الفصل 19 ( كبرياء الصمت )
مارينا الساحل الشمالى _ فندق بورتو مارينا
عاصم و ايسل امام موظفة الريسبشن
عاصم : لو سمحت عايز اعمل Check _ in
الموظفة : حجز لمدة كام يوم ي فندم
عاصم :أسبوعين انا و هي
الموظفة : حضرتكم عرسان جداد
عاصم : اه فرحنا كان امبارح
الموظفة : تمام حضرتك حابب Double room ولا Queen Room
عاصم : ممكن suite
ايسل : ليه سويت يعني هو مصاريف و خلاص
عاصم : ممكن اسجل البيانات و ياريت حد يطلعلنا الشنط علي ما نتفرج شوية ع المكان برة يعني 10 دقايق كدا …..
الموظفة : concatenation
عاصم & ايسل : thanks
عاصم لاحظ أن ايسل مندمجة مع المكان بتتفرج عليه و بعدت عنه شوية
عاصم : بقولك ايه كنت عايز اعمل حاجة كدا في الأوضة بتاعتنا
الموظفة : حاجة ايه
_______________
في السويت اللي موجود فيه عاصم و ايسل
دخلوا الغرفة الخاصة بيهم ايسل اتفاجأت بالورد المرسوم علي الارض باسمها و البلالين لونها أحمر و ابيض و اسود علي شكل مستطيل طويل في كل ركن في السويت و منظر البحر من البلكونة و الشباك عجبوها و جانبهم صورة مستطيلة باللون البني مكتوب عليها ( ملكتي ايسل ) ( My queen Aysle )
ايسل باندهاش : ايه الجمال ده … دي زي الحاجات اللي بشوفها ع النت جميل اوي يا عاصم
عاصم : شايفة مكتوب ايه … My Queen Aysle يعني حضرتك من انهاردة ملكتي اي حاجة انتي عايزاها هتتعمل
ايسل : ده كتير عليا اوي
عاصم : مفيش حاجة كتير عليكي يا روحي
ايسل بتنهيدة : ياااه يا عاصم بجد مكنتش أتخيل أن انا في يوم من الايام ممكن اشوف كدا او يتعملي كل ده
عاصم : انا جيت هنا قبل كدا لكن اول مرة احس بمعني كل حاجة بجد غير بيكي معاكي كل حاجة بتكون ليها طعم مختلف
ايسل : ربنا يخليك ليا
عاصم : و يخليكي ليا يا حياتي
ايسل : اوووف الرحلة كانت طويلة انا محتاجة اخد شاور يا حبيبى بجد من التعب
عاصم : اوكيه يا روحي ادخلى خدى الشاور بتاعك وانا هطلب الغدا
و فعلا بعد نص ساعة كان الروم سيرفس جابلهم الغدا و كان شاب
الشاب : هابى ويدينج ( زواج سعيد )
عاصم : ميرسي
عاصم : سيلا يا حبيبتي يلا عشان تاكلي
ايسل : حاضر يا حبيبي خلصت طالعة اهو
خرجت ايسل من الحمام و لبست لانجيري احمر و عليه البورنس بتاعها
عاصم : استحميتي
ايسل : اومال يعني خارجة من البحر
عاصم عصر خدودها بايديه بحنية و هو بيقبلها من شفايفها : ما تبطلي بقا طولة لسان شوية
ايسل: مقدرش يا بيبي
عاصم بيفتح الروب : اموت انا في بيبي اللي طالعة منك دي …ما توريني اللي انتي لابساه تحت الروب ده عايز اشوف
ايسل بنرفزة: نعم يا حبيبي تشوف ايه بطل قلة أدب مش انهارده انا مولاتك …. مولاتك بتؤمرك تقعدبأدبك ممكن
عاصم : ايه يا هبلة انتي انا جوزك بقولك ايه هدخل اخد شاور بسرعة كدا عشان تعبت من السفر و هخرج و ناكل بقا و محتاجين ننام شوية عشان ع المغرب كدا نخرج
ايسل : اوكيه يا حبيبي ادخل
بعد دقايق انتهي عاصم من الشاور و خرج لابس شورت لكن اتفاجأ لما شافها قلعت البرنس و كانت بتسرح شعرها لما شافها كدا بدأ يصفر
عاصم : ايه القمر ده
ايسل : بكاش علي فكرة
عاصم : اللانجيري هينطق من عليكي
ايسل : بجد
عاصم : امممم حلو اوووي انتي بتعملي ايه
ايسل : هسرح شعري بس عايزة أشغل الاستشوار عشان انشفه الأول
عاصم : اسرحهولك انا
ايسل : اوكيه
مسك الاستشوار و بدأ يجففلها شعرها و يسرحلها و هو معجب بشكله و كان بيحاول يعملها تسريحة جديدة مع انه اول مرة يعمل كدا لكن كان بيحاول فتح فيديو علي الموبايل بتاعه ل فيديو بلوجر اجنبية بتعمل تسريحة شعر و بدأ يقلدها لحد ما أتعلم و خلص التسريحة
ايسل :تصدق شكلها حلو
عاصم : ده عشان عليكي انتي
ايسل : كيوت صح
عاصم : اكيد طبعا يا حبيبي
ايسل : عارف كنت حاسة اني بنتك الصغيرة اللي بتحاول تسرحلها شعرها و مامتها مش موجودة مع انك اول مرة تعمل كدا لكن بتجرب تعملها حاجة جديدة و تفرحها
عاصم سند رأسه علي كتفه و هو واقف خلفها و بيبوسها من خدها : فعلا حسيت انك بنتي …. انا قبل ما اعرف مكنتش عايز ارتبط ولا احب مكنش عندي ثقة في اي بنت لاني كل اللي عرفتهم مسلمين نفسهم و خلاص كلهم اوبن مايندد حتي اللي عادي برضو كانو بيكلموني و يحاولو نتصاحب فعلا كنت محتاجك كنت محتاج قلبي يدق بجد و هو واثق فيكي من غير خوف كنت محتاج احس براحة وانا معاكي كنت بحب اسمع كلامك و نصائحك ليا كنت بحس انك امي اللي لما بغلط بتفهمني غلطي كنت محتاج اتغير كنت محتاج اصلي وانا مش خايف و انا مرتاح كنت محتاج احس براحة كبيرة اوي و سعادة كنت مفتقدها و لقيتها معاكي و بقيت بحلم باليوم اللي نكون فيه كلنا مع بعض انا وانتي و فريدة و حمزة و اسر عيلتنا الصغيرة اللي هنربيهم مع بعض و نعلمهم كل حاجة مع بعض
ايسل : هو ده بجد صح يعني انا مش بحلم
عاصم بيبوسها من ايديها: أيوة بجد طبعا بقولك ايه ما تيجي ناكل عشان جوعت اوي و الاكل هيبرد
ايسل : ياريت وانا كمان جعانة اوي
_______________
عاصم : سولي اصحى يا حبيبتي كل ده نوم
ايسل بتدلع و هو بتقوم من السرير : هي الساعة كام
عاصم :الساعة 10 بالليل
ايسل : يااه انا نمت كتير اوي كدا
عاصم بيقبلها من خدها : طب يلا عشان تلبسي و نخرج
ايسل :اوكيه يا قلبي
بعد ربع ساعة كانت ايسل و عاصم جاهزين .. عاصم لابس تي شيرت أزرق و شوز و شورت و ايسل فستان فيروزي طويل عليه فصوص فضي من الكم و الرقبة
عاصم : ايه الحلاوة دي
ايسل : مش مراتك لازم ابقي احلى واحدة تشوفها
عاصم : انتي احلى واحدة فعلا
_______________
تاني يوم
عاصم : الباب بيخبط ده شكل حد من الروم سيرفس
ايسل : طيب هروح افتح
عاصم : لا خليكي هفتح انا يمكن راجل
ايسل بدلع : بتغيير عليا
عاصم : اوي لا استني كدا اما أشوف مين و راجعلك عشان شكلنا هننسي اللي بيخبط ده
بيفتح عاصم الباب
الشخص: مدير الاوتيل بعتني لحضرتك عشان اقولك انه مقدملك كادو ليك لان فيه تيم جديد ويدنج بلانر عاملين أوفر لأول 2 كابلز عرسان هيحجزوا في الاوتيل ليهم فرح هدية في الاوتيل و ك سبونسر يعني للاوتيل
عاصم : اااه اعلان يعني
الشخص : اه انا قولت ابلغ حضرتك لو معاك البدلة و الفستان نكويهم و نجهزهم ليكم
عاصم : اه احنا كنا هنعمل فوتو سيشن هنا عشان كدا جبتهم معايا ثواني هجيبهملك
دخل عاصم جهزل الملابس و اعطاهم للعامل
الشخص : تمام يا فندم enjoy و يارب البارتي يعجبكم
عاصم : اكيد طبعا ميرسي جدا
دخل عاصم عند ايسل كانت بتبدل ملابسها
ايسل : مين يا حبيبي
عاصم : ده واحد من اللي شغالين في الاوتيل بيقول انهم هيقدمولنا كادو فرح لينا
ايسل : بجد و ده ليه
عاصم : تقريبا ده نظام جديد عندهم بس بيقول ان فيه تيم جديد ويدنج بلانر هيكونو سبونسر في الاوتيل هما اللي مشاركين الحفلة
ايسل : طيب هي بالليل يعني ولا امتي
عاصم : اه انا عن نفسي مش هلبس غير البدلة و اسرح شعري و بس
ايسل : طبعا يا بختك إنما انا لسة بقا الميكب و شعري
عاصم :ممكن نشوف هير دريسر و ميكب ارتيست هنا اكيد فيه هيظبطولك كل ده
ايسل: تمام يا حبيبي
_______________
دخل عاصم و ايسل القاعة المتجهزة للحفلة بتطل علي البحر مفروش الارض بالورد باللون الوردي المجفف إلي الكوشة الصغيرة عبارة عن كوخ بالخشب صغير مفتوح بالستائر لون الستائر وردي و مفروش علي الارض ورد مجفف بينك بشكل قلب و بيطل علي البحر الفرح بالنهار قبل الغروب و منظر البحر رائع .. قدمولهم العصير و كان عصير برتقال زي ما عاصم طلب و شربوه مع بعض و ختم الكوب بقبلة من شفايفها كأنه بيتذوق العصير منها بدأت رقصة السلو علي اغنية _ Sway lyrics ل Michael buble
( ده لينك الأغنية لو حد حابب يسمعها
https://
)
رقصوا مع بعض و هما فرحانين بالاستايل و اختيار الألوان
_______________
بعد مرور أسبوعين
ايسل بتتمشي مع عاصم علي البحر : معقولة بقالنا اسبوعين هنا …. انا بجد مش مصدقة زي ما يكون غمضت عيني و فتحت … انا مش عايزة ارجع يا عاصم
عاصم : وانتي مين قالك ان انتي هترجعي اصلا
ايسل : هههههه بجد
عاصم وضع ايديه حوالين وسطها و هي وضعت ايديها علي رقبته: حبيبتي هنفضل هنا لغاية ما تزهقي و تقولي خلاص
ايسل : انا مش ممكن ازهق
عاصم :ربنا يقدرني و اخلى ايامك كلها شهر عسل
ايسل : ربنا يخليك ليا يا حبيبي
عاصم : أحمد بيتصل استني بس اكلمه
ايسل اخدت منه الموبايل : يا حبيبي مش وقته احمد دلوقتي احنا في شهر العسل
عاصم : خلاص بلاش احمد بس ابقي فكريني لما نطلع الأوضة اكلمه
ايسل مسكته من خدوده : حاضر حاضر يا روحي لو افتكرت هفكرك
عاصم بيضمها لحضنه : طب يلا ننزل الماية
ايسل: يلا طبعا
_______________
بعد مرور 4 أيام كان اخر يوم ليهم في الساحل
عاصم : طب ايه يلا بينا بقا عشان احنا بقينا الساعة 4 و كدا هنتأخر نلحق ننزل الماية شوية
ايسل: ياريت انا بجد عايزة انزل الماية هتوحشني اوي مش مصدقة اننا هنروح بكرة. .. ااه صحيح هكلم ماما اطمنها عليا عشان وحشتني هي و جدو
عاصم : طيب علي ما تكلميها هروح احجز 2 شازلونج و شمسية
ايسل : اوكيه
عاصم حجز الشازلونج و كانت ايسل بتكلم والدتها شاورلها من بعيد و راحت عنده
ايسل : معاكي عاصم يا ماما اهو
عاصم بيتناول الموبايل منها : ايه يا طنط ازيك الحمد لله ولله مبسوطين جدا دي في عينيا طبعا جدو عامل ايه … بيصلي ماشي سلميلي عليه ماشي يا طنط ربنا يخليكي ماشي سلام
عاصم : يلا ننزل الماية
ايسل : طب اطلبلنا عصير الأول نشربه و نتفرج ع الجو و بعدين البحر هو هيروح فينا دا القعدة على الشط احلى من النزول فى البحر
عاصم : تصدقي صح تعالي نقعد ع الشط احسن و هشوف حد يجيبلنا عصير
عاصم قعد علي حرف الشاطىء و ايسل جانبه و ايديه علي كتفها و هي ساندة رأسها علي كتفه
عاصم : بس انتي مقولتليش يعني الجواز طلع حلو ولا مش حلو مش عايزة تطمنيني يعني
ايسل : حلو اوووي طبعا بس بصراحة يعني قلقانة شوية
عاصم : قلقانة من ايه
ايسل : يعني خايفة من روتين بعد الجواز ده
عاصم :روتين بعد الجواز ده ايه بقا
ايسل : يعني كل ال بنات اللي اتجوزوا بيقولوا ان الجواز شهر العسل و بس و بعد كدا كلو ملل و روتين
عاصم : كلو ملل و روتين
ايسل : امممم
عاصم : لا ال كلام ده مش معايا انا عن نفسي بحب التغيير جدا
ايسل بنرفزة : بتحب ايه يا عينيا … التغيير اه يعني كمان كام يوم هتيجي تقولي اصل انا بحب واحدة تانية و عايز اتجوزها يا ميلة بختك يا ايسل
عاصم : بس بس كفاية بتردحيلي في الساحل شوفتي انتي اللي نيتك سيئة ازاي يعني ممكن اقولك فجأة تعالي نخرج نتعشي برة متعمليش اكل انهاردة …. ممكن مثلا اقولك تعالي حضري الشنطة هنسافر.. نحضر حفلة المهم ان مش هيجيلك اي زهق ولا روتين ولا الكلام الفاضي ده… المهم انتي بقى متعمليش زي ال بنات التانية
ايسل :اعمل ايه ان شاء الله
عاصم :يعني البنت من دول اول ما تتجوز و تخلف تنسي جوزها ده خالص كأنه ديكور قاعد في البيت و كل الوقت لأولادها
ايسل : طب ما ده طبيعي يا عاصم
عاصم : انا فاهم طبعا بس الإهمال مهما كانت المشاغل و المشاكل بيقتل كل حاجة حلوة بينهم و أوقات بيكون باب بيودي لحاجات خطر و ده حصل مع واحد صاحبي انا مش هعمل كدا طبعا لكن بقولك ان الإهمال نفسه مش حلو يعني يكون وسط كدا الست العاقلة هي اللي بتقدر تقسم وقتها مابين جوزها و ولادها … ال راجل مننا برضو يا ايسل بيحب يتدلع و مراته تهتم بيه
ايسل : لا متقلقش انا هفضل اهتم بيك دايما بس برضو لازم تفهم أن الولاد بياخدو من وقتها كبير
عاصم : انا عن نفسي هغيير منهم لو هياخدو كل وقتك
ايسل : خلاص يبقا نأجل موضوع الولاد ده بعدين
عاصم : لا طبعا ده انا نفسي يجي اليوم اللي اشوف فيه حمزة الصغنن و فريدة الصغننة و الواد أسر و العب معاهم بقا و خصوصا فريدة
ايسل : حيلك حيلك حمزة و فريدة و اسر لا طبعا مش هنجيب ده كلو هما كفاية واحد ولا اتنين و بعدين شوفت بقا انت بتقول انك هتلعب معاهم علي طول يا خوفي ل تنساني و تلعب مع فريدة
عاصم : مين قالك اني هنسي سيلا و بعدين انا دلوقتي عايز العب مع سيلا مش فريدة يلا بقا
ايسل بتضحك : تعلب مع مين يا عاصم
عاصم : يلا ننزل الماية
شدها عاصم من ايديها و نزلوا البحر
_______________
في التجمع الخامس في شقة مختار العدوي
عبير :عاصم اتأخر كدا ليه مش قالو جايين انهاردة
بوسي : اه يا ماما
جرس الباب بيرن بتفتح عبير فرحت لما شافت عاصم حضنته جامد و هي مبسوطة
عبير : ازيك يا حبيبي حمدلله ع السلامة وحشتني اوي
عاصم : وانتي كمان يا ماما
سيف :عامل ايه يا معلم واحشني
احمد :ايه يا عريس ازيك
جنة : وحشتوني اوي كل ده
ايسل : وانتي كمان يا روحي
عاصم : وانتي كمان يا جوجو كنتي وحشانا جبنالك أحدث لعبة ل السا و آنا
جنة : هيييح بجد ميرسي يا خالو
بوسي : أسبوعين و نص عسل ليه ها
ايسل : عاصم هو اللي قال نطول مدة الحجز
عبير :يا حبيبي انا عملتلك كل الاكل اللي انت بتحبه عملتلك محشي ورق عنب و بط و بامية و صينية المكرونة بالبشاميل اللي انت بتحبها
ايسل :بس انا يا تانت ( طنط ) مش بحب البط
( ملحوظة : هي قصدها تقولها طنط لكن بتقولها ب حرف ( تاء ) بدلع )
عبير : تانت اااه مانا عملت فراخ برضو عشان البونبوناية بتاعتك مش بتحب البط
ايسل : معقولة يا تانت حضرتك بتقوليلي نفس الدلع اللي عصومي حبيبي بيقلهولي مش كدا يا بيبي
عاصم اندهش من طريقتها في الكلام : اه كدا يا بيبي طبعا انتي البونبوناية بتاعتي اصلا
(قبلها من ايديها)
صفاء بضيق : اه طيب يا حبيبي يلا كلها 5 دقايق بس و احضرلك الاكل بتاعي عشان ترم عضمك بدل اكل الاوتيل ده اللي خلاك خاسس كدا
ايسل حضنت عاصم بدلع:لا معلش يا تانت الحاجة هو مش جعان دلوقتي يعني ساعة كدا ولا حاجة هياكل اصل عصومي حبيبي محتاج يريح شوية اصل انا كنت في البيوتي سنتر قبل
ما نيجي و عملت شوية حاجات عايزة اوريهاله ماهو ده اللي أخرنا يا تانت
عبير : بيوتي سنتر
ايسل بدلع : اها يا تانت يلا يا بيبي عشان تريح فوق شوية
عاصم :احم طب عن اذنكو يا جماعة هنطلع و ساعة كدا و ننزل ناكل
خرج عاصم و ايسل و طلعوا شقتهم في الدور الثالث
عبير بعصبية : شايفين …. دي بتقولي يا تانت قال تانت قال
بوسي بتضحك :يا ماما بتهزر معاكي
عبير : لا و قال ايه عايزة تطلع فوق مش حتي سايباه شوية معانا
احمد : يا ماما هما عرسان جداد من حقهم يعني يكونوا لوحدهم
_______________
ايسل قاعدة في الريسبشن مع روان و منار و بنت قريبتها بيتفرجوا على صور عاصم و ايسل في مارينا علي التابلت ..
زينة : زي القمر يا سيلا بجد
ايسل :يا زيزي انتي اللي قمر ولله عقبالك يا روحي و عقبالكم انتو كمان
منار : بجد الصور تجنن يا سيلا
روان : الجواز طلع حلو اهو
ايسل : استنوا اما شوف مين بيرن الجرس
بتفتح ايسل الباب كان سيف
سيف : يا سيلا …ايه الحلاوة دي يا بنتي هو الجواز بيحلي كدا
ايسل بتضحك : سيف وحشتني ولله
سيف : وانتي كمان
ايسل :تعالي ده روان و موني هنا
دخل سيف الريسبشن بيسلم علي روان و منار
سيف : مساء الخير
زينة : مساء النور
سيف بيهمس لايسل في اذنيها بصوت هاديء: مين دي
ايسل : دي زينة
سيف : زينة مين
ايسل :بنت طنط ميرفت بنت خالت ماما اللي كانت متصورة معايا في الصور اللي لما كان عندي 18 سنة و قولتلي مين دي
سيف :اااه اهلا وسهلا لا كبرتي يا زينة و بقيتي عروسة اهو
زينة بتضحك :بس ايه رأيك
سيف : في ايه
زينة بتضحك :فيا
سيف : اممممم لا اصلي يا زينة اصلي ولله
ايسل شدته من ايديه وقفوا بعيد عنهم : تعالي يا واد تعالي عايزاك
سيف:ايه يا بنتي في ايه
ايسل : تعالي بقا
سيف : طب هجيلكو تاني بقا اما اشوفها عايزة ايه
ايسل : تعالي كدا
سيف : ايه يا بنتي
ايسل : ها ايه رايك عجبتك
سيف : هي مين دي
ايسل : زينة
سيف : زينة مين
ايسل : بنت طنط ميرفت
سيف : طنط ميرفت مين
ايسل : يا واد اسكت بقا لو عجبتك هكلمهالك و اكلم مامتها و اخطبهالك
سيف : ايه هو ده انتي عايزة تخلصي مني
ايسل : يا واد عايزة أفرح بيك
سيف : اومال انتي محلوية ليه انهاردة كدا يا خلاصي بصي انا هنزل عشان قولت اسلم عليكي ورايا شغل ها باي
ايسل : يا سيف استني …
_______________
عبير : يعني انا مش فاهمة كل يوم يا عاصم بتجيب ديلفري اومال الهانم بتاعتك مبتعملش حاجة
ايسل كانت لسة هتتكلم عاصم قاطعها
عاصم : لا بتعرف يا ماما و شاطرة اوي كمان بس انا عايز اريحها شوية هي برضو لسة عروسة
عبير :عروسة شهر و نص و لسة عروسة
عاصم :ماما علي فكرة ايسل بتحبك و هي مش اخداني منك ولا حاجة بالعكس هي اللي بتطلب مني ننزل عندك كل شوية
عبير : ولله فيها الخير
عاصم :بصي يا ماما كرامة ايسل من كرامتي و انتي عارفة انا بحبك قد ايه يا ماما بس لما بتزعلي ايسل كأنك بتزعليني ف ياريت لو بتحبيني بجد متضايقيهاش
_______________
جنة كانت قاعدة مع ايسل في المطبخ بتتكلم معاها و بتحكيلها عن المدرسة عاصم في الوقت ده دخل عندهم
عاصم : طب بقولك يا جوجو ما تنزلي لمامتك كانت بتنادي عليكي
جنة: اومال انا مسمعتهاش ازاي
ايسل بتضحك: متحاولش تطفشها
عاصم : بت هو انتي مبتسمعيش الكلام ابدا انا مش فاهم انتي لازمتك ايه ها
جنة : وانت بقا لازمتك ايه ده انت مبتعملش حاجة غير انك بتبوس ايسل كل شوية قلة أدب
عاصم لايسل : عاجبك كدا شمتيها فيا
ايسل : مانت اللي شقي يا بيبي
عاصم : جوجو حبيبي ماما عايزاكي على فكرة انا سمعتها بتنادي عليكي
جنة : اااها اوكيه … انت برضو خالو ف هصدقك بس لو طلعت ماما مش عايزاني متزعلش من اللي هيحصلك
عاصم : لالا عايزاكي على فكرة حتي روحي شوفيها
_______________
عاصم بيفتح باب غرفة النوم و ايسل نايمة علي السرير و في ايده صينية عليها جاتوه و عصير برتقال و جبنة رومي و جبنة كيري و عيش كيزر جلس بجوارها علي السرير و بيحاول يصحيها بهدوء
عاصم بيقبلها من خدها: ايسل … سيلا … صباح الفل
ايسل قامت و سندت رأسها خلفها : صباح الخير يا حبيبي
عاصم : صباح النور يا روحي نايمة لحد الضهر
ايسل باستغراب: ايه ده يا عاصم معقولة انت اللي محضرلي الفطار بنفسك … خلاص بقا انا اللي هفطرك عشان عارفة اكيد انت لسة مفطرتش
بتتناول منه الصينية و مسكت طبق الجاتوه و بتأكل عاصم منه : ياااه يا عاصم انا من مش متخيلة من غيرك اعيش ازاي في الدنيا دي
عاصم : بتهيألي تعيشي في شقة مامتك او جدك
ايسل بتأكله تاني قطمة من الجاتوه : لا يا حبيبي مش قصدي اعيش فين انا قصدي يعني … يعني عايزة اقولك ان انا بحبك
عاصم : اممممم مانا عارف طبعا بس انا بهزر
ايسل : مانا بقول برضو انت مش بالغباء ده …. قصدي يعني هزر براحتك يا حبيبي
عاصم قبل ايديها : ربنا يخليكي ليا
ايسل بملامح قلق و خوف: عاصم … انا نسيت اقولك حاجة مهمة اوي
عاصم بقلق: في ايه خير
ايسل بابتسامة هادئة وهي بتلمس دقنه : مش انا بحبك
عاصم : يخرب عقلك خضتيني … انا اللي بموت فيكي
ايسل : خد يا حبيبي اشرب العصير
عاصم : لا نشربه سوا … بصراحة كدا عايز Orange juice kiss ( قبلة عصير البرتقال )
ايسل ضحكت : تصدق مبقتش بعرف اشرب العصير ده غير وانا معاك
عاصم : و مش هنشربه غير مع بعض بعد كدا
_______________
في يوم كان عمرو قاعد مع روان في البيت عندها
عمرو :روان انا جايبلك هدية و يارب تعجبك
روان : ايه هي
عمرو بيفتح الشنطة: كنت بجيبلك الحاجات دى
فتحتها روان بفرحة… واستغربت بعد ما فتحتها
روان : ايه ده يا عمرو ؟
عمرو :دى كام طرحة عجبونى وقولت اجيبهوملك
روان :بس انت عارف انى مش محجبة.. ولا عايز توصلهالي بطريقة غير مباشرة طب ما تقول دوغري ع طول
عمرو : وانا يعنى مقدرش اقولهالك انا مش بلف ولا ادور ولا حاجة
سكتت روان بعد ملامحها اتغيرت
عمرو :مالك يا حبيبتي مكشرة ليه .. طب ايه المشكلة يعني لما تتحجبي
روان :مفيهاش حاجة يا عمرو لما اكون عايزة اتحجب هتحجب مش هستني لما حد يفرضه عليا
عمرو :انا مفرضتوش عليكى…انا بطلبه منك
روان : ليه
عمرو : علشان هتكوني بيه احسن من كدا
روان :وانا كده مالى
عمرو :انا عايزك محجبة فيها ايه دى… وبعدين هو ده مش فرض ولا حاجة غلط بطلبها منك
روان :انا مقولتش حاجة بس عايزة لما ألبسه ألبسه باقتناع واكون من جوايا عايزة ألبسه وعايزة ارضى ربنا بيه مش ارضي بيه حد مش بالطريقة دى يا عمرو…انا محبش حد يفرض عليا حاجة
عمرو :انا مش حد انا خطيبك
روان : و اشمعنا دلوقتي يعني عايزني اتحجب احنا مخطوبين من كذا شهر
عمرو : عادي يعني انا مش غصبتك ع حاجة ده مجرد نقاش بس بيني و بينك ولو رفضتي خلاص
روان :انت خطبتنى مش محجبة ومش هتحجب غير برغبتى انا…مش علشان اتخطبت او اتجوزت
عمرو : افهم من كدا يعنى مش عايزة تتحجبى
روان :مش عايزة يتفرض عليا انما ممكن اقتنع واتحجب اى وقت خطوة الحجاب دي صعبة لازم أكون قدها لازم حاجات كتير تتغير في حياتي عشان اتحجب واكون مقتنعة
عمرو : ماشي يا روان عموما اعتبري ان مفيش حاجة حصلت نغير الموضوع
_______________
ايسل جالسة علي كنبة في الغرفة و عاصم نايم علي رجلها و هي بتمسح شعره بايديها بحنية
عاصم :ايسل انا مبسوط اوي بجد حاسس ان حياتي فعلا اكتملت بس اكتملت بيكي انتي اول مرة احس ب كدا من يوم ما اتولدت …
ايسل : عاصم انا عايزة اقولك علي حاجة
عاصم قام من علي رجلها و قعد جمبها: قولي يا روحي
ايسل : عايزة اقولك ان انهاردة احلي يوم في حياتي و حياتك
عاصم : طب ايه بقا مالو انهاردة حلو كدا ليه
ايسل : اممم بص انا بقالي كام يوم كدا مش متظبطة و حاسة اني تعبانة ف قلقت علي نفسي و كلمت ماما و قالتلي روحي للدكتور و قالي
عاصم : ايسل انتي حامل ؟
ايسل :اه
عاصم :قولي ولله
ايسل :ولله
عاصم ضمها لحضنه : يا حبيبتي بجد
ايسل : هيكون عندنا بيبي يا عاصم
عاصم : لو ولد هنسميه حمزة
ايسل : او أسر طبعا
عاصم : ولو بنت فريدة ولا غيرتي رأيك
ايسل : لا انت عارف انا بحب اسم فريدة اوي و اكيد مش هغير رأيي … يارب يكون ولد نفسي الولد يكون الأول عشان يكون هو الأكبر و ياخد باله منها
عاصم : كل اللي يجيبه ربنا كويس المهم ان فيه حتة مني و منك جاية في السكة
_______________
في شقة مختار
ايسل بتغسل الأطباق في المطبخ و بتغني مع ال Tv اغنية
(لخبطلى حالى ضيعتلى مالى .. اتدلع علي كيفك اتدلع يا ولا .. لو زعلان اريحك زهقان امرحجك.. اوديك .. واراعيك .. بطل شغل التلاكيك عالى الدي جى شوية الصوت كدة عليا سمسمية عسلية حمصية جامدة دية عالمية يابو العيون حلوين فل على ياسمين يا معقل المجانين وومجنن العاقلين .. بطل شغل التلاكيك. اليله ليله ديه ارقص بقا شويه .. حتة بت انما بلطية جامد جدا حلوة طرية يابو العيون حلوين والورد ع الخدين )
عاصم دخل المطبخ بهدوء من غير ما تحس بيه حضنها من ضهرها
ايسل : عاصم خضتني
عاصم : وحشتيني
ايسل : يا عاصم مامتك برة و بعدين هتسمعنا كدا وانت عارف أنها بتتضايق لما بتقرب مني قدامها
عاصم :طب بقولك ايه ما تيجي ندخل اوضتي و بالمرة تشوفيها
ايسل : يلهوي … يا حبيبي الفرخة علي النار و انا قولت لمامتك هاخد بالي منها عشان تتسلق كويس
عاصم متصنع الحزن : يعني الفرخة تتسلق وانا اتحرق يرضيكي يعني
ايسل اتكسفت : بس بقي يا عاصم
عاصم : یؤغتى ع الكسوف ..بموت فیكى في كل حالاتك ماتجیبى ھا ..
ايسل : نعم ..عاوز ایه
عاصم اتخض: یاما .. اقصد اكل .. اتغدا يا سيلا حرام عليكي جعان
ايسل : يا بيبي 10 دقايق بس و الاكل يخلص
عاصم: عاوز اكل یا سيلا
بیقرب عاصم من ايسل وھیبوسها راحت ايسل وضعت خیارة في بوق عاصم
ايسل : بتتكلكك انت كل یا بيبي
عاصم : بمووت ف ھزار الصعايدة دا …
ايسل: من عنیا یا حبیبى اوریك ھزار الصعايدة ع حق یلا بقى اخرج عشان مامتك برة
عبير بصوت عالي من برة : يا عاصم تعالي هنا عايزاك
ايسل : شايف مامتك قولتلك انا روح شوفها
عاصم : انا مش فاهم ما كنا اكلنا فوق
ايسل : يا حبيبي عشان متقولش ان انا اخداك منها يلا روح شوفها بقا
_______________
ايسل : عاصم عايزة اشوف اوضتك
عاصم : تعالي ادخليها
دخلت ايسل الغرفة كانت عبارة عن نادي الزمالك صور للاعيبة الزمالك و كورة الزمالك و مخدة صغيرة للزمالك
ايسل : مش عارفة ليه حاسة حازم امام ولا شيكابالا هيطلعلي من تحت السرير انت زمالكاوي
عاصم : طبعا يا بنتي ده الزمالك ده طريقي السري للهروب من الواقع البائس
ايسل : قلب امك ده الزمالك هو البوءس نفسه يا حبيبي ده انتو بتخسروا اكتر ما بتلعبوا
عاصم :هي البونبوناية اهلاوية
ايسل : أيوة طبعا
عاصم : يا صلاة النبي لا بصي بقا الزمالك ده خط احمر و ياريت متغلطيش فيه ع الأقل يعني احسن من النادي اللي انتي بتشجعيه ده
ايسل : يابني انت مصدق نفسك الزمالك ده يا حبيبي عبارة عن تيشرت ابيض و الأهلي معلم عليه بخطين حمر
عاصم بجدية:ايسل
ايسل : خلاص يا بيبي هو انا يعني قولت حاجة غلط انت عارف نادي الزمالك ده اتعمل ليه اصلا
عاصم بخنقة:ليه
ايسل : عشان يسلي جمهور النادي الأهلي يا روحي
( شمر أكمام التيشرت وهجم عليها بحضن متوحش و هو بيحملها للسرير)
عاصم : انتي اللي جبتيه لنفسك يا ايسل
ايسل : لا عاصم بلاش كدا اهدي يا عاصم حد يسمعنا
الباب بيخبط بسرعة
ايسل : اووف بقا شوف مامتك مش قولتلك لما الباب هيتقفل هتزعق
عاصم ارتدي ملابسه بسرعة و هو بيفتح الباب و محرج من والدته لكن ايسل رفضت تلبس أي شيء و غطت نفسها بالبطانية
عاصم : حاضر يا حبيبتي هفتحلها اهدي كدا
ايسل : انا هادية علي فكرة شايفني بشد في شعري
عاصم : طب البسي هدومك
ايسل : انا نايمة في سرير جوزي محدش له عندي حاجة
عاصم : طيب
فتح الباب
عاصم : ايه يا ماما مالك
ايسل : هاي يا تانت في حاجة
عبير بعصبية : اووف…أنتم إيه…كنتو ميتين…
عاصم باحراج:ماهو يا ماما
عبير : ماما إيه وبتاع إيه …وهو دا وقته
ايسل لفت الملاية علي جسمها و وقفت جنب عاصم و وضعت ايديه علي ضهرها :حضرتك كنتي عايزة حاجة يا تانت
عبير بلخبطة: ها ااه الدنيا كانت بتمطر خلي الهانم بتاعتك دي تقوم تلم الغسيل بتاعها
ايسل : يا تانت هو كدا كدا لسة منشفش ولو حصل حاجة هغسله تاني
عاصم : خلاص يا ماما هتغسله تاني
عبير : خلاص يا ماما هتغسله تاني ..بدل ما تشدها من شعرها علشان تلم الغسيل و تخلص اللي وراها…خلاص نخيت و بعدين انا عايزة افهم ايه كمية الفوط و الهدوم اللي مغسولة دي معقولة كل ده
ايسل بدلال: يا تانت ما احنا عرسان جداد
عبير : كل ده و عرسان جداد وبعدين بالراحة ع الواد شوية يا حبيبتي
ايسل :قولي ل عصومي هو اللي مش بيشبع مني و مش بيحب يسيبني كتير
عبير بسخرية :ليه يا حبيبتي متجوز صافيناز
ايسل : لا يا تانت سامية جمال
عبير بعصبية : بت انتي مش عايزة اسمع كلمة تانت دي تاني
ايسل :اومال اقولك ايه
عبير :قولي اي حاجة ان شاء الله حتي تناديني باسمي
ايسل :معقولة يا عبير عايزاني اندهلك باسمك قد ايه انتي حماة عظيمة
عبير بنرفزة:انا رايحة اشوف حامد يجيب الطلبات اللي ناقصة
خرجت عبير من الغرفة
عاصم :مش هتبطلي بقا طولة لسان
ايسل : هي اللي بتستفزني
عاصم : وانتي بتقومي بالواجب طبعا
ايسل ببراءة:علي فكرة يا بيبي انا مش بعمل حاجة ده يدوب
عاصم : أيوة يدوب بتطولي لسانك عليها و تحرقي دمها
ايسل :خلاص يا روحي متزعلش و بعدين انت عارف مامتك مش نافع معاها دور الطيبة خالص و لا عايزني بقا اعيط كل شوية متقلقش كدا كدا انا بعرف اظبط أموري معاها كويس
عاصم : ماشي يا ايسل
_______________
في يوم كانت بوسي قاعدة مع و بيتفرجوا علي Tv
بوسي : عاملة ايه مع ماما
ايسل بتضحك :جيتي ع الجرح ولله كالعادة ياستي مجنناني ده انا حاسة انها ضرتى مش حماتى يا بنتي كنا قاعدين عندها امبارح ف عاصم بيقولي يلا نطلع فوق او ندخل اوضته عشان ضهره بيوجعوا و عايزني اعمله مساج يعني وكانت هى قاعده قالتلى اوعى اوعى هو انتى هتعرفى تدعكيله وهى اللى دعكتله ضهره
بوسي بتضحك : و بجد كان ضهره بيوجعه ولا تلكيكة
ايسل : لا بجد يا بنتى ده انا كنت حاسه انى كيس جوافه سيبك من دي يوم الإجازة لما نيجي نخرج بقول يا بت اعزمي عليها تيجي معانا تروح تقوله يا حبيبى ده انت تعبان طول الاسبوع حرام صحتك وفلوسك يا حبيبى ده انت شقيان و الهانم بتاعتك قاعده فى البيت مش حاسه بحاجة وتفضل تقول وتعيد لحد مانا اجيب أخرى و اقوله خلاص مش عايزة اخرج و هو يصالحني و يخلينا نخرج بس بعد نكد بقا منها انا فى الاول كنت باخد كل حاجه على اعصابى وعلى طول فى مشاكل ونكد وهى مبسوطه لدرجة انها كانت بتخلى عاصم واحنا متخانقين مرة يبات عندها عشان يهدى طبعا عاصم عمل كدا عشان ميزعلهاش لكن انا دلوقتى بقيت انفض واريح دماغى تعمل اللى تعمله اصل هحرق دمي علي ايه بقيت استعمل الأسلوب التاني عشان محرقش دمي
بوسي : معلش يا قلبي هي ماما كدا لكن ولله طيبة هي بس فاكرة انك اخداه منها
ايسل : لا يا بنتي مبقتش احط في دماغي اوي حتي مش بقول لماما
_______________
سيف : بجد يا موني بتتطوري جدا عن كل مرة ماشاء الله يا بنتي عليكي
ايسل: بليز يا موني ارسميني بقا انتي مش رسمتيني غير مرة زمان
سيف : بتعرفي ترسمي أشخاص
منار : اه اكيد (موجهة كلامها ل ايسل ) و بعدين هرسمك ازاي وانتي حامل كدا
ايسل : اخس عليكو يعني وانا حامل مترسمش يعني
سيف: طب ارسميني انا يا موني بليز دي اول مرة اطلب منك بليز بقا وافقي
منار : ماشي انا كدا كدا عايزة وجه جديد ارسمه وانت ملامحك هتليق اوي
سيف: بما ان الأدوات معاكي تعالى ارسميني بقا
منار: طب انا عايزة مكان هادي عشان مش بعرف ارسم في الدوشة بصراحة
سيف: امممممم بصي ايه رايك في الجنينة تحت
منار: اوكيه يلا بينا
بعد 5 دقائق منار جهزت اللوحة و أدوات الرسم و بدأت ترسم سيف و مختار
منار :اول مرة تترسم صح
سيف : اه … صحيح هو انا وشي ينفع يترسم يعني حلو ولا ايه
منار : اه علي فكرة جدا ملامحك هادئة و رقيقة اصلا تلفت نظر اي حد ليك لأول مرة
سيف : ميرسي يا موني انتي اللي احلى ولله …. بس قولولي هو البورتريه ده يعني صورة زيي بالظبط ولا هيكون كرتون ولا ازاي
منار : اه بص هو عمتا الفن التشكيلي غير الفوتوغرافية … بمعني اني مش هرسمك صورة طبق الأصل منك هرسمك من وجهة نظري
سيف : مفهمتش
منار : يعني باحساسي هحاول اطلع الحزن اللي مستخبي في عينيك الحب اللي في قلبك و ذكرياتك اللي محددة كل خطوط وشك
سيف : امممم وانتي هتقدري تطلعي كل ده بقا
منار بابتسامة: هو صعب شوية بس انا بحب الرسم جدا ف هحاول اقدر
سيف :ماشي يا ستي وانا موافق
منار : بس خلي بالك الرسمة دي هتطول شوية يعني هنحتاج كام مرة كمان
سيف : عادي نصبر
منار : اهو الصبر ده كمان باين في عينيك اوي و هتشوفه باحساسك لما اخلص البورتريه
سيف بحزن في سره: هو من ناحية بصبر ف انا فعلا بصبر
_______________
ايسل : عاصم معاك سجاير
عاصم : نعم انتي عايزة سجاير ليه
ايسل : لو معاك ولعلي سيجارة
عاصم : ده اللي هو ازاي يعني انا مبطلها من زمان
ايسل : يا عاصم اتصرف انزل اشتري علبة
عاصم : طيب طيب اهدي هبعت حامد يجيب علبة
اتصل عاصم ب حامد البواب و جابله علبة سجائر
عاصم : اهي العلبة عايزة ايه بقا
ايسل : ولع سيجارة
عاصم : انا عارف انك بعد الجواز بقيتي منحرفة بس مش لدرجة تشربي سجاير يعني انتي بتهزري صح
ايسل : لا طبعا مش هشرب ولعها
عاصم : شوفي انتي اللي عايزاني اشرب اهو و لما اشرب ترجعي تقوليلي بطلها
ايسل :يوووه بقا مش عايزاك تشرب ولعها بس و سيبها
اشعل عاصم سيجارة منهم و سندها ع الطفاية
عاصم : مش فاهم انتي عايزة ايه يعني
ايسل : الله ريحتها حلوة اوي
عاصم : نعم ياختي مش دي اللي كنتي بتقوليلي لو فضلت تشربها بعد الجواز مش هبوسك و هقرف
ايسل :بصراحة يا بيبي انا نفسي رايحة ل ريحة السجائر و حاسة يعني اني بتوحم عليها
عاصم : بتتوحمي ع سجائر ليه حامل في ديلر
ايسل : اتكلم عن البيبي كويس
عاصم : لا ما هو انا حاسس هيجرالي حاجة مراتي بتتوحم ع سجاير … الستات بيتوحموا ع رمان علي بطيخ علي مانجا
ايسل : يا بيبي مانجا ايه و بطيخ ايه ما هو موجودين في التلاجة لا بس فعلا نفسي رايحة لريحة السجائر اوي
_______________
في مطعم ماكدونالدز في المهندسين
روان و منار و ايسل قاعدين علي ترابيزة
ايسل : القعدة دي ناقصة بوسي ولله
منار:صحيح هي سمت ابنها ايه
روان : عمار بس كيوت اوي زي القمر بجد شبه بوسي اوي
منار : عايزة اروحلها ولله .. طب ارغوا في اي حاجة بقا
روان : نتكلم عن ايه
ايسل : عن الرجالة طبعا
روان : وااو لا ده فيه تطور حياتي بقيتي زيي
منار :الجواز طورك اهو بقيتي منحرفة
ايسل : ايه يا رخمة انتي و هي عايزين ايه تعالو نتكلم عن مشاكلنا مع الرجالة قصدي
روان : ابدأ انا بقى
ايسل :أيوة عاملة ايه مع عمرو صحيح
روان :بصو هو لذيذ و بيحبني و حتي لو انا اللي غلطانة بيصالحني و بيعمل كل حاجة تفرحني بس مش عارفة يعني فيه حاجة كدا
منار : نعم يا روحي يعني واحد بيعمل كل ده و مش عاجبك
روان : بصي مش عارفة و مش فاهمة العيب من مين يعني انا و عمرو مختلفين في كل حاجة انا اول بنت في حياته يحبها و اول بنت في حياته عموما حتي مكنش عنده صحاب قبلي و كان رافض حوار الصداقة ده بصوا حصل موقف كدا من كام يوم كنت في مزايا بجيب ميكب و بعد كدا نزلت و استنيته في الشارع عشان كنا متفقين نخرج لقيت يا بنتي واحد بيعاكسني الطبيعي ان عمرو يجيبه من قفاه و يعلمه الأدب و يتضرب قام قالي اركبي و خلاص و عدي الحوار تقريبا اللي فهمته انه مش بيعرف يتخانق تفتكره الحوار ده عشان اصلا عمرو مالوش تجارب مع بنات ف عشان كدا شخصية مش مدردح يعني بمعني اصح
منار : انا شايفة انه ابن ناس علي فكرة الحوار مالوش علاقة بأنه يتخانق يعني اللي زي عمرو ده ممكن مبيعرفش يتخانق مع ولد او يتعامل مع الأشكال دي
روان : طب ما فيه رجالة كتير ولاد ناس و لما بيحصل موقف زي كدا بيتحول بلطجي ده غير أنه خجول أوقات بس هو رومانسي و بيعرف ازاي يفرحني لكن محترم بزيادة يعني ممسكش أيدي قبل كدا انا طبعا متسحيل اخليه يمسك ايدي بس يا بنتي ده محاولش
ايسل : مجنونة يعني
منار :غالبا كدا
ايسل :طيب بصي بقا الكلام ده مالوش دعوة بالتعامل مع تاء التانيث خالص دي شخصيته انتي بقى افهمى مفاتيحها واعرفى تستعمليها ازاي هو مش شخصية ضعيفة خالص بالعكس و موضوع انه متخانقش ف ده عشان هو اكيد اتربي ع كدا و انه مش مدردح يعني
منار : هى شخصيته صعبة ومتعبة بس لو عايزاها هتتقبليه بعيوبه قبل مميزات يعنى لازم تشيل الشيلة على بعضها وانا رأيي تغمضي عينك عن عيوبه لان مميزاته حلوة اوي الولد اللي زي ده نادر اوي تلاقيه
روان : مش عارفة بقى بس عمرو شخصية جد شوية نادرا لما يهزر عارفين بحس بايه وانا قاعدة معاه اني طالعة من فيلم ابيض و اسود كأني قاعدة مع ممثل قديم
ايسل : وانتي طبعا عايزة حسن الرداد او احمد عز
روان :بالظبط
منار :لا عندكم بقا ممثلين زمان كان فيهم رشدي أباظة و عمر الشريف في ايه مالكو … رورو هو الواد عاجبك و بتحبيه ولا لا
روان :بحبه طبعا بس
ايسل : انا رأيي تسيبك من شغل العيال ده الولد كويس جدا علي فكرة
_______________
منار : سيف لا ركز معايا و متبصش جنبك
سيف : يعني هفضل باصصلك كدا مش قادر مبصش جنبي
منار : يابني خليك مركز معايا ثبت وجهة نظرك عشان برسمها
سيف : مثبتها علي فكرة و بعدين انا زهقت بقا عايز اخد بريك
منار : يابني اسكت بقا عشان تترسم
سيف: مش عايز … يا ايسل بقا الحقيني
ايسل نزلت عندهم
ايسل : في ايه مالكو
سيف : ما تخليها ترحمني شوية عايز اخد بريك
ايسل :في ايه يا موني بس
منار : مش مركز معايا يا ايسل و مش عارفة ارسمه و هو بيضيع وقت كدا
ايسل : ايه شغل العيال بتاعك ده يا سيف مش انت اللي طلبت منها ترسمك
سيف : يا جماعة انا عيل و عايز ارجع في كلامي في ايه
منار : نعم انت بتستهبل يا سيف بعد ما خلاص البورتريه قرب يخلص دلوقتي مش عايز تكمله
سيف : مين قالكو اني عايز اترسم يا جماعة انا مش عايز مبقاش عندي صبر بصراحة
منار : لا هتترسم يا سيف و هتكمل البورتريه … ايسل ما تتصرفي
سيف : انا مش عايز اكمل البورتريه
ايسل : لا هتكمله بقولك ايه اقعد كدا وانتي كملي شغلك و متتحركش
سيف : ايه الجو ده لا بقولكم ايه متخلقش اللي يغصبني علي حاجة لا
ايسل :كملي شغلك يا موني
سيف: هو بالعافية يعني
منار: أيوة بالعافية ركز معايا بقا
سيف: ماشي ربنا ع المفتري
ايسل : بذمتك فيه مفتري قمر كدا
سيف : مين فينا
ايسل : منار طبعا … يلا كملي شغلك علي ما اطلع شقتي اكمل نشر الغسيل
منار : لالا خليكي متنشريش هعملهولك انا انتي في الشهر الأخير يا ايسل
ايسل : لا يا بنتي دول حاجة بسيطة متقلقيش كملي بس الشغل ده عشان الواد ده ميهربش منك
_______________
بوسي : يا بنتي انا عايزة اجيب عربية و احمد رافض و قال ايه عشان مبعرفش اسوق
ايسل :يا بوسي ماهو عنده حق برضو عربية ايه بس يا بنتي دلوقتي انتي متعرفيش حاجة عن السواقة
بوسي :يا بنتي عشان اعرف اعمل مشوايري و اودي عمار للدكتور و عشان اعرف اعمل كل حاجة ناقصاني بصراحة تعبت من التاكسيتات بقا
ايسل :يا بوسي هو خايف عليكي
بوسي : مانا عارفة بس هو مش مقتنع يا ايسل و عمال يكلمني ع الحوداث اللي بتحصل
ايسل :يا بوسي واحدة واحدة هيقتنع مش من اول مرة يعني
_______________
عاصم : هو كل يوم هنصالح احمد ع بوسي و روان ع عمرو و نشوف مشاكل سيف و منار
ايسل :عاصم انا متعودتش ان حد يكون في مشكلة و مقفش جنبه و هما متعودين يحكولي
عاصم :يا ايسل انتي بقيتي مهتمة بمشاكلهم اوي
ايسل :يا حبيبي ولله مش كدا انا معاك اهو بس كل الحكاية اني بحب صحابي دول و بحب اقف جنبهم في مشاكلهم
عاصم : مش معني ان انا بعدي و بفوت يبقي خلاص مفيش حاجة يا ايسل انا عايزك ليا لوحدي مش عايز كل يوم تروحي ل بوسي و تصالحيهم علي بعض و تشوفي روان و مشاكلها و مشاكل منار و جوزك اللي المفروض هو اهم حاجة في حياتك لا
ايسل :يا عاصم انا مكنتش اعرف انك متضايق ولله صدقني انا اتعودت علي كدا
عاصم : ماشي يا ايسل اللي تشوفيه بس كدا كدا مشاكلهم مبتخلصش انا داخل انام
ايسل : يا عاصم استني بقا
_______________
تاني يوم
في مكتب عاصم العدوى _ في التجمع الخامس
يدخل سكرتير عاصم في مكتبه
….: دكتور عاصم
عاصم كان بيشتغل علي اللاب و بيكتب
عاصم:أيوة يا حسن
حسن :فيه معايا واحدة بس كانت عايزة من حضرتك تترافعلها عن قضية
عاصم : قضية ايه خليها تتفضل
اندهش لما شاف ايسل واقفة بجانب حسن
ابتسم حسن :طيب انا برة لو عوزت حاجة اندهلي
عاصم :ماشي
خرج حسن و ايسل سكتت لحظات
ايسل :احم .. هو حضرتك القضية عن واحدة عايزة تصالح جوزها و هو زعلان منها بيتهيألي القضية اسمها ….
عاصم قاطعها و قال ببرود: الخصام
ايسل :لا الخصام ده وحش اوي انا عايزة فرصة تانية كمان كدا يعني
عاصم :للاسف يا فندم مفيش فرص تانية
ايسل : يا خسارة ده انا حتي بدأت اسمع كلامه ولله
عاصم :بعد ايه بعد ما ضايقتيه بعنادك و مبتسمعيش كلامه
ايسل : ولله هو لو كان كلمني بالراحة و متعصبش عليا كنت وقتها هعرف غلطي و مش هعمل كدا تاني
عاصم :ايسل تعالي كدا شوية قربي عليا
ايسل :ليه
عاصم مسك ايسل من اذنيها و ايسل تألمت قليلا
عاصم : هو انا مش كلمتك بكل هدوء و قولتك يا حبيبتي خلينا في مشاكلنا احنا بس
ايسل :اه ودني بتوجعني شيل ايدك
عاصم :وانتي عندتي و زعلتي و اتعصبتي ف غصب عني اتضايقت
ايسل : خلاص بقا
ايسل فلتت من عاصم و بعدت عنه و ابتسمت
عاصم :مستفزة جدا علي فكرة
ايسل :بس بتحبني و متقدرش تستغني عني صح
عاصم :للاسف بقا نصيبي
ايسل :طب المهم بقا شوف هترفعلي قضية ايه
عاصم :عايزة ايه
ايسل :يعني مثلا المسامح كريم .. حاجة حلوة كدا علي ذوقك
عاصم ضحك :حاجة حلوة
ايسل : اممممم حلوة جدا ولله و كيوت ايه ده انت ضحكت صح يبقا كدا مش زعلان
عاصم :وحشتيني
ايسل : مش انت زعلان مني وحشتك ازاي بقا
عاصم :يا رخمة …. يلا بقا امشي عشان ورايا شغل مش فاضيلك ولا فاضي احبك دلوقتي دع غير رايح الجامعة عشان عندي محاضرة كمان ساعه و نص
ايسل :لا خليك فاضي شوية صغنين كدا
عاصم:عندك نجوم fm روحي اسمعيهم و حبي فيهم
ايسل :متزقش طيب هقعد معاك شوية مش هعمل صوت ماشي
عاصم :ماشي
_______________
عبير : اومال ايه الغسيل اللي عندك ده كلو يا حبيبتي … انا مش فاهمة هو انتي ازاي سايبة كل الغسيل ده
ايسل : يا طنط كنت تعبانة جدا و مقدرتش اغسل اسألي ابنك
عبير : ده انا لما كنت حامل زيك كنت بقوم اعمل كل حاجة
ايسل : اه مانا عارفة
عبير : طيب يا حبيبتي عموما اغسليهم و هطلع أمر عليكي بعد ساعة لو متغسلوش قوليلي وانا اغسلهم
ايسل :لا يا طنط شكرا هغسلهم
عبير : انا خايفة عليكي عشان تكوني شاطرة كدا
ايسل : اه مانا عارفة
عبير : ماشي يا حبيبتي انا نازلة و هجيلك تاني أشوفك غسلتيهم ولا لا
خرجت عبير و ايسل حدفت الملعقة من ايديها بكل عصبية
ايسل : ياربي ايه الوجع ده انا تعبانة اوي و مش قادرة اعمل حاجة بجد اااااه
و هي بتتألم اتفاجأت بالكلبة ( بيلا ) جريت عندها و نامت علي رجلها و كأنها حاسة بوجعها
ايسل : ياااه هو ممكن الكلاب تكون احن من البني ادم
بعد العصر دخل عاصم الشقة كانت ايسل بتنفض و تروق
عاصم بعصبية: ايه اللي بتعمليه ده انتي مجنونة الدكتور مانع عليكي اي مجهود
ايسل : يعني مين هيعمل كل ده كفاية كلام مامتك يا عاصم
عاصم :عارف قالتلي تحت مراتك مبتغسلش و مبتعملش حاجة قولتلها الدكتور منبه عليها ممنوع اي جهد تقومي تسمعي كلامها
ايسل :يا عاصم انا مش بحب اسمع كلامها ده انت عارف لو انا قادرة مكنتش هسيب الشقة كدا
عاصم :طب ممكن تقعدي بقا و تسيبي كل حاجة ناقصة انا هعملها بس اقعدي او حتي اشوف واحدة تيجي تنضف او حتي كنتي كلمتي مامتك او واحدة صاحبتك تساعدك
ايسل : اه عشان مامتك تيجي تقولي جايبلها خدامة و مراتك لازمتها ايه و صحابي و ماما ايه بس انا مش بحب اشيل حد مسؤليتي انا مبحبش حد يعملي حاجة كل واحد فيه اللي مكفيه أيوة عارفة لو طلبت منهم مش هيتاخروا و هما كل ما يجولي بيكونو عايزين يعملوا اي حاجة لكن انا مش بوافق
عاصم :ماما تقول اللي تقوله واضح انك مش هتسمعي آلكلام انا هتصل ع بوسي اسألها الغسيل ده بيتغسل ازاي و ال حاجات اللي مش عارفها اما حضرتك بقا ف زي الشطورة كدا تنامي جوة و ترتاحي
ايسل : يا عاصم لا
عاصم :بطلي عناد يا ايسل
ايسل صرخت : ااااه لا مش بعند بس مش هينفع هو فاضل كام حاجة بس هغسلهم و شوية اطباق و هكنس الاوضتين
عاصم : شوفتي بقا تعبتي اهو
عاصم شالها علي ايديه و نيمها غصب عنها في الأوضة
ايسل :يا عاصم لا
عاصم قبلها من ايديها :لو اتحركتي من السرير هحبسك زي الأطفال المهم هروق انا الشقة و اخلص كل حاجة و ارجعلك
ايسل :ربنا يخليك ليا يا حبيبي
عاصم :و يخليكي ليا
_______________
في المستشفي يوم ولادة ايسل
عاصم واقف برة قلقان و خايف عليها
صفاء :يارب … يارب ولادتها تكون سهلة يارب
احمد : اطمن يا عاصم ربنا هيكرمك يابني ان شاء الله اهدي كدا
عبير : اقعد يا عاصم و اهدي هتقوم بالسلامة ان شاء الله
عاصم : اقعد ايه بس يا ماما
سيف : يا عم هانت ولله ان شاء الله هتكون كويسة
بوسي : الدكتور هيخرج دلوقتي و هيطمنا
جلال : خير ان شاء الله
خرجت الممرضة من غرفة العمليات
الممرضة: مبروك جالكم بنت زي القمر ماشاء الله
منار : الحمد لله يارب
عاصم بسعادة : بجد طب طمنيني ايسل بخير
الممرضة : اه عن اذنكم
روان : طب الحمدلله
احمد &سيف :الف مبروك يا عاصم
عبير : مبروك يا حبيبي الف مبروك
عاصم حضنها و قبل ايديها
صفاء : مبروك يا عاصم
عاصم :الله يبارك فيكي يا طنط
بوسي حضنته : مبروك يا حبيبي
منار : مبروك يا عاصم
عاصم : الله يبارك فيكي عقبالك يارب
الممرضة خرجت عند موظفة الريسبشن
الممرضة : مني بسرعة كلمي دكتور عمر يلحق حالة الولادة اللي جوة دي جالها نزيف بسرعة يا مني
عاصم جري عندها : مالها ايسل
الممرضة : مفيش شوية نزيف بس متقلقش هتكون كويسة
عاصم : دكتور نزيف ازاي يعني في ايه لو سمحت طمني
الدكتور :المدام ايسل واضح أنها عملت مجهود جامد في الفترة الأخيرة وانا كنت مانعها تعمل اي جهد و ده للاسف هياثر بالسلب عليها ادعولها تكون بخير
الممرضة بعصبية :بسرعة يا دكتور دي نزفت كتير اوي
عاصم قعد علي الارض و سند رأسه ع الحائط : اهو بيحصل اللي كنت خايف منه