا بس
ايسل بتوتر : يا سارة انا بجد خايفة اوي من اليوم ده و بدعي ربنا ميجيش عاملة زي الطالب اللي خايف من الامتحان و مش عايز يدخل يمتحن لكن ده امر واقع ولازم يمتحن
سارة : عادي جدا انك تتكسفي وتتوتري في ليلة زي دي بس والله الموضوع بيطلع في الآخر مش مستاهل التوتر خالص
ايسل : يا بنتي واحدة جارتي قالتلي امبارح ان اصعب لحظتين في حياة البنت اللي بيحصل في الليلة دي و يوم ما تولد وانا خايفة اوي
بوسي : ما يمكن اصلا مفيش حاجة هتحصل انتي ناسية كلام الدكتور
ايسل بصتلها تسكت : و افرضي طلع سليم
روان: هو ايه ده اللي مش هيحصل
بوسي : ها لا ده بتكلم ع حاجة تانية
ايسل : قصدها يعني عشان هو ممكن يكون تعبان من الحادثة ف منعملش حاجة فهمتي بس الدكتور قال عادي يعني
منار : اه
بوسي : انا عارفة انتي حاسه بإيه لاني كنت زيك كده بالظبط قلقانه ومتوتره وحاسه اني بجد اتسرعت في الخطوه دي ولسه بدري علي الجواز وكل المشاعر دي طبيعيه خالص لانك طول عمرك بتسمعي كلام يرعب من كل الناس تعرفي اصلا ان هو اكيد قلقان و متوتر زيك
ايسل : نعم لا اتكلمي عن حد تاني ده تلاقيه ما هيصدق اصلا
سارة :بالعكس علي فكرة مصطفي جوزي قبل الفرح بيومين كان شكله يصعب عليكي خالص من كتر القلق كان أكنه رايح امتحان بس الحمد لله انا طمنته وحسسته بحبي ليه و اني مبسوطه اوي اني هاكون معاه وفعلا اول ما الناس مشيوا وبقينا لوحدنا لقينا نفسنا فرحانين اوي انه اخيرا بقينا سوا واخيرا محدش بيدخل بينا غيرت هدومي واتوضينا وصلينا سوا ركعتين والحمد لله كل حاجه عدت بسهوله واهم من كده بفرحه لاننا بقينا واحد وحسينا بمعني كلمه (سكن ) الي ربنا قال عليها في القران سبحان الله فعلا الحب بيعمل المعجزات مش انتو اخدين بعض عن حب ولا ايه
ايسل : اه
روان :لا عن حب جدا
سارة : طيب الموضوع سهل اوي بس الاهم من كل ده اوعي تسمعي كلام من اي حد يخوف او الحكايات المرعبه من اي حد لان بجد الموضوع كله متوقف عليه هدوئك وصدقيني مفيش احلي من احساس الحب الي بين اتنين وسيبك بقي من الخرافات الي الناس بتقولها
بوسي : قوليلها والنبي احسن هي عاملالي رعب كل شوية خايفة خايفة
سارة :حبيبتي انسي الموضوع ده اصلا الايام اللي انت فيها دي حلوة جدا ما تضيعيش فرحتك عشان هترجعي تندمي علي الايام دي انسي وعيشي حياتك وعلي فكرة الموضوع ده مش صعب اوي زي ما انت متخيلة خصوصا انك بتقولي بتحبي عاصم واكيد هو كمان بيحبك فهياخد باله منك و غير كدا كل شي بالاتفاق وهتعدي صدقيني وهتضحكي علي نفسك وعلي الخوف ده
ايسل : انتي مش فاهمة … ده جارتي قالتلي أنها جالها نزيف اليوم ده
روان :ليه هو كان بيغتصبها لا سمح الله
ايسل : معرفش بجد هي قالتلي كدا انا خايفة اوي من الألم بجد
سارة : متقلقيش يا قمر دى عاملة زى شكة الدبوس بس دبوس مؤلم شوية فى الاول بس
ايسل بخضة: ايه
بوسي : سارة انتي بتهديها ولا بتخوفيها
سارة بتضحك : الله بضحكها يابت خوفك هو اللي هيتعبك لو خوفتي الموضوع هيبقى صعب ومؤلم إنما لو شيلتي الأفكار دي م دماغك وان دي حاجه طبيعيه وهديتي ولا هتحسي بأي حاجه هو الالم ثواني بس مجرد ثواني في لحظتها وخلاص
بوسي: طول ما انتو بتحبوا بعض هتنسوا الدنيا و مافيها في اللحظة دي اصلا ايه الأوفر دا مفيش الكلام دا خالص طبعا النزيف ده اللي بيعمل كده سوري يعني بيكون الراجل دا بيبقي حيوان الموضوع دا بالذات بيبقي باللييين مش بالعنف مش خناقه هو داخل فيها يعني شيلي الأفكار دي وبلاش تفكري فيها هو اي نعم معاكي أنه هو ممكن مؤلم بس مش اووي يعني ماتسمعيش لكلام الناس والا كان زمان الناس كلها خايفة تتجوز.. الفكرة بس ان مجتمعنا بيرفض الكلام وشرح الأمور دي فالبنت بتطلع متشبعة ان الكلام بس في الموضوع حرام وفجأة في ليلة واحدة بيتطلب منها انها تشارك جسمها مع راجل غريب هي كلها مخاوف نفسية ولو الموضوع اتاخد بالراحة وبحب والراجل اهتم جدا جدا انه يهيئ مراته قبل الخطوة دي كل حاجة هتمشي زي الفل انشاءالله..
ايسل : طب مفيش مخدر مثلا اخده عشان محسش بحاجة
سارة : مخدر ايه بس لا يا بنتي مفيش حاجة ولله الموضوع بسيط ايسل انتي لسة خايفة
ايسل : اه بصراحة يا بنتي ده غير أن معلوماتي عن الموضوع ده بسيطة
سارة : تمام انا هتصرف
روان: هتعملي ايه
سارة ب تتصل ب رقم : أيوة … هالة ازيك بقولك يا هالة معاكي رقم الدكتورة أماني اللي هي متخصصة في sexual و العلاقات الزوجية و كدا .. اه تمام انا عايزة منها ميعاد انهاردة ضروري … يا هالة لا طبعا مش ليا ده لواحدة صاحبتي فرحها بعد بكرة يا هالة ضروري مينفعش ازاي بالله عليكي البنت فرحها كمان يومين يا بنتي بتهزري يعني يدوب تروح انهاردة ماشي كلميها و حددي ميعاد و متنسيش تبعتي العنوان اوكيه سلام
روان : هاجي معاها انا بليز
سارة : تيجي معاها ايه بس لازم تكون لوحدها
منار : وانا كمان اجي معاكو
ايسل : خلاص هيجوا معايا مش هينفع اروح لوحدي فعلا هتصل ع سيف يوصلنا
_______________
دخلت منار و روان و ايسل مكتب الدكتورة أماني و مكتبها
روان : دكتور أماني ازيك …
اماني: اهلا بيكم
روان : انا روان و دي منار و دي ايسل
اماني : ماشاء الله كلكم زي القمر هالة كلمتني و فهمتني الموضوع هي مين فيكم بقا العروسة
منار: هي
ايسل : انا
اماني: تقريبا فرحك كمان يومين مش كدا
ايسل : اه صح
اماني: الف مبروك طيب خلينا ندخل في الموضوع علي طول عشان مش عندنا وقت بس صحابك هيستنونا برة شوية
ايسل : لآ خليهم
اماني : متخافيش يا حبيبتي هيخرجوا شوية و هيرجعولنا تاني عشان في حاجات مينفعش يسمعوها
ايسل : حاجات ايه
اماني بابتسامة : معلش ي روان انتي و منار بليز استنونا برة
روان : ولله عايزة اقعد بس هنستناكو برة عن اذنكم يلا منار
خرجت منار و روان و ايسل متوترة
اماني : بصي يا ايسل لازم تعرفي اللي انتي فيه ده طبيعي يعني الخوف اللي جواكي و اللي انتي حاسة بيه ده مش حاجة غريبة
ايسل : ايه ده يعني انا مش غريبة
اماني بتضحك :لا خالص بصي خلينا قبل ليلة الدخلة نتكلم عن يوم الفرح من الاول نفسه وعايزة كمان اقولك ان الليلة ديه احلى ليلة فى حياتك فبلاش تضيعيها بالخوف والتوتر اول حاجة اعمليها في اول اليوم لما تصحى يوم فرحك انتى اول ما تقومى من النوم اول حاجة هتفتحى عينيكى ده لو نمتى اصلا هتقولى انا مش مصدقة انى هتجوز ايه ده هو انا بحلم ولا ايه هتقومي تصلي ركعتين و تدعي ربنا و تستغفري بعد الصلاة ولله ده هيريح قلبك جدا … اه و تبعتي واحدة صاحبتك او واحدة قريبتك تروح بقى الشقة وتتأكد ان كل حاجة تمام وانتى هتبقى مجهزة الروب بتاعك والبشكير وبشكير جوزك وبيجامته ومعلقاهم على الشماعة و تشغلى التليفزيون على القران وسيبيه شغال وشغلى اضاءة النجف والضوء الهادى اللى عندك ونضحى بالكام ساعة كهربا دول
ايسل : هههههههه مفيش مشاكل نضحي فعلا بس ايه الفائدة من ده كلو
اماني :اولا القران فى البيت بيطرد الشياطين وهتتطرد اكتر لما انتى و جوزك اول ما تدخلوا تقولوا بسم الله و تصلوا ركعتين
تانى حاجة الاضاءة الهادية مريحة اوى نفسيا لما انتى تدخلى تلاقى الجو هادى والله هتشيل منك التوتر خالص اوكيه لحد كدا تمام
ايسل : اه تمام
اماني : اهم حاجة متتوتريش عشان متضيعيش ثقتك بنفسك لان ثقتك هى سر جمالك في اليوم ده ومهما كنتى جميلة لكن متوترة وشاكة فى نفسك وفى الميكب صدقينى هتبقى متصنعة اوعي تقللي من نفسك وان المكياج وحشك لالالا انتى احلى عروسة والله وخليكى على طبيعتك الجميلة صدقينى هترجعى تتفرجى على الفيديو وتقولى ياريت يتكرر تاني طبعا الفرح خلص و روحتوا البيت بصى بقى اولا انسى ان فى حاجة ممكن تحصل اول ما تدخلوا الشقة لان لسه بدرى لسه هتغيروا ولسه هتتوضوا وتصلوا ولسه هتكلموا شويه على الفرح
ايسل : طب لو قالي اقلعي الفستان
اماني :بصى حبيبتى متخليش حد يغصبك علي حاجة انتى اعملى اللى انتى مبسوطة بيه بس طبعا متعقديهاش معاه يعني مش لدرجة انك تبقى مقفولة اوى وتخلى القلق والخوف مخليكي غريبة لازم تعرفي ان الليلة دي جوزك بيتمناها من زمان ليلة عمره خليكى رومانسية و هادية ورقيقة و اوعى تفكرى غير فى الخطوة اللى بتحصل
ايسل : مش فاهمة
اماني :بمعنى انتي وهو بتضحكوا و بتهزروا في حاجة يبقى انتي وهو بتضحكوا مش من جواكى تقولى اللى جاى اللى جاى ربنا يستر
هيستر والله بس انتى تكوني رايقة و هادية و اوعى تسمعى اى نصيحة من اللى رايح واللي جاى وتعمليها اتأكدى الاول من صحتها وياما ليالى ضاعت بسبب الجهل والنصايح الغلط
ايسل: طب بالنسبة للبس يعني البس ايه اليوم ده
اماني :بصى يا ايسل انا رايى ولا مكشوف اوى ولا مستور اوى يعنى بلاش العبايات والبيجامات والحاجات الطويلة وبلاش القمصان المكشوفة اوى خليكى وسط من الاخر حاجة تبقى مثيرة وحلوة وشيك المهم خليكى هاديه جداااا فى ليله عمرك واتبسطى بجوزك وبنفسك واظهرى له كل جمالك وابعدى الخوف بجد عنك علشان متضايقهوش واياكى واسرار بيتك تطلع بره لان العيون هتبصلك المهم ندخل بقي ع الموضوع الأساسي انا مرضتش ابدأ بيه عشان متخافيش انتي عارفة ايه اكتر سبب في المشكلة بتاعتك دي هو الجهل. .. الجهل هو سبب خوفهم الرئيسي لانهم بيكونو داخلين على حاجة مش عارفين عنها اي حاجة ده طبعا غير مفاهيم كتير جدا غلط جوة دماغهم ف احنا اول حاجة هنعملها ان انا هشرحلك ايه الموضوع ده بالظبط اوكيه بس قبلها هقولك علي كام نصيحة مهمة تركزي عليهم
ايسل : اوكيه اتفضلي
اماني : أولهم الخوف طبعا … بلاش الخوف عشان ممكن يقضي علي إحساسك بجمال كل لحظة لان الارتباك و التردد هيخوفوكي اكتر
و ده هيتعبك اكتر لأنك المفروض انك محتاجة الهدوء في اليوم ده .. ثانيا بلاش التصرفات الطفولية اللي هو العياط بقا و تتصلي بوالدتك و اهلك عشان وحشوكي لا انتي خلاص من اليوم ده بقيتي مسؤولة من شخص تاني و متخافيش من جوزك ولكن حسسيه بخجلك لانك اصلا اول مرة تكونو مع بعض في اللحظة دي و حاولي تحسي جوزك انك متقبلاه وراغبه فيه لان النفور هيحسسو بعدم ثقته فى نفسه تمام كدا نبدأ بقا بشرح تفاصيل اليوم ده
ايسل : اوكيه اتفضلي
بدأت اماني تشرح ل ايسل كل شيء عن اليوم ده ايسل كانت مستغربة كل كلمة بتتقالها لكن كلام دكتور أماني مطمنها شوية
اماني : ها كدا تمام انا شرحتلك …. ايه لسة خايفة برضو
ايسل : شوية
اماني : واحدة واحدة الأمور هتبقي بسيطة متقلقيش و عموما ده رقمي خليه معاكي لو احتجتي اي حاجة
ايسل : متشكرة اوي يا دكتور
اماني : العفو يا قمر و الف مبروك مرة تانية
_______________
ايسل : ماما متنسيش تعملي الهوت دوج مسلوق عشان الدايت
صفاء: دايت مين يا بنت المعصعصة ده انتي فستان الفرح هيقع منك يوم الفرح و تقوليلي دايت
ايسل : ماما علي فكرة انا مش معصعصة انا جسمي حلو
صفاء : مش لدرجة تعملي دايت ياختي
ايسل : ماشي يا صوفي
دخلت غرفتها و ندهت عليها صفاء خرجت ايسل
ايسل : نعم يا ماما في ايه
صفاء: والنبي يا حبيبتي ناوليني الريموت اللي ع التربيزة ده
ايسل : بتندهيلي من اخر الدنيا عشان اناولك الريموت اللي قدامك ده انتي لو شارياني من سوق بني عبس مش هتعملي فيا كدا ع فكرة
_______________
ايسل قاعدة علي سريرها بترتب حاجات في الدولاب موبايلها رن كان عاصم ردت عليه
ايسل :أيوة يا حبيبي
عاصم : انا في الشارع تحت
ايسل باستغراب : لا يمكن أنت بتتكلم بجد
عاصم : لو مش مصدقاني بصي ع الشارع
ايسل بتفتح باب البلكونة و بتنظر حواليها كان راكن سيارته تحت العمارة
ايسل : يا مجنون انت مش المفروض تخرج بكرة
عاصم : الدكتور قالي عادي تخرج انهاردة و بعدين هفضل ارغي في التليفون كدا انزليلي
ايسل : دلوقتي
عاصم :اه دلوقتي 5 دقايق بس
نزلت ايسل و ركبت العربية جنبه
ايسل : هو انت مش المفروض تروح تستريح
عاصم : هتصدقيني لو قولتلك اني كان نفسي اروح البيت اترمي ع السرير انام من التعب لكن انتي كنتي وحشاني عشان كدا جتلك زي الحصان و انا مش حاسس بأي تعب
مسك ايديها و قبلها
ايسل بكسوف: ده اسمه دلع صح و بعدين انا مش قد كلامك ده
عاصم : كلامي ده طالع من قلبي حتي اساليه كدا
ايسل : اسال مين
عاصم : قلبك
ايسل : قلبي لما بيسمع كلامك بحسه بيدق بسرعة اوي و كأنه هيخرج من مكانه
عاصم : انا مش عايز من الدنيا دي غير انك تفضلي معايا فيها بس
طارق وقف قدام شباك العربية من ناحية عاصم : يا سلام علي غرام الشوارع طب ما تتفضلو فوق احسن
ايسل بصوت هاديء : جتك نيلة في تقل دمك
طارق : انا قولت اجي اعزمكو على شجرة و 2 ليمون لزوم الكلمتين الحلوين دول
عاصم : الشجرة دي تزرعها جنبك يا طروقة اما بقا الليمون ف تعصره على نفسك يا حبيبي عشان انا بقرف
ايسل : طيب يا حبيبي انا هطلع دلوقتي و بعدين نتقابل بكرة
عاصم : لا لا بكرة ايه اوعي والنبي يا طروقة ايديك كدا يا حبيبي احسن تتعور
و اتحرك عاصم بالسيارة
ايسل : ايه اللي عملته ده
عاصم : رخم اوي طارق ده
ايسل : ده عليه تقل دم يخربيته
عاصم : سيبك منه خلاص بقا فرحنا بعد يومين
ايسل بضيق : ها اااه
عاصم : نعم يا حبيبتي مالك واحدة فرحها كمان يومين و مكشرة كدا فكي و فرفشي كدا يا حبيبتي
ايسل بحدة : عاصم
عاصم : قلب عاصم
ايسل : انا لازم اتكلم معاك بصراحة و ياريت متفهمنيش غلط
خايفة من ليلة الدخلة اوي
عاصم : و حياة امك
ايسل :مبهزرش بقولك خايفة يا عاصم
عاصم : حبيبتي متخافيش من حاجة طول ما انا جمبك انا معاكي عشان اطمنك
ايسل : طيب نأجل الفرح انا بجد مش مستعدة
عاصم : الشقة و اتفرشت و كل حاجة جاهزة مش مستعدة ازاي
ايسل : طب بلاش من اول يوم تعمل حاجة
عاصم : بلاش ازاي لمواخذة ده انتي تطلعي كل دفاترك و كراساتك و شامبوهاتك و تكتبي عن هذه الملحمة التاريخية
ايسل : شوفت
عاصم : شوفت ايه
ايسل بنرفزة: بقولك طمني الليلة دي مخوفاني اوي بجد ده انا سمعت أنها بتبقى صعبة اوي
عاصم : انتي بتتكلمي بجد خايفة فعلا
ايسل : اه
عاصم : ايه سبب خوفك ده بس ما انتي كنتي كويسة
ايسل : مش عارفة بس قلبي مقبوض
عاصم ضمها لحضنه و طبطب عليها يهديها : طب متخافيش يا قلبي من حاجة انا معاكي
ايسل : بجد يا حبيبي يعني هتسيبني اول يوم
عاصم : ده عند امك ده
ايسل : بجد يا عاصم انا مش بهزر خايفة فعلا
عاصم : خايفة ليه طيب
ايسل : من اللي هيحصل اول يوم ده انا مش عايزة بجد
عاصم : مش عايزة ايه يا روحي انا هكون حنين معاكي متقلقيش
ايسل : مش حابة اتكلم في الموضوع ده بتكسف
عاصم :يا بنتي هتتكسفي مني ازاي انا جوزك هما مش كتبوا كتابنا الشهر اللي فات ولا انتي كنتي في غيبوبة باين
ايسل : هتقول عليا طفلة
عاصم : المفروض واحدة في سنك تبقي فاهمة ان ده عادي يعني خايفة ليه
ايسل : ما انا هكون بعيدة عن جدو و ماما هتوحشني اوي
عاصم :خلاص خليكي عند امك
ايسل : طب و الفرح
عاصم : مفيش بقا خلاص
ايسل : طب و ليلة الدخلة
عاصم : ادخليها لوحدك
_______________
عاصم وصلها لحد العمارة و طلعت الشقة و كانت لسة داخلة اوضتها و بتغير هدومها لاقت موابیلها بیرن
ردت : الو
عاصم: وحشتینى
ايسل: انا لسة سیباك علي فكرة
عاصم: ممكن تبصى من البلكونة بس لحظة
ايسل : لا
عاصم: علشان خاطرى
ايسل : حاضر
خرجت ايسل تبص من البلكونة وكانت الساعة ١١ و نص بلیل اتفاجأت ب عاصم قاعد ع العربية من فوق
ايسل والموبیل مازال ع ودنها :ايه اللي انت عامله دا انزل
عاصم: مش ھنزل الا لما اقولك حاجة
ايسل بتبص ع الجیران : ھا ایوه
عاصم ساب الموبیل و وبصوت عالى :بحبك یا
ايسل
ايسل : یا مجنون
عاصم : هشوفك بكرة بقا
بعتلھا بوسة ونزل ركب العربیة ومشى و جيرنها سمعوا الصوت ودخلت ايسل بسرعة ع اوضتها من الكسوف
ورمت نفسھا ع السریر وبعتت ل عاصم رسالة علي الواتس
***بعشقك يا عاصم ***
_______________
يوم الفرح
الفرح في حديقة فيلا ايجار باب دخولهم بالخشب عبارة عن بابين لدخول العريس و العروسة متزين بالورد المجفف باسمهم و صورتهم بالكرتون بيفتح الباب جنة و معاها طفل صغير قدها و عاصم داخل هو و ايسل من الباب و حواليهم الألعاب النارية و اصحابهم و أقاربهم و حمام السباحة متزين بالبلالين و الورد
بدأت زفة طبلة بلدي بأغنية (دقوا المزاهر) و بيرقصوا عليها كلهم و داخلين وراهم الطفل و معاه جنة و طفلة معاهم
سارة : الواد عاصم زي القمر هو و ايسل
بوسي بتضحك : هروح اقول ل ايسل على فكرة
سارة بتضحك :لا بجد ازاي مكنتش واخدة بالي منه كدا
بوسي : يا بت جوزك هناك اهو علي فكرة …
تعالي نرقص معاهم
سارة : ترقصي ايه بس انتي حامل يا هبلة متنسيش كدا
عاصم مسك شريط ابيض عريض بيربط عيون ايسل عليه
ايسل : عاصم انت بتعمل ايه … و بتغمضلي عيني ليه
عاصم : ممكن تسكتي خالص
ايسل : يابني مش شايفة حاجة
عاصم : بس بس متلمسيش حاجة حطي ايدك علي كتفي عشان هنرقص سلو
ايسل : أنت مجنون ولله اول رقصة سلو مغمضلي عيني كدا عايزة اشوفك بقا وانا برقص معاك
عاصم : اهدي كدا اهدي هشيلها ولله
بيشاور للشخص من بيعد و وضع ايديه حوالين وسطها و هي وضعت ايديها علي كتفه و بدأت تشتغل موسيقي اغنية ( و أحلم ليه )
عاصم وضع ايديه خلف ضهرها و هي وضعت ايديها علي كتفه و بيرقصوا سلو
ايسل : انا كان نفسي ارقص وانا مفتحة عينيا كدا مش شايفة حاجة و الميكب هيبوظ كدا
عاصم بيضحك : الميكب ثابت و غير كدا متنسيش انه ووتر بروف ( ضد الماء ) يعني مش هيبوظ و بعدين ركزي بقا في الرقصة
فجأة بدأت الأغنية و كل اللي في الفرح صرخوا من السعادة
ايسل : في ايه
عاصم بيشيل الشريط من علي عينيها ايسل صرخت من الصدمة و المفاجأة الفنان اللي كانت بتحلم دائما تشوفه او حتي تحضرله حفلة من بعيد قدام عينيها و بيغني في فرحها تامر سلم عليهم و بدأ يغني
(واحلم ليه وانا وياك دة انا لامس بايدي ملاك
واتمنى ايه يا حبيبي وانت قدام عنيا
ولا حسيت غرام قبليك ولا عرفتو الا جوا عنيك
حبيبي خلاص بقيت انا ليك وانت بقيت ليا
مايهمنيش اللي فات من عمري ايه
واللي فاضل ليا فيه انا عايشو ليك)
ايسل كانت بتتنطط من الفرحة و حضنته جامد و هي بتضحك و مبسوطة و شدته و قبلته من خده من شدة سعادتها كانت فرحتها زي فرحة طفلة باباها جابلها هدية بتتممناها و كل دقيقة تبص علي تامر و هو بيغني و بيشاورلهم و ترجع تحضن عاصم مرة تانية من الفرحة و بتلمس دقنه و تشده لحضنها تاني كانت نفسها في اللحظة دي تصرخ بأنها فعلا بتعشقه و عاصم بيقبلها من ايديها و رأسها
(وانا بين ايديك اي شيئ مايهمنيش اصلي كنت هموت واعيش عمري لعنيك
انا من زمان قلبي نفسو يعيش معاها وكان حلمي افضل معاها
عشت عمري ده كلو ليها
كل اللي كان من حياتي لقيتو فيها نفسي اكمل عمري بيها
وابقى جنبها بين ايديها
تفرق كتير ان حلم حلمت بيه تصحى يوم فجاه تلاقيه
قدام عنيك انت الوحيد اللى لما بكون معاه بلقى روحى مصدقاه ودايبه فيه)
في الكوبليه ده من الأغنية عاصم شالها و لف بيها و هو بيحضنها جامد
و في اخر الاغنية سلموا علي تامر
ايسل : انا فرحانة اووي اووي أوي بجد
عاصم : نفسي اعمل كل حاجة حلوة تفرحك دايما
ايسل : يا روحي انت الحاجة اللي في الدنيا بتفرحني وجودك جنبي ده مفرحني اصلا
_______________
سيف مسك المايك : احم صحابك عايزين يغنولك اغنية و يارب تعجبكو انا قولتلهم بلاش ولله لكن هما أصروا بقا
روان : اول مرة نحس بفرحة مستحيل نقدر ننساها فرحة تهز قلوب الدنيا من فرحتنا بيكي يا سيلا
كلهم : اول مرة …. اول مرة تيراارااااا
منار : اول مرة عزومة يا ايسل جاينلك بكرة في نص الليل جهزيلنا المشوي كلو و طبق محشي و يكون كبير احنا هناكل و انتي تلمي و عاصم يندب طول الليل … نورتونا .. نورتونا
بوسي : يا عاصم قوم قولها يلا اغسلي هدوم بطلي تكسيل من دلوقتي تصحي بدري قولي حاضر يا سعادة البيه ارجع الاقي الاكل جاهز يا اما اوريكي الويل … الويل
منار : اول مرة تحسو بفرحة مستحيل تقدروا تنسوها فرحة كبيرة ليكو و لينا هزتنا كلنا يا سيلا
جنة :فين التورتة…. سرق التورتة
صفاء (والدتها ):اول مرة عزومة يا ايسل دي عبير في الاكل مبتهزرش …. اطبخيلها سوري و مصري خليلنا عاصم يبقي بكرش
بوسي : هتحبي وقفة المطبخ تنضيف و غسيل بيهد الحيل اكنسي و نضفي يلا عيلتك جاية و كلنا جايين هتروحي فين من اللمة دي دي حياتك انتي السنة دي … السنة دي
روان : في الهوني مون ( شهر العسل ) هتروحو فين
منار : تعالو نشوف ناويين على ايه
روان : عايزين برضو نكون وياكو
منار : م يلا بينا ع الحسين
بوسي : اهدوا شوية خفو شوية مش مطمنة للسكتة دية
جنة : فين التورتة …
كلهم : عايزين تورتة
سيف : اتجوزتي خلاص يا سيلا مفيهاش بقا نومة لحد العصر المسؤلية كدا كبيرة طول ما عاصم موجود في مصر
صفاء: اول مرة بعيد عن حضني بجد يا سيلا هتوحشيني قلبي و عمري و روحي تكوني انتي يا سيلا نور عيوني
سيف: فين الزغروطة … زغروطة حلوة
صفاء: فرحانة بيكم انتو الاتنين عشت و شوفتكو متجوزين
خلصت الأغنية و ايسل و عاصم فرحوا بيها جدا
بوسي و منار و روان شدوها و وقفوا علي جنب
بوسي : يا حياتي مبروك
منار : مبروك يا ايسل مش مصدقة انك خلاص اتجوزتي اهو و ودعتي السنجلة
ايسل : عقبالك يا موني
روان : وانا يا زفتة واقفة جنبك و ماسكالك الورد و مقولتليش عقبالك انتي كمان
ايسل : ما انتي مخطوبة يا هبلة
روان : قصدي قولي عقبال الفرح
ايسل : عقبال فرحك يا قلبي
_______________
عاصم حمل ايسل علي ايديه و نزلها
عاصم : الف مبروك يا حياتي
ايسل : الله يبارك فيك
عاصم : اخيرا بقينا لوحدنا … انتي عارفة انا مستني اللحظة دي بقالي قد ايه
ايسل :طب ممكن ادخل الحمام دقيقة واحدة مش هتأخر
عاصم : اوكيه اتفضلي … ايسل ممكن تتوضي عشان نبدأ حياتنا صح
ايسل بابتسامة : اكيد طبعا
دخلت ايسل الحمام و هي متوترة و خايفة و اتأخرت عن 5 دقايق
عاصم : ايسل بتعملي ايه ده كلو يا بنتي
ايسل : جاية يا عاصم
عاصم : طيب محتاجة مساعدة
ايسل : لالا جاية اهو
عاصم : انتي بتعملي ايه عندك
ايسل : يعني هكون بلعب بلايستيشن
خرجت ايسل و بعد انتهاء الصلاة مسك ايديها و سبح علي ايديها و قبلها و دعا ان ربنا يباركلهم في حياتهم
عاصم : طب انا هغير هدومي
ايسل : ها اه وانا كمان
دخلت غرفة النوم و أغلقت الباب خلفها
عاصم : احم طب لما تخلصي افتحيلي
ايسل : حاضر
عاصم : هو يوم باين من أوله انا عارف
فتحت ايسل الباب و ناولته الهدوم اللي هيلبسها و قفلت الباب وراها
غير هدومه و قرر يدخل المطبخ يجهز 2 كوب عصير برتقال يهديها كانت في اللحظة دي هي انتهت من تغيير الاسدال و لبست قميص لونه أزرق …. عاصم خبط الباب و دخل وضع الصينية علي الكوميدينو
عاصم : مبروك يا عروسة عارفة حاسس اني دخلت الجنة بجد مش قادر أصدق اني معاكي مالك ساكتة ليه
ايسل : مش مصدقة هو انا بحلم ولا ده بجد
عاصم : ده بجد بس ايه القمر ده
ايسل بكسوف :بجد عجبك
عاصم : انا مكنتش اتوقع انك بالجمال ده اصلا
ايسل : نعم ليه وانا كنت وحشة يعني
عاصم : مين الحمار اللي يقدر يقول كدا قصدي انك انهاردة احلي يعني
ايسل دموعها نزلت منها
عاصم قربها منه و مالت علي صدره : ايه ده انتي بتعيطي
ايسل : اه
عاصم : دي دموع الفرح بقا
ايسل :في ايام كنت حاسة اننا هنبقي لبعض و ايام تانية مكنتش أتخيل أن يتقفل علينا باب واحد و احنا مع بعض
عاصم : طب و دي حاجة تزعلك
ايسل : لا بس كانت مثلا لما ماما او صحابي بيقولوا ده ندل و مش بيحبك
عاصم : اخص عليهم
ايسل : كانت في حاجة جوايا بتقولي عاصم بيحبك
عاصم : طب ما انتي عارفة ان عاصم بيحبك
و قرصها من كتفها
ايسل : بس يا عاصم بغيير
عاصم : لا بصي مش عايزين نتكلم عن اي حاجة تضايقنا خاااالص انهاردة … ممكن
ايسل : ممكن
عاصم بيمسح دموعها : طب ايه
ايسل بقلق : ايه
عاصم : احم انهاردة يعني
ايسل : عاصم انا نسيت اقولك
عاصم : ايه
ايسل : تعالي هقولك في ودنك
عاصم : هو في حد معانا في البيت وانا معرفش
ايسل : تعالي يا عاصم هقولك
همست في أذنيه بالكلام
عاصم : لا بتهزري صح ايسل حبيبتي اكيد بتهزري مش كدا
ايسل : لا مش بهزر
عاصم :يا نهار ابيض يعني الليلة باظت
ايسل : يا حبيبي مكنتش اعرف
عاصم : هو احنا مش محددين اليوم ده وانتي عارفة أنها مش هتجيلك مقولتيش ليه يعني
ايسل : يا عاصم غصب عني جات بعدها بأسبوع اعمل ايه بقا
عاصم : انا عارف ان حظي زفت ولله
ايسل : خلاص يا حبيبي مش مهم كلها كام يوم و تخلص
عاصم : طيب تعالي نتفرج ع Tv برة
ايسل : لا انا بقول ننام احسن و بكرة نصحي و نتفرج و كل حاجة ماشي
عاصم : ايسل …. ازاي عندك البيريود وانتي اصلا صليتي
ايسل قامت من جنبه و وقفت جنب الباب : هاا لا اصل
عاصم قرب منها :بتكدبي
ايسل بتبعد لحد ما التصقت في الحائط : ماهو انا خايفة بصراحة
عاصم وضع ايديه علي شعرها و مسحه بحنية : يا حبيبتي مفيش حاجة غصب عنك اهدي كدا خالص
قرب منها و قبلها من شفايفها بكل رقة و توترها بدأ يقل تدريجي
ايسل : انا مش بحلم مش كدا
عاصم بحنية: حلم ازاي وانا جنبك و ببوسك
خلع التيشرت اللي لابسه و كان لابس بنطلون فقط و بدأ يبوس رقبتها و شفايفها مرة تانية
عاصم : بقولك ايه تعالي نشرب العصير اللي انا عاملهولك عشان تهدي شوية
ايسل : فعلا انا كنت محتاجة اشرب حاجة
عاصم
شربت العصير و هو شرب معاها من نفس الكوب و قبلها من شفايفها و لسانه بيتذوق طعم العصير من شفايفها
عاصم : تعرفي طعم العصير احلى من بوقك
ايسل : بجد
عاصم : orange juice kiss ( بوسة عصير البرتقال ) … بقولك ايه تعالي ننام ع السرير
نامت جنبه سندت رأسها علي صدره و نامت في حضنه
عاصم : خايفة من ايه
ايسل : ما انت عارف
عاصم :طب ايه رايك انا مش هعمل حاجة الليلة دي
ايسل : بجد
عاصم : اه كفاية انك في حضني و معايا هعوز ايه تاني
ايسل : انت حنين اوي يا عاصم …. لا بس انا خلاص بقيت ملكك اعمل اللي انت عايزه
عاصم : يعني انتي مش خايفة دلوقتي
ايسل : لا اطمنت
عاصم بدء ينزل هدومها وهو بيقبلها من شفايفها و هي بدأت تبادله القبلات بلهفة و حضنته اكتر
_______________
تاني يوم
مختار : سيف اول ما نطلع نسلم عليهم عايزك تسأل اخوك عمل ايه و طمنا
سيف :يا بابا انا مالي ازاي اسأله سؤال زي ده انت بتهزر
مختار : مانا مش هعرف اسأله
عبير : خلاص خلي بوسي تسأل ايسل
مختار : اه علي رايك
_______________
منار : يعني انتي يا بيبي اتقفشتي زي التلميذة من الكدبة
ايسل : كدا طب انا مش مكلمة
روان : لا والنبي هنتكتم كلنا اسكتي يا منار لحد ما تخلص كلامها
بوسي : خلاص بقا و اسكتي انتي كمان بطلي دوشة … كملي كملي
ايسل : ايه عايزين ايه ما خلاص الحوار خلص
منار : يا نهار اسود خلصت ايه دي لسة هتبتدي كملي بقا
ايسل : اكمل ايه يا موني بس
روان : احكيلنا عملتو ايه
ايسل : لا لا يمكن اقول هو الحوار خلص لحد هنا
روان : هو ايه ده اللي لايمكن هو احنا بقولك هنديكي حقنة ما تحكي بقا رخامة لو معرفناش منك هنعرف من مين و بعدين انتي عارفة احنا بنحب نسمع الحاجات دي يلا بقا
ايسل :خلي بوسي تحكيلكم ما هي اتجوزت قبلي
بوسي : مانا حكيتلكو ياختي قبل كدا
روان : يا حراام اوعي يكون مفيش حاجة حصلت اصلا عشان كدا مش هتحكي
منار : اوعي يكون مفيش حاجة حصلت
ايسل : ولا يهمني علي فكرة و مش هحكيلكو حاجة … بوسي سكتيهم بقا
بوسي : خلاص بقا بطلو قلة ادب …. ايسل تعالي عايزاكي هقولك ع حاجة
روان : عارفة لو حكيتلها ولله هزعل بجد
بوسي : مش هحكي في كدا ع فكرة
_______________
بوسي : ها طمنيني
ايسل : الحمد لله مفيش اي مشاكل بالعكس ده جامد اوي
بوسي : بجد يعني هو سليم
ايسل : اوي
بوسي : طب كويس الحمدلله
_______________
عاصم : ايسل
ايسل : ايه يا حبيبي
عاصم : تعالي هوريكي حاجة جايبلك حاجة كنتي عايزاها
ايسل : ايه هي
عاصم : تعالي بس
ايسل نزلت معاه و اتفاجأت ب كلب اللي شافت صورتها ع الانترنت
ايسل:دي الكلبة الهاسكي
عاصم: ايه رايك
ايسل :الله شكلها حلو اوي بس احنا مسافرين مين هياخد باله منها
عاصم:يا حبيبتي هما أسبوعين و بعدين متقلقيش حامد هياكلهم انا جبت شكارتين دراي فود عشان لو خلص قوليلي بقا هتسميها ايه
ايسل : بيلا Bella
عاصم : ماكس و بيلا يعني
ايسل: امممم تصدق شكلهم حلو