قشر الليمون بجد فظيع

بواسطة: كُتاب بيت العز - آخر تحديث: 19 سبتمبر 2019
قشر الليمون بجد فظيع



هقولكوا ازاي انا بجمع قشر الليمون?? كل ما استخدمه واحطه في كيس في الفريزر لغاية لما يبقوا حبه حلوين حوالي نص كيلو او اكتر وبعدين اخده واحطه في حلة كبيرة عليها 3لتر أو اكتر ونسيبهم يغلو كويس كأنك سويتي القشر وبعدين يبرد وعلى الخلاط وصفيه وحطيه في زجاجات وحطيه بقى في اي حته في المطبخ ومش عايزة اقولك بقى على استخدماته تعقيم في كل حاجه بستخدمه في
(1) تنظيف الطيور والأسماك مش عايزة اقولكوا لايمكن تشمي ريحه زفارة ابدا بحط شوية وانا بغسل الطيور والأسماك
(2 )بحطه مع سائل المواعين وانسي اي ريحه للحلل والاطباق والمعالق هتبرق
(3 )حطي منه في الخلاط والكبة لو ليها ريحة بصل وارميه
(4 )لو بتغسلي ملابس ابيض حطى شويه وهو هينور بجد من لا شئ بقى عندي حاجه مش بستغنى عنها يعني ممكن نص كيلو قشر يعمل له زجاجتين لتر ونص يقعدوا عندي شهر او اتنين اهم حاجه ماتقفليش الزجاجه وسبيها متهوية علشان بيتفاعل ويعمل صوت زي المياه الغازية يارب اكون افدتكوا
ملحوظة

نسيت اقولكوا على أهم حاجه مخلي ايدي فلة وبيضه قشطه ده غير ان كان عندي حساسية من سائل المواعين وراحت بسبب ان بحط ربع الإزازة ليمون والباقي صابون




191 مشاهدة